اشترى منين نيو اكسنت

[ezzatfox]

بعد اذن حضرتك ادخل منتدى كيا وطالع موضوعاته واهو كورى برضو زى هيونداى وشوف الشكوى لما تتبعت من مصر ل كيا بيعملوا فيها ايه وشوف نفس الشكوى ل هيونداى بيعملوا فيها ايه
مش عايز اقولك ان الباشا التوكيل بيستورد لنا فرز درجة تالتة وانت ورزقك
حضرتك متخيل قد ايه حرقة الدم فى عربية زيرو وتغير لها جيربوكس او موتور وهى ما مشيتش 1000كم على بعض انت متخيل ده
والشكوى دى عمرنا ما سمعناها حتى فى الصينى اللى لسه مستجد فى اسواق السيارات
واذا كانت العملية هتمشى بنظام رزقى ورزقك بمعنى الحمد لله عربيتى الزيرو طلعت سليمة او لا حول ولا قوة الا بالله يا خسارة عربيتى الزيرو طلع بايظ فيها الموتور والتوكيل مشكورا هيغيره يبقى بلاها عربيات ونركب الاتوبيسات احسن وارحم او حتى نقضيها موتورجل ونوفر الالافات فى حاجة تاني مفيدة ولا ايه رأيك
............................
محمود عينو

عملت زى ما حضرتك قلت و دخلت قسم كيا و كانت النتيجة انى لقيت مشاكل كتير زى اى قسم تانى .
و ادى موضوع خاص بمشكلة موجودة بعربية سيراتو من ساعة الاستلام و لغاية دلوقتى المشكلة متحلتش و الراجل عمل محاولات الدنيا و الاخرة مع التوكيل و مفيش فايدة و بيقول انة بيبعت ايميل لكيا الام بمعدل رسالة كل يوم و مفيش حاجة بتحصل و عرف ان الشكاوى دى بتتبعت للتوكيل فى مصر تانى .
و ادى روابط للموضوع :
http://www.nilemotors.net/Nile/126436-a.html
http://www.nilemotors.net/Nile/132422-20-6.html
اية الفرق بقى بين هيونداى وكيا ..

و عشان مطولش عليك و اجيبلك لينكات من جميع الاقسام فى المنتدى يابانى و ماليزى و اوربى هجيبلك من الاخر مفيش فى مصر توكيل ملتزم و محترم 100% و حتى اللى بيتقال عليهم كويسين نسبيا دة بيرجع لقلة حصتهم فى السوق يعنى مفيش ضغط عليهم
المشكلة مش فى هيونداى و لا كيا و لا فى غبور .. المشكلة فى عدم احترام القانون بتشجيع من الدولة بموقفها السلبى و عدم وجود عقوبات رادعة لكل من يخالف القانون اضرارا بالمستهلك - ومش فى العربيات بس .. لا فى كل قطاعات البلد تقريبا .
و اخيرا انا احييك على موقفك مع غيرك فى شدتة و انا مقدر طبعا حجم الضرر المادى و النفسى اللى هو فية بس بردة لازم نكون موضوعيين .

[Beam28]

الحاقا لكلام الاستاذ عزت.. انا امس دخلت على قسم تويوتا في المنتدى وانا لم ادخله منذ مدة وبصراحة اتصدمت من كمية الشكاوي من سيارات تويوتا والفتيس والمواتير اللي بتنقط زيت وهيه لسة جديدة.. لم اصدق ان الناس دي بتتكلم على تويوتا ولأول مرة في حياتي احس اني ثقتي في تويوتا تتهز كدة.. اذا كانت تويوتا بعظمتها وتاريخها لديها عيوب تصنيع وموديل سنة كاملة نزل مصر فتيسه معيوب يبقى هيونداي تكون ايه واحنا بنتكلم على سيارتين او اكثر قليلا بهم مشاكل؟؟!

