Hyundai Coupe

[farahat]

هو ليه يا شباب المنتدى الكرام محدش بيجيب سيرة هيونداي كوبيه خالص ؟
أنا شايف انها عربية مش وخدا حقها خالص مع انها كويسة على الاقل مش متجمعة في مصر ٫ إيه رايكو في الكلام دة؟

[Ahmed Anwer]

يعني عربية مبتخاطبش فئة كبيرة من الأعضاء ،،

بتتكلم عن عربية كوبية ،، كرسيين ،،

تعتبر رفاهية بالنسبة لكتير منا ،،

احنا عايزين عربية تنفع في كل حاجة

[Nile_Storm]

عربيه محترمه جدا و لذيذه بس غاليه
و ان كان فيها تميز عن غيرها ( جديده علي السوق المصري )

[الريس]

العربية كويسة فعلا .. ركبتها و سوقتها اسبوع بحاله
الفكرة انها مش مناسبة لينا
لكنها جراية جدا و شيك جدا

[Hesham A.Megid]

عربيه رائعه بالذات الموديل الجديد...بس غالوها اوي، الموديل القديم كان علي ما اتذكر ب 115 الف، الجديد ب 140 الف رغم ان مافيش اي فرق في الامكانيات!

[farahat]

هي مش مناسبة لينا لو عيلة و كدا لكن لو شباب أنا شيف العربية كويسة جدا ، و متهيألي انها كمان قوية كفاية للطرق بتاعتنا ( عشان العفشة سبور ) ولا أنا فهم غلط ؟

د حتى بالرغم من انها غالية أنا شايف كتير منها في الطرق و كتير كمان ناس كبيرة مش بس شباب :)

[fahd_628]

هية كويسة بس كانت محتاجة المحرك ال 2000 او ال 2700 سى سى علشان يديك الأداء الرياضى الى شكلها يوحى بيه بس نعمل اية بقى الجمااااااااااااارك

[Nile_Storm]

اظن ان محرك 2000 سي سي هيعملها مشكله في الثبات يعني هيكون كبير عليها

[Hesham A.Megid]

اظن ان محرك 2000 سي سي هيعملها مشكله في الثبات يعني هيكون كبير عليها

هيا بتنزل بره بموتور 2000 و 2700، ال 1600 مش موجود غير في بلاد قليله و بتبقي الاقل في الامكانيات طبعا.

[ASD peugeot]

عربيه جميله لاكن برده انا شايف اكبر مشكله انها قليله الارتفاع جدا عن الارض بس انا شايف انها دي مش مشكلتها دي مشكله المطبات اللي اكتر من عدد العربيات ودا مشروع ميت مطب لكل مواطن

[ASD peugeot]

اسف لكل عربيه و انا عاوز اعمل للمشروع ده موضوع ايه رأيكم

[Hesham A.Megid]

عربيه جميله لاكن برده انا شايف اكبر مشكله انها قليله الارتفاع جدا عن الارض بس انا شايف انها دي مش مشكلتها دي مشكله المطبات اللي اكتر من عدد العربيات ودا مشروع ميت مطب لكل مواطن

دي sports coupe يعني لازم تبقي واطيه علي الارض

[ASD peugeot]

انا عارف بس ازاي هتمشي في الشارع و هتعدي المطبات صاحبها عند المطب هيعمل ايه قولي

[Hesham A.Megid]

Just for the record, its ground clearance is 13.71 CM....