New accent

[labbody]

سؤال لعاشقى الهيونداى
هل نيو اكسنت واسعة من جوة ولا ضيقة واية اخبار الثبات وقطع الغيار
وهل الماتريكس افضل منها
افيدونا افادكم الله
وجزاكم الله خيرا

[memoo_1st]

هيا مع واحد صاحبي و هيا واسعه من جوه لكن الماتريكس اوسع منها

وبالنسبه للثبات اقصى حاجه جبناها كانت 130 و العربيه كانت ثابته جدا

[hazem_khidr]

عربيه حلوه جدا و موتورها تصميمه جديد و فيه تقنيات عاليه و عربيه واسعه و ثابته

[mtradwan]

ممكن نقدر نعرف مميزات اكتر لوسمحمتم عن النيو اكسنت

[akram2010]

شوف دة ركوبه ودة ركوبه . لو غاوى عربيه سيدان خليك فى الاكسنت ولا غاوى الحاجات العاليه طراز وجن الماتركس والاتنين احلى من بعض شوف انتى ال ريحيك ايه

[mzda]

بس انا سامع انها ضيقه من ورا وانا شايف انا ااضيق والوسع مسأله نسبيه
ايه رايكم نقارن بين العربيات عشان نقرب الصوره شويه

مثلا لانوس اوسع ولا الاكسنت

الفيرنا اوسع ولا الاكسنت

لانسر كريستاله اوسع ولا الاكسنت

[ezzatfox]

هى اوسع من الفيرنا و اللانوس و اضيق من اللانسر

[mzda]

انا سامع انها فيها مشاكل بالعفشه وبقواو بتخبط من قداااام وبتنطط من ورا

حد يقولي يعني ايه بتخبط من قدام يا جماعه

[ezzatfox]

العفشة مفهاش مشاكل و مبتخبطش من قدام .. انا قريت الكلام دة قبل كدة و محبتش اعلق علية .. و ممكن تسأل الموجودين فى المنتدى اللى معاهم العربية و هما هيقولولك . اللى عندة خبط من قدام إما انة مجنط جنوط مش مناسبة للعربية او ان عربيتة موديل قديم نسبيا و اصبحت فيها اجزاء مستهلكة محتاجة تغيير . بالنسبة لموضوع التنطيط من ورا . هتحس بية لو ماشى بسرعة كبيرة و بتعدى على فواصل جامدة فى الطريق - زى اللى فى الدائرى - هتحس بالكلام دة - و دة راجع ان العفشة غاز يعنى ناشفة - يعنى معدل الانضغاط بتاعها مش ناعم زى المساعد الزيت - لكن لو طريق حلو مش هتحس باى حاجة - و بردة الموضوع دة مبيأثرش على الثبات و العربية لغاية 140 ثابتة .. الكلام دة بمنتهى الامانة