مشكلة كبيرة في الفيرنا بس محدش يضحك

[Mina francis]

أول حاجة بمسي على كل أعضاء أحلى منتدى في مصر.
وبعدين نبدأ القصة أنا معايا فيرنا 1500 وكنت مسافر من أسبوعين وقبل مسافر روحت مزود زيت باكم في قربة زيت الباور وأمبارح لاحظت صوت غريب عند لف الدريكسيون فواحد صحبي قالي زود زيت الباور فقولتلة فين القربة بتاعتة فقالي أنها ألي فوق قربة المية وساعتها عرفت أن أنا زودت زيت باكم مكان الباور و أنا راكن العربية تحت البيت ومش عارف أعمل أية .

[mshmshm3]

ايه هو زيت الباكم ؟؟؟؟؟؟؟؟؟ ده لأيه بس اللي حصل زي ما تكون حطيت زيت اكل للموتور تخيل ايه اللي يحصل بس ان شاء الله بسيطة بس اعتقد ما تتحركش بالعربية دلوقتي لحد ما تشوف حل عشان المشكلة مش تتفاقم

[bukla]

المشكلة بسيطة بس منصحكش تمشى بالعربية انا اعتقد انك لازم تأجر عربية قطر و تودى العربية عند اى ميكانيكى يفضيلك الزيت كلة و يحطلك زيت باور نضيف

[mshmshm3]

المشكلة بسيطة بس منصحكش تمشى بالعربية انا اعتقد انك لازم تأجر عربية قطر و تودى العربية عند اى ميكانيكى يفضيلك الزيت كلة و يحطلك زيت باور نضيف

+1111111111111

[mada121977]

حل المشكله ببساطه انك تجيب حقنه وتسحب بيها كميه الزيت الموجوده فى القربه لغايه ماتتأكد انك سحبت كل الكميه اللى فى القربه ثم تجيب زيت باكم وتزود القربه تانى

[osos_lion]

هات ميكانيكي تحت البيت وخليه يفضي زيت الباور كله (الحقيقه معرفش الطريقه الي هيتفضا بيها ازاي واسال احمد كار ممكن يفيدك عشان هو الفيرنا بتاعته بيفككها كتير هههههه)
بس وشوف النوع الي التوكيل بيحطه وحط اخوه بالظبط
الي انا فهمته ان انتا حطيت زيت فرامل بدل زيت الباور صح ولا ايه
هههههههههه
فكرتني ببليه ودماغه العاليه لما العيال صرفو الفلوس وجابولو لحمت راس

[Mina francis]

شكرا على الردود والمساعدة في حل المشكلة بتاعتي وربنا يستر هعمل ألي أنتوا قولتوا علية و هرد عليكوا.

[Mina francis]

الحمد لله عملت ألي أنتوا قلتولي علية النهاردة
روحت للميكانيكي وفضى القربة وملاها تاني والدنيا بقت كويسة
وشكرا على مساعدتكم ليا.

[Lion_Heart]

طيب الحمد لله ... و ياريت يومين كمان و تفضى القرية وتملاها تانى لمزيد من الامان و لضمان عدم وجود اى اثر لزيت الباكم