أسعار قطع غيار نيو أكسنت,,

[Bubbles]

شكر خاص الى جميع الأعضاء المشاركين في هذا الموقع,,
ياريت يا شباب لو في أي حد عنده معلومات عن أسعار قطع الغير و اذا كانت متوفرة مي السوق ولا لأ زي باقي سيارات هيونداي,,الحقيقة انا كنت ناوي أجيب أفيو أتوماتيك بس فاجئه اقيت زيادة 3000 جنيه مره واحده بدون سابق انذار,,وده الحقيقه بعتبره ابتزاز.
هيونداي من السيارات المحترمة اثبتت كفاءه على مستوى العلم بس انا قاققان من الوكيل.
شكرا

[Ahmed Anwer]

بص حضرتك ،،

أنا معرفش أسعار قطع غيارها ،،

بس اتوقع انها تكون أغلي من الفيرنا ،،

لأنها جيل جديد و فيها تكنولوجيا عالية هيا و الإلنترا الديدة ،،

عموما للأسف اقدر انصحك بأمانة تبعد عن اي حاجة تجمع محلي مادام فرق الفلوس مش مغري

[Bubbles]

شكرا أحمد,,
دلوقتي قدامي أفيو auto 83000 و جيتز auto و أخيرا نيو أكسنت auto وممكن افكر في السيريون سعرها معقول,,
بس انل قلقان من غبور بصراحه,,
و عدم انتشار واسع ل نيو أكسنت عكس أفيو منتشرة جامد ونفس ااكلام بالنسبه ل جيتزز

[Ahmed Anwer]

و الله مش عارف اقولك ايه

مش عارف لو الواحد معاه 200 الف كانت حيرته تبقي عامله ازاي

عموما ممكن افكر معاك بصوت عالي ،،

الأفيو ،،

ميزات :
مرشحة للإنتشار جامد - شيك و سيدان - توكيل قوي - افضل إعادة بيع

العيوب :
سعر مش ثابت - تقفيل مصري - اوبشنز قليلة - لسه مش متجربة اوي


النيو اكسنت

ميزات

هيونداي و الجيل الجديد مرشحة للإنتشار علي الأقل مش هتبقي نادرة ، تكنولوجيا عالية ، شكلها حلو و سيدان - تقفيل بلادها - إعادة بيع متوسطة

عيوب

مجهولة برده - تكنولوجيا جديدة زي الإلنترا يعني ممكن تكون صيانتها و قطع غيارها مش متوفرة في الأول

السيريون

ميزات

ياباني - شكل و الوان مميزة ،، توكيل مبيبالغش في الأسعار ،، تقريبا في مرحلة إنه بيعمل إنتشار - واسعة جدا و ركوبتها حلوة - أعلي أوبشنز ، الوحيدة بايرباج و abs - ضمان 100 الف

عيوب

انتشار محدود جدا بالنسبة للباقي - قطع غيار و صيانة في التوكيل فقط ،، و قطع غيار ياباني - هاتشباك - إعادة بيع ضعيفة

الجيتز

مميزات

تقفيل بلادها - موتور و فتيس ، الفيرنا و الماتريكس و الإلنترا القديمة - شكلها ظريف - انتشار معقول لا هيا نادرة و لا هيا مرطرة - سعر معقول في وجهة نظري - إعادة بيع متوسطة
العيوب

هاتشباك - هتتغير كمان سنة طبقا لكلام مواقع الإنترنت

مش عارف و انا بكتب الرد ،، كنت ناوي أقولك هات جيتز ،،

بس بعد النقاط اللي حططتها لقيت السيريون تكسب ،،

صحيح حكاية عدم الإنتشار و قطع الغيار الياباني و هنبعت نجيبلك من اليابان ،، بس افتكرت ان ضمانها 100 الف ،،

بس نسيت ماهو 100 الف بس في الآخر ثلاث سنين بس ،، و بعد كده تتصرف

ده غير لا قدر الله الحوادث و عيوب الإستخدام ( تلبس في مطب مثلآ)

مش عارف اختار انتا بقه ،،،،

[Nile_Storm]

حسب كلامك يا احمد باشا ارشحله النيو اكسنت لانها احدثهم

[eng / AhmeD]

مين قال ان النيو اكسنت نادرة
دي منتشرة انتشار متوسط جدا
يعني اقل من الافيو بشوية
علشان كمان الدعاية اللي عليها قليللة و الناس لسه بتتعرف بيها
بس هي بردو انا حاسس انها هتنتشر لكماليتها و التكنولوجيا اللي فيها
و مادام انت بتفكر في اوتو يبقي نيو اكسنت علشان موتورها احدث و اقوي من الافيو

[Bubbles]

بس انا مقلق من غبور و مشاكل الصيانة
يمكن سيريون أفضل ,,عيبها الوحيد اعادة البيع

[Ahmed Anwer]

غبور مش وحش مفترس ،،

هوا بس زحمة أوي ،،

بس توكيل كويس عن تجربة ، و ضمانه حقيقي ،،

كفاية إن اي قطعة غيار هتلاقيها ،،،

التوكيل الوحش اللي مبيجبش قطع غيار ،،،

لكن انت في مصر و كله زحمة ،،