أغير نيو أكسنت 2009 وأجيب 2010 ؟؟؟

[bobos]

الف الف الف شكر يا رجالة علي الردود والنصايح والله معاكو حق
وأسف جدا علي التأخير يا شباب والله الشغل مخليني مش لاحق ادخل علي الفورم هنا بقالي كام يوم :(
بس انا اللي مخليني افكر في التغيير ده حتة انها واصلة لـ20 الف كيلو حاسس ان صيانتها بعد كده هتبتدي تتكلف جامد ولا ايه !! اصل بصراحة كده دي أول عربية اسوقها :)
امبارح رحت اتفرجت علي الاكسنت سبورت كانت لونها أسود بصراحة مش وحشة اوي زي ما كنت متخيل الانتريور متغيرش في حاجة غير بس المرايات الكهرباء (والله ميزة جامدة ومؤثرة جدا) الاكستريور بأه مختلف تماما مش وحش أوي بس تفاصيله كتيرة مش زي الشكل القديم (سيمبل وتايت محندقة وملمومة كده) :))
انا بأه عجبنتني المرايات الكهرباء لأنها حازة في نفسي اوي من ساعة ما ركبت النيو أكسنت :))
ايه رأيكو اجيب السبورت ولا شكلها فاشل !!!

[hdabawy]

ان كان الموضوع مرايات ممكن تخلى التوكيل يركبلك مرايات كهرباء
وتكلفتها اكيد هتكون اقل بكتير من خسارة البيع

[مصطفى مغربي]

كلام سليم و من الأخرررر

طيب انت كدة هتخسر من 8 الى 10000 الاف ... فى المقابل هتكسب اية
فرق سنة فى الموديل و لا شكل المرايات الجديدة .. هل دة يساوى عندك 10000 جنية ؟؟؟

رأيى .. طالما العربية كويسة و مريحاك متغيرهاش .. الا اذا كنت عايز تجيب حاجة اعلى بكتير

كلام سليم و من الأخرررر

[bobos]

ان كان الموضوع مرايات ممكن تخلى التوكيل يركبلك مرايات كهرباء
وتكلفتها اكيد هتكون اقل بكتير من خسارة البيع

هو التوكيل ممكن يركب كهرباء للمرايات ؟؟؟!!!
هو مكانها موجود في الباب بس غبور ممكن يعمل الحركة دي أصلا؟!!!
اللي اعرفه انه مينفعش ... طب حد عملها عند غبور أو برة ؟؟؟ وتتكلف قد ايه دي بأه ؟!!!

[raedegypt]

بص لو هاتغيير لشكل الاكسنت الاسبورت ..معاك حلوة ومختلفه كليآ من برة ... شكلها احلى كثير من الحالى وعند الانتشار فى الشوارع ها ترخص الشكل القديم اكثر من 10 الاف جنيه فوق فرق الموديل خلى بالك . واحلى الوان الاسبورت الفضى والاحمر الشكل الجديد انا اتكلم . الحق لو ناوى الان افضل من الايام الجايه وظهر الاسبورت هايخلى الناس تحجم عن الشكل الحالى

[ezzatfox]

هو التوكيل ممكن يركب كهرباء للمرايات ؟؟؟!!!
هو مكانها موجود في الباب بس غبور ممكن يعمل الحركة دي أصلا؟!!!
اللي اعرفه انه مينفعش ... طب حد عملها عند غبور أو برة ؟؟؟ وتتكلف قد ايه دي بأه ؟!!!

المرايات الكهرباء فى حدود 650 جنية ممكن حضرتك تسأل عند عشم نوار فى شارع دمشق و تشوف اية نظام التركيب عندة .. هيبقى ارخص من التوكيل و نفس المستوى لانة كان متعاقد مع غبور على تركيبب الكاسيت و الانذار .

[elamerstar]

لا انصحك بهذا نهائيا وخصوصا انك بتقول العربيه مريحاك

لاسباب عديده اهمها بصراحه ان العربيات في مصر بقت عامله زي البطيخه يا تجيبها تطلع حمراء او قرعه

ومدام انت بطيختك طلعت معاك حمراء فبلاش تجرب تاني محدش ضامن

عى فكرة انا كنت بفكر نفس تفكيرك بس كنت عايز ابيع عربيتي واجيب الاسبورت بس تراجعت للسبب اللي قولتهولك فوق

كلام 100% مضبوط

[bobos]

المرايات الكهرباء فى حدود 650 جنية ممكن حضرتك تسأل عند عشم نوار فى شارع دمشق و تشوف اية نظام التركيب عندة .. هيبقى ارخص من التوكيل و نفس المستوى لانة كان متعاقد مع غبور على تركيبب الكاسيت و الانذار .

الف شكر يا عزت باشا بس مش لو ركبتها برة التوكيل كده تطلع برة الضمان ولا ايه ؟!

