اشترى منين نيو اكسنت

[ahmsoliman]

بسم الله الرحمن الرحيم
يا جماعه انا محتاج مساعدتكم انا نويت اشترى نيو اكسنت الاسبوع الجاى ان شاء الله و دلوقتى عاوز اعرف اشتريها منين؟ فيا ريت كل واحد عنده خبره مع موزع او معرض معين يفيدنى و يفيد الناس كلها بحيث ان احنا ما نقعش فى غش اى حد انا سالت بعض الموزعين زى شرقاوى اللى فى الطيران و فيرست كار وو صل سعره ل 77 الف و كمان عند سمير ريان نفس السعر بس انا قلقان و مش عارف اشترى منين و هل فى حد احسن منهم؟؟ الحاجه التانيه انا بفاضل بين اللون النبيتى و الكحلى فممكن تقولولى رايكم ايه؟؟؟؟؟
و بجد جزاكم الله خيرا على ردودكم مقدما

[mshmshm3]

هات اى حاجة غير الاكسنت الاكسنت فيها عيوب في الفتيس و الدبرياج وفي اكسنت غيرولها موتور صاحبها هنا في المنتدي وليه موضوع بالمشكلة اللى حصلت معاه

[megaman]

لا يوجد بالاكسنت عيوب العربيه فوق الممتازة ولكن اللى حصل مع بعض الزملاء فى المنتدى غريب جدا ولا يوجد له تعليق وليس سببا للبعد عن شراء هذه السياره

[AMIRELGOHARY]

الشرقاوى (اتدكو) ناس محترمة جدا والتسليم زى الاتفاق. واحسن لو تجيب انوماتيك. وان شاء الله تكون احلى ركوبة.
افتكر تأخد كابل الUSB بتاع الكاسيت فى الاستلام

[mshmshm3]

لا يوجد بالاكسنت عيوب العربيه فوق الممتازة ولكن اللى حصل مع بعض الزملاء فى المنتدى غريب جدا ولا يوجد له تعليق وليس سببا للبعد عن شراء هذه السياره

انا بحب هيونداي جدا ومن عشاق كل عربيات هيونداي وموديلاتها ومعايا فيرنا وناوي ان شاء الله اجيب النترا الشكل الجديد بس اللى بيدايقني ان بعض الناس في التوكيل مهملين شوية في بعض الحاجات وده بيدايق ولو هاتجيب هات اوتوماتيك عشان الزحمة مش هاتستحمل المانيوال

[eng_ahmedryad]

شوف الموضوع ده كده :

http://www.nilemotors.net/Nile/131964-a.html

انا فعلا بحس ان هيونداي اكتر عربية اعتمادية في مصر ، يعني تستحمل مصر والمصريين ، بس فعلا المشكلة في الوكيل .

[saber2010]

الاكسنت عربية تحفة انا راكبها وهى احسن عربية فى الفئة السعرية دى
ولو فى مشكلة فردية مع حد مش معنى كدة انك ماتجيبش العربية ومانوال كمان

[Beam28]

انا كنت ناوي على العربية دي بس ماحصلش نصيب وشايف لسة شحنة سيارات نيو اكسنت داخلة عند غبور في ابو رواش فممكن تسأل عنده اليومين دول ممكن تستلم على طول

[ahmsoliman]

جزاكم الله خيرااااااااااااااااااااااااااااا

[eino666]

نصيحة ابعد عن هيونداى ومشاكل توكيله
............................
محمود عينو

[shadinasr]

بصراحه انا معايا العربيه ده وهي فوق الممتازه وموتورها وسحبها حلو جدا والحمد لله مقبلتنيش فيه اي مشاكل لغايط دلوقتي وبستغرب جدا من اللي بيقولك ان فيها مشاكل وابعد عنها واللي حصلت عندهم المشاكل هما واحد او اتنين يعني مش حاله عامه والمشاكل الفرديه ده حتلاقي منها في كل الماركات مش هيونداي بس

[eino666]

بصراحه انا معايا العربيه ده وهي فوق الممتازه وموتورها وسحبها حلو جدا والحمد لله مقبلتنيش فيه اي مشاكل لغايط دلوقتي وبستغرب جدا من اللي بيقولك ان فيها مشاكل وابعد عنها واللي حصلت عندهم المشاكل هما واحد او اتنين يعني مش حاله عامه والمشاكل الفرديه ده حتلاقي منها في كل الماركات مش هيونداي بس

