استفسار يا جماعة فى الماتركيس

[Ah.Farid]

السلام عليكم يا اخوانى

انا معايا ماتريكس 2008 لسة عامل صيانة 1000كم من اسبوعين
بعد الصيانة حاسس ان صوت الموتور لما بدوس على الدبرياج بيعلى شوية ومؤشر الحرارة عند المنتصف
هل دة طبيعى وعادى وموجود فى كل الهيونداى ولا فية حاجة

[mohamed ibiza]

matrix

howa 3momn sot al 3rbya al korean kolo 3ali matrix aveo verna accent kolhm sothm fde7a w lanos kman bs an ampir al 7rara ywsl ll nos w a7na fi al shta di 3'riba sena ana 3ndi a5ro fi al ayam di byb2a 70 abl 70 kman bs a3tkd an fi bdayt mshkla 3ndk ya reet tro7 al twkeel tt2kd

[fahd_628]

طيب لما بتدوس دبرياج ال Rpm بيبقى على كام ؟

[Ah.Farid]

شكرا على الرد
ولما بدوس البرياج Rpm بينزل لل صفر

[Hesham A.Megid]

ازاي صوت الموتور بيعلي و ال RPM بينزل للزيرو

[Ah.Farid]

الاخ هشام
انا اقصد ان Rpm لما بيكون على 2 مثلا وبدوس دبرياج بينزل
بس لما العربية بتكون واقفة والموتور داير ال Rpmبيكون بين الواحد وال0 ودة اللى قالقنى يعنى بيبقى اقرب للواحد
وهوة دة اللى حسسنى ان صوت الموتور عالى

[Hesham A.Megid]

الاخ هشام
انا اقصد ان Rpm لما بيكون على 2 مثلا وبدوس دبرياج بينزل
بس لما العربية بتكون واقفة والموتور داير ال Rpmبيكون بين الواحد وال0 ودة اللى قالقنى يعنى بيبقى اقرب للواحد
وهوة دة اللى حسسنى ان صوت الموتور عالى

هو المفروض الطبيعي ان ال RPM بيبقي علي 0.9 او 0.8 لو انت عندك اعلي من كده يبقي الموتور عايز يتضبط بس...الموضوع بسيط يعني

[Ah.Farid]

استاذ هشام شكرا جزيلا لك
انا فعلا النهاردة وانا جاى للشغل فى محى الدين ابو العز
لقيت مركز صيانة فولفو اللى فى شارع التحرير وعندهم مركز صيانة معتمد هيونداى دخلت وكلمت المهندس قالى ان Rpm الطبيعى بتاعة بيكون عدد لفات الموتور بدون مشى على 900 لفة الى 950 لفة وان كدة الموتور مظبوط
والحمد للة
وشكرا لك مرة اخرى

[liquidator]

اسمحولي المشاركه في الموضوع بعد اذنكم طبعا ... الماتريكس أصلا عربيه صوتها عالي مقارنة بتوأم روحها الانترا الشكل القديم و الجيتز ال 1600 و الفرنا ال 1600 اللي عندهم نفس موتور الماتريكس ... بس صوت موتور الماتريكس عالي لسببين :
1- فرق الوزن طبعا لو قلنا ان الماتريكس وزنها بيعدي الطن و 300 كيلو في حين الانترا مثلا وزنها تقريبا طن و الجيتز حوالي 900 كيلو و ده بيخلي الموتور ينحر شويه
2- ماتنساش ان الموتور عندك تحت التابلوه يعني علي حجرك و قريب منك قوي و رغم عوازل الصوت اللا ان الصوت برده بيوصلك

ال Rpm و انت واقف علي السالانسيه سرعة دورانه الطبيعيه بتبقي 750 Rpm تقريبا بتعلي ل 900 لعدة أسباب :
1-لما يكون الجو حر جدا و الدنيا زحمه أوي و ده معناه ان الهوا اللي داخل للمتور مفيهوش أكسجين كفايه فيضطر الكنترول يونت يرفع من الrpm عشان يدخل هوا أكتر فا متحسش انت ان السحب اختلف كتير
2-لما يكون في جهد فولت عالي بيضطر الكنترول يونيت برده يرفع ال Rpm عشان يعوض نقص البطاريه و تلاحظ الموضوع ده لما المراوح تشتغل
3-طبعا لما يكون التكييف شغال و ده عشان السحب مايتقصرش كتير ...

و لما يكون ال3 أسباب دول مجتمعين مع بعض ممكن ال Rpm يوصل ل 1000 و ده طبيعي جدا و ماتقلقش ...
أما بالنسبه لصوت الموتور و علاقته بالدبرياج لازم يكشفولك في التوكيل علي خلوص الدبرياج لان الاسطوانه ممكن تكون محمله و دي تكلفك طقم دبرياج بدري ...
أتمني اني أكون قد وفيت
شكرا

[liquidator]

أما بالنسبه لمؤشر الحراره فهو بيبقي قبل النص بحاجه بسيطه و بيفضل ثابت عندها و عمره ما بييجي في النص أبدا و أكيد عند حضرتك كده بس يمكن انت مش بتاخد بالك ...
أي استفسار تاني أنا في الخدمة

[Ah.Farid]

شكرا جزيلا لمشاركتك وردك الكريم
وبصراحة دة توضيح اكثر من ممتاز

[liquidator]

علي الرحب و السعه أخي الكريم .. ما تعرفش أنا بتبسط أد ايه لما بلاقي سؤال أعرف أجاوب عليه و أجاوب عليه ... و علي العموم أي استفسار تاني أنا في الخدمه لو كان في استطاعتي الاجابه