علبة دركسيون الالنترا

[bukla]

يا جماعة فية مشكلة لواحدة قريبتى فى علبة دركسيون عربيتها الالنترا موديل 2007 المشكلة بدأت انها سمعت صوت تزييق لما بتكسر الدركسيون يمين او شمال و لما راحت التوكيل قالولها انها مشكلة فى علبة الدركسيون محتاجة تصليح و تغيير جزء من علبة الدركسيون و حتكلفها 12000 تخيل امال العلبة كلها تمنها كام المهم لما رفضت و راحت لميكانيكى قاللها انهم حرامية و هو حيربطها لها كحل مؤقت حيروح الصوت لغاية ما يشوف لها علبة استيراد و طبعا لعدم وجود ضمير عند معظم الناس للاسف مش عارفيين الحقيقة فين
المهم حد عارف تمن علبة الدركسيون الجديدة برة التوكيل بكام و تتجاب منين

[bukla]

الا من مجيب:b4_039:

[bukla]

اكتر من اربعين واحد شافوا الموضوع و مافيش رد او تعليق واحد اية يا رجالة هيونداى فين التعاون

[حماده المصري]

والله الموضوع ده بالذات حساس جدا

ممكن يبقى من العلبه وممكن يبقى من قطمه الباور

اطلع على مركز صيانه وسيبك من التوكيل واتفاهم مع المهندس باحترافيه شويه يعني ايه الي عامل الصوت بالضبط متقوليش علبه دركسيون مهي العلبه مكونات ايه بالضبط الي بايز فيها

ولو هي قطمه باور في جهاز كشف في التوكيل بيبيين الاعطال بس لو في مركز صيانه ممكن انت تبقى بنفسك جنب العربيه وتشوفها وهي بيتكشف عليها ويقولك الاعطال

سيبك من التوكيل حميير ومبيفهموش حاجه

بعديين المفروض انها في الضمان تتصلح

وانا رايي لو مش هتتعمل في التوكيل سيبها ومتعملش فيها حاجه هي لحد ما تجيب جاز بعد كده ابقى غير

[bukla]

والله الموضوع ده بالذات حساس جدا

ممكن يبقى من العلبه وممكن يبقى من قطمه الباور

اطلع على مركز صيانه وسيبك من التوكيل واتفاهم مع المهندس باحترافيه شويه يعني ايه الي عامل الصوت بالضبط متقوليش علبه دركسيون مهي العلبه مكونات ايه بالضبط الي بايز فيها

ولو هي قطمه باور في جهاز كشف في التوكيل بيبيين الاعطال بس لو في مركز صيانه ممكن انت تبقى بنفسك جنب العربيه وتشوفها وهي بيتكشف عليها ويقولك الاعطال

سيبك من التوكيل حميير ومبيفهموش حاجه

بعديين المفروض انها في الضمان تتصلح

وانا رايي لو مش هتتعمل في التوكيل سيبها ومتعملش فيها حاجه هي لحد ما تجيب جاز بعد كده ابقى غير

اشكرك على الرد
هو فعلا كانوا بيقولوا حاجة باين اسمها الفارغة او قطمة الباور دى مش عارف بصراحة بس اية ممكن تكون هى الحاجة دى اللى تمنها 12000 جنية فى علبة الدريكسيون و تكون بتبوظ من رزعة مطب امال علبة الدركسيون بالكامل تمنها كام
عموما انا حاخد بنصيحتك فى موضوع مركز الصيانة بس لو ممكن تقولى اماكنهم او لو فى واحد منهم قريب من المعادى
ولك جزيل الشكر مرة اخرى

[hema1975]

لأ انا اعرف ان تمن العلبة معدى 14 ألف من التوكيل حوالى 14,700 جنيه بس ده تمن العلبة كاملا يعنى العلبة بالبارات بكل حاجه