طيب حضرتك ربنا باركلك وعربيتك طلعت الحمد لله زى الفل اللهم لا حسد
طيب ولو لا قدر الله صاحبنا المسكين اشترى العربية ووقعت الفاس فى الراس وطلعت معيوبة زى الزملاء الاعضاء هنا فى المنتدى يبقى ايه الحل؟؟؟؟؟؟؟؟؟؟؟؟؟؟؟؟؟؟؟
يبقى ابعد عن الشر وغنى له دى فلوس احنا طافحين الدم بيها مش لاقيينها فى الشارع
وربنا قال (لا ترمى نفسك فى التهلكة)
................................*
محمود عينو

[ezzatfox]

طيب حضرتك ربنا باركلك وعربيتك طلعت الحمد لله زى الفل اللهم لا حسد
طيب ولو لا قدر الله صاحبنا المسكين اشترى العربية ووقعت الفاس فى الراس وطلعت معيوبة زى الزملاء الاعضاء هنا فى المنتدى يبقى ايه الحل؟؟؟؟؟؟؟؟؟؟؟؟؟؟؟؟؟؟؟
يبقى ابعد عن الشر وغنى له دى فلوس احنا طافحين الدم بيها مش لاقيينها فى الشارع
وربنا قال (لا ترمى نفسك فى التهلكة)
................................*
محمود عينو

يا باشا لو هى دى النظرية يبقى محدش يشترى عربيات فى مصر خالص .. خش على اى قسم و هتلاقى نوعية المشاكل دى و العن منها .. على الاقل ان غبور فى المشكلتين اعترف بالعيب و بيصلحة .. الالعن ان فى توكيلات تانية مبتعترفش بالعيب اصلا .
انا الحمد لله معايا نيو اكسنت مانيوال و عامل بيها 21 الف كيلو و العربية زى الفل مفيهاش عيوب لا كبيرة و لا صغيرة و مقتنع بيها لاقصى درجة .
حتى غبور فى تعاملى معاة محصلش معايا اى مشكلة بل على العكس كان مستواة بالنسبة لتجربتى معاة (( جيد )) .
و على الرغم من انى شايف ان اداء غبور فى حل مشكلة ابو مارو كان دون المستوى سواء لرفضة ارجاع السيارة فى فترة ال 14 يوم او سواء لطريقة معالجتة للموضوع و الردود اللى قريناها كلنا و الصادرة من مهندسين التوكيل و سبق قبل كدة قلت انى معاة فى حل مشكلتة .
لكت لما اجى اقيم عربية و توكيل مش هقيمها على اساس عربيتين و لا 100 عربية حتى من بين الاف العربيات و كلنا عارفين حجم مبيعات هيونداى اد اية و حجم الضغط الموجود على التوكيل .
النهاية مفيش ماركة الا و ممكن يحصل فيها عيوب فردية .. و مفيش توكيل فى مصر ممكن انك تثق فية .. مش الكل ملايكة و غبور هو بس اللى وحش .. لا بص حواليك هتلاقية - و هو بالحال دة - احسن من توكيلات تانية - بس مشاكلها و سمعتها مش باينة قوى عشان حصتها فى السوق مش معدية 10% من حصة و مبيعات غبور .

[eino666]

بعد اذن حضرتك ادخل منتدى كيا وطالع موضوعاته واهو كورى برضو زى هيونداى وشوف الشكوى لما تتبعت من مصر ل كيا بيعملوا فيها ايه وشوف نفس الشكوى ل هيونداى بيعملوا فيها ايه
مش عايز اقولك ان الباشا التوكيل بيستورد لنا فرز درجة تالتة وانت ورزقك
حضرتك متخيل قد ايه حرقة الدم فى عربية زيرو وتغير لها جيربوكس او موتور وهى ما مشيتش 1000كم على بعض انت متخيل ده
والشكوى دى عمرنا ما سمعناها حتى فى الصينى اللى لسه مستجد فى اسواق السيارات
واذا كانت العملية هتمشى بنظام رزقى ورزقك بمعنى الحمد لله عربيتى الزيرو طلعت سليمة او لا حول ولا قوة الا بالله يا خسارة عربيتى الزيرو طلع بايظ فيها الموتور والتوكيل مشكورا هيغيره يبقى بلاها عربيات ونركب الاتوبيسات احسن وارحم او حتى نقضيها موتورجل ونوفر الالافات فى حاجة تاني مفيدة ولا ايه رأيك
............................
محمود عينو

[lolita]

انت ماحرمتش من اللى سمعتة عن العربية دى