تقرير و تجربة صيانة 20.000 نيو اكسنت

[ezzatfox]

الصيانة المجانية كان عبارة عن عرض عاملة غبور فى معرض الاهرام فى 2009 على اى عربية زيرو .. لغاية 20.000 كم و اللى استفادوا من العرض دة استفادوا منة فى صيانة ال 1000 ، 5000 ،10000 ،20000 كم .
و عموما العرض دة كان نازل و العربية تمنها 79000 جنية و بعديها علطول لغى العرض و نزل فى سعر العربية .
السنة دى كان منزل سعر العربية ل76 الف فى فترة المعرض و دة فى رايى احسن من الصيانة المجانية .

[Hosam_Optrawy]

الله يبارك فيك يا استاذ حسام ..
شكرا لمرورك .. نورت الموضوع
و الف مبروك على شهادة التقدير .. تستحقها بجدارة

الله يبارك فيك شكرا لذوقك

[mhmdsfwt]

مبروك يا اخ عزت
وعقبال صيانة ال100 الف

[sss2000]

ربنا يبارك لك فيها ولكل الاعضاء الاكسنتاوية

[Ahmed.TV]

الف الف مبروك صيانة ال20 الف وعقبال المليوننننننننننن

[BassamHafez]

و دة فلتر الهواء




و مقدرتش اصور فلتر البنزين عشان كان لسة فية بنزين و بينقط

المهم رحت ادفع لقيت الفاتورة متسجل فيها الفلاتر كلها و الزيت و المصنعيا و الضريبة و كان الحساب كلة 625 جنية

رجعت للمهندسة نهى قلتلها فى حاجة غلط المفروض الزيت و الفلتر و المصنعيات تتشال لانى صيانة مجانية .
المفاجأة انها قالتلى حضرتك مش هتدفع حاجة خالص الفاتورة دى internal .. انا بصراحة ما صدقت مشيت من قدامها قبل ما تفكر و ترجع فى كلامها .. خدت العربية و مشيت .

النتيجة بقى بعد الصيانة دى ( خد بالك يا بسام ) الموتور بقى صوتة اهدى - انعم - السحب و التجميع بقى احسن .

و للامانة المعاملة كانت كويسة جدا و المهندسة نهى فكرى كانت ذوق جدا فى التعامل .

و على الرغم من انى متضامن مع الاستاذ ابو مارو فى مشكلتة مع التوكيل لانة حقة الا انة زى ما بنقول الوحش بردة نقول الحلو .

الف مبروك يا معلم على الصيانه

انا لسه شايف تقريرك النهارده بس

وعلى فكرة ال 625 جنيه دول ممكن ما يعدوش 250 جنيه لو اتعملت برة بس هي ارزاق(انا عارف انك ما دفعتش حاجة انا بتكلم في العادي)

واداء العربيه اتغير عشان الزيت والبوجيهات وفلتر البنزين والهواء وده طبيعي جدا

الفكرة مش في العربيه السليمه اللي داخلة تغير شويه جاجات عبيطة ممكن تعملها بنفسل زي احمد كار ما عمل في عربيته كده

الفكرة في العربيه البايظه اصلا بتتصلح ازاي (اكيد انت فاهمني طبعا)

عموما الف مبروك وانتظر مني راي في عربيتي بعد ما اغير كل الحاجات دي عندي

وبعدين سيبك انت مش ها نتقابل تاني ولا ايه

[ezzatfox]

الف مبروك يا معلم على الصيانه

انا لسه شايف تقريرك النهارده بس

وعلى فكرة ال 625 جنيه دول ممكن ما يعدوش 250 جنيه لو اتعملت برة بس هي ارزاق(انا عارف انك ما دفعتش حاجة انا بتكلم في العادي)

واداء العربيه اتغير عشان الزيت والبوجيهات وفلتر البنزين والهواء وده طبيعي جدا

الفكرة مش في العربيه السليمه اللي داخلة تغير شويه جاجات عبيطة ممكن تعملها بنفسل زي احمد كار ما عمل في عربيته كده

الفكرة في العربيه البايظه اصلا بتتصلح ازاي (اكيد انت فاهمني طبعا)

عموما الف مبروك وانتظر مني راي في عربيتي بعد ما اغير كل الحاجات دي عندي

وبعدين سيبك انت مش ها نتقابل تاني ولا ايه

شكرا يا باشا الله يبارك فيك
بس انا مستقل المبلغ دة .. اذا كان الزيت و الفلتر لوحدهم لو عملتهم برة يعملوا ال 250 تقريبا و ضيف عليهم البوجيهات و فلتر بنزين و فلتر هواء ( قطع غيار اصلية ) + المصنعيات + الضريبة و الحساب كلة 625 انا حاسس ان فى حاجة غلط - للاسف كان معايا جدول اسعار قطع الغيار بس مش لاقية .

المهم ظبط يا باشا مع الرجالة برنامج حلو كدة و انا معاكو انشاءالله .

[BassamHafez]

شكرا يا باشا الله يبارك فيك
بس انا مستقل المبلغ دة .. اذا كان الزيت و الفلتر لوحدهم لو عملتهم برة يعملوا ال 250 تقريبا و ضيف عليهم البوجيهات و فلتر بنزين و فلتر هواء ( قطع غيار اصلية ) + المصنعيات + الضريبة و الحساب كلة 625 انا حاسس ان فى حاجة غلط - للاسف كان معايا جدول اسعار قطع الغيار بس مش لاقية .

المهم ظبط يا باشا مع الرجالة برنامج حلو كدة و انا معاكو انشاءالله .

اه معاك حق والله في موضوع الاسعار ده انا ما كنتش واخد بالي من موضوع الزيت ده

يعني لو شا الترا 230 + فلتر زيت 20 = 250
فلتر الهواء = 55
لتر البنزين = 150
البوجيهات = 45
يبقى كله 490 من غير مصنعيات

مش معقول يكونوا واخدين 135 جنيه بس مصنعيات وضرائب مش عارف

[osos_lion]

ههههه
فعلا السعر معقول اسكتو بقا لحسن يكتشفو ويغلوه

[falcon191]

صيانة الـ20ألف

أنا عملت صيانة الـ20ألف في المركز التكنولوجي في بورسعيد أول امبارح وكانت الأسعار كما يلي:
55 فلتر هواء
135 فلتر بنزين
45 طقم بوجيهات
235 زيت موبيل 1
20 فلتر زيت
20 منظف وشوية تنظيف على الماكينة
80 صيانة الـ20ألف
المجموع 590 جنيه
كل الحاجات دي اتغيرت قدامي بس مأخدتش الفلاتر القديمة، تفتكروا لازم اخدها؟

[BassamHafez]

أنا عملت صيانة الـ20ألف في المركز التكنولوجي في بورسعيد أول امبارح وكانت الأسعار كما يلي:
55 فلتر هواء
135 فلتر بنزين
45 طقم بوجيهات
235 زيت موبيل 1
20 فلتر زيت
20 منظف وشوية تنظيف على الماكينة
80 صيانة الـ20ألف
المجموع 590 جنيه
كل الحاجات دي اتغيرت قدامي بس مأخدتش الفلاتر القديمة، تفتكروا لازم اخدها؟

مدام اتاكدت ان الحاجات الجديده هي اللي ركبت يبقى القديم مالوش لازمه