مراكز الصيانه لو معتمدة غالبا مش بترضى تركب غير الحاجات الاصلى دى حاجه و لو انت اللى جبتلهم الحاجه من بره و ركبوها هيكتبوا انها على مسئوليتك الشخصية و غالبا مش هيدوك فاتورة لو الحاجه مش اصليه

[حماده المصري]

تعالى الهرم عندي مركز حلو اوي مريحني

عموما القطمه دي مش حاجه هايفه دي فيها الباور بكل مكوناته وهي موصله بين الدركسيون وعلبه الدركسيو


عموما تعالى نشوف ايه الموضوع ولو طلعت قطمه متغيرهاش وفكك منها لحد ما تبوذ خالص وعموما الباور بتاع الانترا لما بيبوز مش بيتقل جامد ممكن متحسش خالص

انا عندي نفس المشكله القطمه ب 7 الف نيو اكسنت ومش هغيرها لو ايه حصل اخري هجيبها استيراد

في برضو مركز كار تك في العبور لو بعيد عليك الهرم هو محترم بس متعاملتش معاه في حاجه تقيله


اهم حاجه لما يكشف بالكمبيوتر بيطلع العطل error ليه كود معين بيعرفك ايه الي بايز بالضبط وومكن تطلع المشكله اساسا في علبه الدركسيون حاجه بسيطه عايزه تتغير بس دي انا مستبعدها بس نصيحه لو ايه متعلق بالباور متغيروش عشان غالي وفي نفس الوقت باور ال i30 باز من واحد صحبي محسش بيه اساسا مع ان اللمبه منوره قدامه ولما راح عرفوه تاني واشتغل عادي

[bukla]

الف شكر ليكم جميعا على ردودكم و جزاكم الله كل خير

[KSA2011]

عملت ايه با باشا طمننا ؟

[Thebutcherr]

اعزائى انا كنت كاتب موضوع عن مشكلة شبيهة لكدة بس محدش عبرنىبمشاركة يتيمة بس ممكن تفيد
السلام عليكم
رجالة انا بدور على الانترا 2007 او 2008 اوتو عدداد قليل و كنت بكشف على واحدة 2007 فى مودرن موتور العربية كانت كل حاجة فيها كويسة ما عدا ريجة بسيطة فى ديسكات الفرامل بس الحاجة الجوهرية اللى اظهرها جهاز كشف الاعطال هى Eroor:Time out فى جهازباور الدريكسيون و بعد ما راجعت مدير الورشة قاللى انة دة عيب شائع و سبب ان الناس بيتقول ان السيارة مش ثابتة على سرعة و مش السبب ان الباور كهرباء زى ما الناس فاكرة!!
طب ايه باتلضبط اثارها او تبعياتها؟
عومان على سرعات عالية و ساعات سرعات عادية,الدريكسون ساعات ميروددش(ميرجعش) للعدل(المستقيم) بعد الدوران فى المشى,و ممكن كمان صوت تخبيط فى القطمة فى المطبات و عومان فى تغيير المسار المفاجىء و مش على سرعة محددة و اكثرها دريكسيون مش بيتقل بعد سرعة 100 km و دة شائع جدا و مش المفرمض يحصل و سبب أن الناس بتردد ان الباور الكهرباء بتاعها خفيف و بيقلب!!
طلعت اجرب بنفسى و فعلا لاقيت بعض الآثار دى
-طيب و بتعملوا ايه مع عميل عنده العيب ده
-بنعمل تقرير للعميل و بيروك غبور بيغيروله القطمة فى الضمان
-طب لو مش فى الضمان
-ثمنها 16 الف جنية!!! و فى منها استيراد بحوالى 4-6 الاف جنية بس انت و حظك و على التجربة و اكتر تاجر ممكن يضمنهالك شهر مش اكتر و وارد العيب يتكرر و يظهر تانى !!
-طب اى حلول تانية؟
-لازم تعرف ان القطمة بتتكون من سنسورو كمبيوتر + مجموعة التوجية... و غبور مدينا حرية التصرف فى اى مشكلة الا دى!! و منعرفش بيحلوها ازاى ! يعنى مثلا همه بيقولولنا لو فى ريجة فى ديسكات(طنابير الفرامل) اخرطوها وفقا لمقاييس و معايير معينة و متفق عليها و على ضمانتهم
لكن بالنسبة لقطمة الباور ....
هل فعلا بيغيروا القطمة! هل بيغيروا ال ينسور!؟ولا الكمبيوتر!!؟ منعرفش دة سر بتاعهم و هما مهتمين بالمشكلة بامانة و بتتحل بغض النظر عن الطريقة
-طب اى حل تانى؟
-ممكن نعمل Reset للعطل من الكمبيوتر و العميل بيجرب ممكن تمشى كويس فترة و ممكن على طول و ممكن يوم و ممكن ترجع تانى من اول يوم!!
-و اخ\ت القرار انى مخدش السيارة ؤغم دفعى حوالى 400 جنية كشف بس الباب اللى يجيلك منه الريح .... و خصوصا انى موسوس بطبعى و الكلام مقنع و الجهاز مبيكدبش!! و المشكلة ان السيارة لسة فى فترة الضمان لكنة سقط لان صلحبها مكنش بيعمل صيانتها فى التوكيل و اى مركز معتمد

