سمعت حاجة عن الالنترا 2010 عايز اتاكد منها

[m_zizo620]

امبارح كنت في ابو غالي بتفرج على الالنترا و الاوبترا و الراجل قالي ان الالنترا بعد 120 مش ستابل على الطريق خالص عشان الباور كهربا و مش بيفصل و بيبقي الدركسيون مية بس بصراحة انا مش مصدقه و مش مقتنع بكلامه انا عارف ان الباور كهربا فعلا بس اكيد هيونداي مش هتعمل عربية مصنفة 3 عربية في امريكا عام 2009 في الفئة دي و تكون بتعوم بعد 120 يعني ياريت اسمع رايكم في الموضوع عشان بالرغن اني مش مصدق الا انه ضايقني لما قال كدة كمان قال ان التوكيل كله عربيات النترا فيها العيب دة من نص 2009 و 2010 و قلقني منها

[dr_abooody]

مين قال كدا انا جايب العربية من ابو غالي من كام شهر و ما فيش اي مشاكل خالص من دة
و خالي معاه نفس العربية موديل 2007 و جاب بيها 200 على طريق العلمين
بلاش نصدق الاشاعات دة و العربية الباور بتاعها بيتقل مع السرعة
ادخل على اليو تيوب و شوف الناس اللي بتجيب بالعربية 200 و 220 كمان
اهم حاجة في العربية الهدوء و الراحة و انا ما شوتش احسن من كدا الصراحة في فئتها جرب اركب العربية و انت هتغير رايك

[m_zizo620]

شكرا على ردك و اهتمامك طمنتي بس هو انت الشكل الجديد

[dr_abooody]

انا 2009 و الشكل الجديد من موديل 2007 و قبل كدا شكل قديم

[hazemhassan]

ليا واحد صاحبى ماشى بيها 200 من طريق اسيوط وكانت كويسة
بس لازم تكون واخد بالك من الطارة عشان الباور لان دة اللى بيودى الناس فى مشاكل عشان بيكون مية خالص

[horas3000]

الراجل ده بيبالغ و غريبة ان كلمة زي دي تطلع من مندوب مبيعات يعني قمة عدم الاحترافية.
بص يا زعيم انا جربت الانترا شخصيا و جبت 200 مرتين مره علي طريق العين السخنة الجديد و مرة علي وادي النيطرون الدريكسيون فعلا مبتقلش زي العربيات التانية بس مش لدرجة انه يبقي ميه و العربية ثباتها فوق المتوسط وضعا في الاعتبار الفئة اللي العربية فيها و حجم الجنوط اللي بتنزل بيها العربية

[katz]

i drived it at 180 several t
it was very good
her stability is better than my old Nubira

[mcml_13]

الكلام ده غير صحيح بالمرة
انا لسه شارى العربية و لسه فى التليين بس اول اما بعى (مش هاقولك 120 ) لا 60 بس الدركسيون بيبقى حجر فى ايدك و لو عملت تيرن يمين او شمال بيبقى عاوز يرجع لوضعه الطبيعة لقدام
انا لسه ماجرتش بيها بس لحد 130 ( و دة اكتر سرعة جبتها بعربيتى عشان لسه بلين ) كانت ثابتة جدا الحمدلله و ماتسمعش كلم حد
انا اللى خلانى اشترى العربية انى كنت باخد عربية واحد صاحبى و هى 2008 و جبت بيها 160 و العربية كانت كويسة و مافيش حاجة اسمها الدركسيون بيبقى مياه و الكلام ده

[eng_abdou]

السلام عليكم
العربية ممتازة ومتصدقش الكلام دة ... انا معايا يناير 2008 فى مصر وزى الفل
ومعايا بردة الانترا فى السعودية وامبارح كنت بعمل عمرة ورجعت المدينة ماشى 220 وكنت بهدى بنزل 200
ودة مش 1- ثوانى ولا 15 دقيقة دول كانو 3 ساعات قطعت فيهم 430 كيلو زى الفل لا دركسيون عام ولا غرق.
متنساش تحسب وقت تموين البنزين والرست وتجيب شاى بس.
وربنا يستر
السلام عليكم

[CosmicOne]

انا معايا سيفيك 2007 و سوقت الألنترا كتير اوى (عربيت امى) و ثباتها زى الفل

متصدقش الكلام ده.

[seanmichaels]

والله العظيم الباور بتاع الإلانترا بيتقل, قسما بالله العلي العظيم الباور بتاع الإلانترا بيتقل, إلانترا الشكل الجديد إبتدى ينزل من آخر2006 و فعلا الباور بتاعها كان فيه مشكلة إنه مش بيتقل , بس العيب ده إتصلح في كوريا في آخر2007, و من موديل2008 الباور بتاع الإلانترا بيتقل, بيتقل كل ما تعلي السرعة, من سرعة50, و أنا معايا العربيه, قسما بالله العظيم بيتقل, أنا بجد مش عايز أشتم اللي بيقولوا مش بيتقل و أقول عليهم بيألفوا, قسما بالله بيتقل, بس الإلانترا ثباتها مش زي اللانسر بومة مثلا أو السيراتو الجديدة في السرعات العالية أوي, و ده مش عيب فيها, هي تصميمها كده, لأن عفشتها ناعمة مش ناشفة زي البومة سبورت و السيراتو, بس الماتور بتاع الإلانترا تكنوليجيا أعلى و أحسن بكتير و صوت الماتور مش مزعج زي البومة, و الكراسي مريحة عكس البومة, البومة مثلا و الإلانترا الجديدة ثابتين في السرعات العالية جدا أكتر من الكرولا2003, هل البومة أو الالانترا القديمة أحسن من الكرولا يعني؟, طبعا لأ,

[m_zizo620]

شكرا يا جماعة بجد ربنا يطمنكوا انتو ريحتوني اوي و ان شاء الله هاجيبها و ياريت تفيدوني بمعلومات اكتر عنها

[momen]

أنا معايا 2010 والباور زي الفل وبيتقل مع زيادة السرعه
العربيه عيبها الوحيد من وجهة نظري انها بتبقى واطيه لو محمل ورا وده مش عيب جوهري طبقا لاستخداماتي واحتياجاتي

[essam_shaaban]

ربنا يبارك فيكم طمنتوا الراجل

[raedegypt]

ياعم ال بيقول لك الكلام ماتشترى منه لانه يضللك .. يعنى ايه 120 بتعوم ال يخلى الاتوس ماتعوم اقل فئه فى هيونداى.. جبيبى الموضوع دة كلام مبنى عن سياسه بيع المخزون للانواع الراكده لزبون مش عارف عفوآ ليخلص منها