[ezzatfox]

الف شكر يا عزت باشا بس مش لو ركبتها برة التوكيل كده تطلع برة الضمان ولا ايه ؟!

عشان كدة قلتلك عشم نوار لانة يعتبر معتمد عند غبور .. بس بردة الموضوع محتاج مشوار لغاية عندة و تتأكد منة فى النقطة دى

[katz]

لاسباب عديده اهمها بصراحه ان العربيات في مصر بقت عامله زي البطيخه يا تجيبها تطلع حمراء او قرعه

ومدام انت بطيختك طلعت معاك حمراء فبلاش تجرب تاني محدش ضامن

+11111111111111

[alihussien2]

انصح بعدم التغيير او تركيب مرايات او خلافه
كده فل افل اسمع الكلام واحمد ربنا

[Turbo999]

انصح بعدم التغيير او تركيب مرايات او خلافه
كده فل افل اسمع الكلام واحمد ربنا

+1111111111111

لما تقرر تغير تغير للأحسن كفئه ونوع

[ranyrany]

ماحدث معى من مشاكل النيو اكسنت 2010

الى الاخ اللى عايز يغير عربيتوا
انت لو عايز تعرف ايه اللى حصل معايا والنيو اسكنت فيها ايه من عيوب
ادخل على التوبيك بتاعى او على التوببيك بتاع ابو مارو هتعرف كل حاجة وارقام التليفونات موجودة لى توضيح

[farfora20082008]

اولا السلام عليكم
انا متابع الموضوع من الاول وشايف ان الاخ اللي بيسأل ويريد التغير هوه مش بيقف عند كلام الاخوه هنا وطالما هوه عايز يغير وعجباه الشكل الجديد سيبوه يغير -
في مثل مصري بيقول صاحبك له عندك النصيحه
والاخوه هنا نصحوك
وانا كمان احب انصحك بشيء
انا من ملاك هيونداي وبرضه اول عربيه لي وصدقني كان حلم ليا اني اجيب عربيه والحمد لله اتحقق و فعلا بعد ما ركبت العربيه ورغم انها لسه مش بقالها معايا غير شهر واحد الا اني بدأت اتمني اني اغير من هيونداي لحاجه تانيه - في فرق كبير بين الهيونداي بتاع غبور اللي احنا بنركبها وبين اليباني او الاوروبي -
استفسارك غريب شكلا وموضوعا بس من حكم في ماله ما ظلم اللي يغير عربيه تعتبر لسه زيرو " 20 الف مش حاجه الا اذا كنت بهدلت فيها " مش يغير لنفس الفئه ونفس الماركه
يا اخي انت حابب تغير يبقي اعمل تغير ينفع يتقال عليه تغير مش بس تغير موديل السنه حتي لو الشكل الجديد
انا لو مكانك لو معايه سيوله اغير لعربيه زي نيسان سوبر صالون - لانسر - وغيرها كتير من العربيات اللي يتغير عشانها - مش معاك سيوله يبقي اصبر علي العربيه شويه - هي اصلا مش هتبدأ تفتح بؤها الا كمان 20 او 30 الف طالما انت محافظ عليها
وفي الاخر الرأي يرجعلك وربنا يوفقك لما فيه الخير

[bobos]

والله يا شباب 1000 شكر علي ردودكم الظاهر ان تفكيري في التغيير دلوقتي قلة خبرة مني خصوصا انها اول عربية اسوقها كنت متعود اقول العربية لسة زيرو ماشية 2000 ولا 5000
بس اما عديت العشرين حسيت ان الرقم كبير وانها قدمت ويا خوفي لا تبتدي تكلفتها تبقي عالية في الصيانة دانا اخر مرة رحت غبور في صيانة ال20 غرمان 840 جنية اومال ما توصل 40 و 50 هتتكلف كام بأه !! فاقلت الفرق هيطلع ايه 7 ولا 8000 جنيه هيطلع قسطهم معقول اكني جايب لاب توب سوني محترم مثلا :) بس هو واضح ان ذوي الخبرة شايفين ان التغيير خطوة مالهاش اي لازمة الا لو الموديل اعلي بكتير ..هو مين مانفسوش في موديل اعلي اصلا !! يا سلام علي الفورد فييستا ولا التيدا هاتش ولا الاسترا الجديدة ولا حتي الهيونداي i30 بس في الحالات دي كلها الفرق يوصل ل 50 الف وده طبعا يعتبر احلام في الوقت الحالي :(
ولذلك بناءا علي اراءكم التي اشكركم عليها جميعا قررت استسلم للأمر الواقع واقنع نفسي ان العربية ما تبقاش قدمت الا اما توصل ل 100 الف قبل كده تبقي فلة ووقتها بأه ربنا هو المعين :)