حادثة نيو النترا

[osos_lion]

لا عادي متقارنش هنا بالسعر خالص عشان في ناس حراميه
وفي واحد بتاع قطع غيار فالحرفيين في شار المرسيدس بتاع هيونداي برضو موزع معتمد جنين بارت
وفي واحد عند شارع احمد عصمت الراجل ده عندو اصلي برضو وموزع معتمد جنين بارت انا هبعت لحضرتك رقمي علي الخاص لو عزت اي مساعده مجانا طبعا وربنا الي يعلم انا في الخدمه
موضوع تتاكد ازاي كزا حاجه يعني عندك الخامه
هتلاقي القطعه نفس القطعه الي عندك في الالوان مثلا ضهر الفانوس هتلاقيه رمادي وعندك اسود يبقات الرمادي ده صيني
منا قلتلك الفادي غالي
بوص عندك البنا ده هتلاقيه في 5 ا شارع التوفيقيه
وجورج انتا عارفه
والااخلاص ده هتلاقيه فلمول
وهقلك اضمن طريقه تشتري بيها الاصلي انك كل متخش محل ويقلك عندي الاصلي قله طيب هاتهولي وتشوفه ومتشتريش فاصل معاه وخد اقل سعر
وروح لغيره وهكذا لحد متلاقي انضف خامه واحسن سعر
في حاجه اسمها موبيس دي زي جنين بارت برضو بس لو جبت الفانوس موبيس اتاكد ان فيشت الاشاره شبه الفيشه الي فلي عندك عشان في حجات موبيس بتبقا مختلفه عن المواصفات المصري الي عندنا
هي ايه الحجات الي انت هتشتريها بالظبط

[mado85]

ربنا يخليك يا اسامة, هكلمك ان شاء الله و اقلك علي الحجات الي عايز اشتريها جزاك الله كل خير.

انا بس كان عاندي استفسار تاني هل في حد يعرف عفشجي هيونداي كويس يكون فاهم فالانترا عشان بس مش عايز اي حد يلعب فيها عشان يطمني علي علبة الدريكسيون و القطمة و الكلام ده.

لو في حد اتعامل مع واحد كويس ارجو الافادة من فضلكم

[ZALABANY]

ربنا يعوض عليك وان شاء الله تتصلح وترجع أحسن من الأول

[pro_samir]

قدر الله وما شاء فعل

ربنا يقدرك وترجعها زي الأول

[osos_lion]

للاسف مليش فموضوع العفشه ممكن بسام يفيدك فلحوار ده

[devilishtigers]

الحمد الله على سلامتك
وفعلا انا حاسس بيك بس إن شاء الله ترجعلك زي الاول واحسن

[mado85]

الف شكر يا جماعة علي مشاركتكم بجد ده بيهون علي الواحد كتير جزاكم الله كل خير

[IronFist84]

ربنا يعوضك خير ان شاء الله و المهم انك بخير

[eino666]

قدر الله و ما شاء فعل
نحن السابقون وانتم اللاحقون
ربنا يصبرك ويكفيك وايانا شر الحوادث

................................*
محمود عينو

[romioaccent]

الله يعينك على تصلحها وحمدلله على سلامتك
تخيل كنت فاكر انها تفرق عن النيو اكسنت ان فيها ايرباج واى بى اس
اذ افاجا انك بتقول مفهاش الكلام دا
بجد بجد حرام يتدفع فيها فلوس على الوضع كدا اومال لو حطلها ايرباج واى بى اس هيوصلها لكام ؟؟؟!!!!!
غبور
لا تعليق

[عصام غنايم]

ربنا يصبرك ويعوضك خيرا منها

[mado85]

الف الف شكر يا جماعة علي ردودكو و مشاركتم , فعلا يا romioaccent حاجة تحزن والله موتور العربية ديه عفي اوي علي وزنها لازم ABS, EBD بس نقول اية بقة حسبي الله ونعم الوكيل. بس عايز اقلوكم يا جماعة الميزة الوحيدة فيها بس ان قطع الغيار موجودة الا حدا ما كبير

[alivara]

قدر الله و ما شاء فعل
انا كا ما افتكر الحادثة بتاعتي بتضايق اوي و بدعي على غبور
عربية دافع فيها 100 الف جنيه ازاي ما يبقاش فيها abs انا برضه حصلي زي حضرتك كده بس الاختلاف اني كنت سايق على 60 او 70 و عربية وقفت ادامي فجأة ضربت فرامل العربية زحفت و المنظر المخيف بجد و انت شايف العربية بتزحف كده و رايحة تخبط و انت مش عارف تعمل حاجة و قمت لابس في العربية اللي قدامي و غيرت صدر و شاسيه اكصدام و استعدلت الكبوت و الرفارف
ياريت تطمنا عملت ايه في العربية ؟

[hero_hamada]

قدر الله وما شاء فعل
حمد لله على سلامتك
وصلى ركعتين شكر لله انك سليم
ومتزعلش
انا كنت مأجر فيرنا من فترة قريبة وعملت بيها حادثة جامدة ودفعت 15000 جنية تصليح
وصاحب المعرض خد الفلوس وصلحها ب 2000 جنية
يلا الحمد لله على كل حاجة
يعنى متزعلش وسيبها على الله
دايما ربنا بيكرم والله
وحاجة بتفادى حاجة

[macdiv]

قدر الله و ما شاء فعل ،،،،، ولا يقارن برباط صليبي مقطوع بيتصلح ب٢٠٠ الف في انجلترا ولا شريحه و كام مسمار و تفكيس في السرير لمده ٦ شهور ،الخ ....حمد لله على سلامتك