بكام المخالفة دى؟

[Ayman-Ahmed]

ماشى النهاردة و بلف من ميدان و فجاة ظهرلى امين شرطة:

ايه اللى دخلك عكسى؟
مكنتش اعرف اصل مفيش اى علامة و على العموم انا اسف(براءة الاطفال في عيناي)
طب اتفضل
اتفضل ايه اركن على اليمين!
طب اه اتفضل بقى اركن يمين
طب حصل خير انا مكنتش اعرف ! اتفضل امشى بقه؟
هاقولك ايه اتفضل عشان انت ذوق فى كلامك.انا المفروض اخد الرخصتين و نطلع على القسم و تدفع 1250جم
ياه انا اسف بس فعلا معرفش
هكتبلك المخالفة فى الدفتر زي اللى قبلك

لا طب ليه كدة انا فعلا مكنتش اعرف.طب مفيش اى حل تانى.

هقولك ايه بس اتفضل مع السلامة

شكرا يا افندم و اسف للمرة التانية

المهم مشيت و بصيت فى المراية هو بص على العربية ووقف ورا اعلان و اختفى و انا مقدرتش اشوف كتب النمرة ةو لا لا


ايه رايكوا يا جماعة لو فعلا كتبها.يبقى ايه المخالفة دى (عكس سير الاتجاه و هروب ولا ايه)

[mshmshm3]

ممكن 300 او 100 او 500

[Ayman-Ahmed]

ممكن 300 او 100 او 500

شكرا يا مشمش على ردك.هعمل حسابى فى 500جم لما اروح ارخص و ربنا يسترها

[Ayman-Ahmed]

تبقي خلي بالك المرة اللي جاااااااية
€-castig.com

ربنا يسترها وميكونش فى مرة جاااااااااية

[ahmed2y]

مكتبش حاجة ودى حركة عشان يقلبك فى فلوس وبيخوفك ويقولك 1250 يعنى انا عامل معاك واجب شوفنى باى حاجة بقى ولما لقاك مش واخد بالك معاة سابك هههههههههه ويمكن كمان متكونش ماشى عكس ممكن تطمن كمان شهر ولا حاجة من النت ان كانت اتسجلت ولا لا

[Ayman-Ahmed]

مكتبش حاجة ودى حركة عشان يقلبك فى فلوس وبيخوفك ويقولك 1250 يعنى انا عامل معاك واجب شوفنى باى حاجة بقى ولما لقاك مش واخد بالك معاة سابك هههههههههه ويمكن كمان متكونش ماشى عكس ممكن تطمن كمان شهر ولا حاجة من النت ان كانت اتسجلت ولا لا

الله يطمنك.وانا كنت ناوي اديله لو كان لمح لاننى سالته مفيش حل بدل المخالفة , قاللى خلاص اتفضل.

هو فى موقع اقدر اجيب منه المخالفات على النت؟

[A_A_ELAZIZ]

موقع الحكومة المصرية بس ده قفلوا الخدمة علشان يطورها على النمر الجديدة يعنى للأسف لا
انا زيك نفسي اعرف المخالفات الى على العربية بس مش عارف

[hero]

ربنا يستر علي تجديد التراخيص دة ....والله انا شايل همة من الوقتي ..رغم ان رخصة العربية هاتخلص علي فبراير الجاي.

[dr_7oot]

يا باشا مخالفه السير عكس الاتجاه من 1000 الي 3000 جنيه او حبس لا قدر الله
الامين بيكتب ف الدفتر سير عكس الاتجاه و لما تروح النيابه وكيل النيابه بمزاجه يقرر تدفع كام او لا قدر الله....
و طبعا مش بيحبسوا حد لأن المخالفات دي همه اللي بياخدوها ف الاخر و ان شاء الله يكون الامين ده بيشتغلك و ميكنش كتب حاجه

[eino666]

واضح جدا انه كان عايز يقلب منك ال250 جنيه ويبقى كده عمل معاك واجب فى ال1000 جنيه
بس كويس انك نفضت له
صحيح عالم ما يملاش عينيها غير التراب
............................
محمود عينو

[bishoy02010]

[gdwl]لو كنت ريحت نفسك ودفعتلك 20 ولا 50 جنية كنت هتبقى مطمن انه مكتبش حاجة[/gdwl]

[dr_7oot]

[gdwl]لو كنت ريحت نفسك ودفعتلك 20 ولا 50 جنية كنت هتبقى مطمن انه مكتبش حاجة[/gdwl]

للأسف كلام صح

[molly]

هى فعلا 1000 جنيه
و هى المخالفه الوحيده اللى مش ببتخفض او تترفع حتى لو تظلمت
و ده الحد الدنى منها
و ممكن بقى تعمل قضيه بس سلعتها بتدفع الحد القصى اللى هو تقريبا 3000 جنيه وتتحبس كمان
اصل انا اخدها قبل كده و الله برضه معرفش ازاى

[Ayman-Ahmed]

والله يا جماعة انا حاولت معاه لما سالته طب مفيش طريقة ودى قاللي خلاص بقى اتفضل و بعدين هو كان بيكلمنى و هو بعيد عن العربية يعنى لو كنت هديله فلوس او هو مستنى كان لازم يقرب زى ما عملت مع الرادار قبل كدة.
وربنا يستر انشاءالله لما اروح اجدد.
المشكلة ان فعلا مفيش اي يافطة ممنوع الدخول او ممنوع الدوران.
بعدين هى مش المخالفات دي مفروض ظابط اللي يكتبها.
وسبحان الله الميدان اللى بعده واحد بعربية مفيمة قطع الطريق و كان عكس و محدش كلمه خالص.

((ربى انى لا اسالك رد القضاء و انما اللطف فيه))

[boamengo]

الموضوع دا حصلي فى الدقي قبل كدا

بس كان دوران عكسي واليافطة والله العظيم ممسوحة ومش باينة

ومصر كلها بتاخد الملف دا عادي جدا عشان يدخلو البنزينة

المهم اخدو منى الرخص وروحت دفعت المخالفة فى نيابة المرور

فيه فرق لما تمشي عكس الاتجاة ودي اللى مخالفتها باكـو وشوية

اما الدوران عكس الاتجاة مخالفتها 100 او 150 جنيه