لو حد يعرف اى حاجة عن المشكلة دى او واجهها ياريت يشاركنى و يوضح و كلنا نستفيد و ارجو انى اكون افدتكم

[Thebutcherr]

تعالى الهرم عندي مركز حلو اوي مريحني

عموما القطمه دي مش حاجه هايفه دي فيها الباور بكل مكوناته وهي موصله بين الدركسيون وعلبه الدركسيو


عموما تعالى نشوف ايه الموضوع ولو طلعت قطمه متغيرهاش وفكك منها لحد ما تبوذ خالص وعموما الباور بتاع الانترا لما بيبوز مش بيتقل جامد ممكن متحسش خالص

انا عندي نفس المشكله القطمه ب 7 الف نيو اكسنت ومش هغيرها لو ايه حصل اخري هجيبها استيراد

في برضو مركز كار تك في العبور لو بعيد عليك الهرم هو محترم بس متعاملتش معاه في حاجه تقيله


اهم حاجه لما يكشف بالكمبيوتر بيطلع العطل error ليه كود معين بيعرفك ايه الي بايز بالضبط وومكن تطلع المشكله اساسا في علبه الدركسيون حاجه بسيطه عايزه تتغير بس دي انا مستبعدها بس نصيحه لو ايه متعلق بالباور متغيروش عشان غالي وفي نفس الوقت باور ال i30 باز من واحد صحبي محسش بيه اساسا مع ان اللمبه منوره قدامه ولما راح عرفوه تاني واشتغل عادي

ممكن اعرف المركز اللى فى الهرم دة؟ و هل عندة اجهزة الكشف علشان انا بدور على لانترا و كل مرة اروح اكشف ب 400 جنيه فى مودرن موتورز

[alihussien2]

[marq="3;right;3;scroll"]
لا حول ولا قوة الا بالله
[/marq]

[Atrees]

يانهار مش فايت - هيا غالية قوي كدة لية ؟؟؟؟؟؟؟؟؟؟؟؟؟؟؟؟ عشان كهرباء ؟؟؟؟؟؟؟؟؟؟؟؟


دة تقريبا 15% من تمن العربية

ربنا معاك

[henomoon67]

الحل عندي والتكلفه لا تتعدي 500 جنيه في مده لا تتجاوز ساعه واحده مع ضمان مجاني لمدة عشر سنوات
للتواصل عبر الارقام التاليه
01001750765
01141739883

[henomoon67]

الحل عندي بتكلفه لا تتعدي 500 جنيه في مده لا تتجاوز ساعه
للتواصل عبر الارقام التاليه
01001750765
01141739883