[eino666]

يا جماعة انا معاكم فى كل اللى بتقولوه بس مش عايز اقولكم ان كل ما بحط نفسى مكان اللى اشترى عربية زيرو وتطلع معيوبة والعيوب قاتلة يعنى موتور وجيربوكس دمى بيفور واعصابى بتتحرق وبتنرفز قوى قوى لانى كان ممكن اكون مطرحه وكل ده علشان ناس معدومة الضمير يهمها نهب فلوسنا وبس
حسبى الله ونعم الوكيل
............................
محمود عينو

[shadinasr]

يا جماعة انا معاكم فى كل اللى بتقولوه بس مش عايز اقولكم ان كل ما بحط نفسى مكان اللى اشترى عربية زيرو وتطلع معيوبة والعيوب قاتلة يعنى موتور وجيربوكس دمى بيفور واعصابى بتتحرق وبتنرفز قوى قوى لانى كان ممكن اكون مطرحه وكل ده علشان ناس معدومة الضمير يهمها نهب فلوسنا وبس
حسبى الله ونعم الوكيل
............................
محمود عينو

طبعا ده حاجه تنرفزوانا معا حضرتك في كده بس المشاكل اللي بتظهر المشاكل الفرديه يعني بتظهر في كل الماركات اشمعنى بقى هيونداي اللي عملين معاها كده وتقول ان اللي يشتري نيو اكسنت يبقى بيرمي نفسه في تهلكه !!!!!!!

[bishoy02010]

شوف الموضوع ده كده :

http://www.nilemotors.net/nile/131964-a.html

انا فعلا بحس ان هيونداي اكتر عربية اعتمادية في مصر ، يعني تستحمل مصر والمصريين ، بس فعلا المشكلة في الوكيل .

+11111
أبعد عن الشر وغنيلوا

[amrokhaled]

يا باشا لو هى دى النظرية يبقى محدش يشترى عربيات فى مصر خالص .. خش على اى قسم و هتلاقى نوعية المشاكل دى و العن منها .. على الاقل ان غبور فى المشكلتين اعترف بالعيب و بيصلحة .. الالعن ان فى توكيلات تانية مبتعترفش بالعيب اصلا .
انا الحمد لله معايا نيو اكسنت مانيوال و عامل بيها 21 الف كيلو و العربية زى الفل مفيهاش عيوب لا كبيرة و لا صغيرة و مقتنع بيها لاقصى درجة .
حتى غبور فى تعاملى معاة محصلش معايا اى مشكلة بل على العكس كان مستواة بالنسبة لتجربتى معاة (( جيد )) .
و على الرغم من انى شايف ان اداء غبور فى حل مشكلة ابو مارو كان دون المستوى سواء لرفضة ارجاع السيارة فى فترة ال 14 يوم او سواء لطريقة معالجتة للموضوع و الردود اللى قريناها كلنا و الصادرة من مهندسين التوكيل و سبق قبل كدة قلت انى معاة فى حل مشكلتة .
لكت لما اجى اقيم عربية و توكيل مش هقيمها على اساس عربيتين و لا 100 عربية حتى من بين الاف العربيات و كلنا عارفين حجم مبيعات هيونداى اد اية و حجم الضغط الموجود على التوكيل .
النهاية مفيش ماركة الا و ممكن يحصل فيها عيوب فردية .. و مفيش توكيل فى مصر ممكن انك تثق فية .. مش الكل ملايكة و غبور هو بس اللى وحش .. لا بص حواليك هتلاقية - و هو بالحال دة - احسن من توكيلات تانية - بس مشاكلها و سمعتها مش باينة قوى عشان حصتها فى السوق مش معدية 10% من حصة و مبيعات غبور .

+1111111111111

[eino666]

طبعا ده حاجه تنرفزوانا معا حضرتك في كده بس المشاكل اللي بتظهر المشاكل الفرديه يعني بتظهر في كل الماركات اشمعنى بقى هيونداي اللي عملين معاها كده وتقول ان اللي يشتري نيو اكسنت يبقى بيرمي نفسه في تهلكه !!!!!!!

اعتقد عمر المشاكل الفردية ما هيكون حلها تغيير موتور كامل او جيربوكس كامل فى عربية زيرو
طيب طلعت من المصنع ازاى وعدت على مراقبين الجودة فى المصنع ازاى ودخلت مصر ازاى وخصوصا لو حضرتك قرأت المواضيع هتلاقيها نفس العيوب فى عربيات كتيرة من نفس الموديل والتوكيل عارف كده يبقى تهلكة ولا لآ
........................*
محمود عينو

[ezzatfox]

اعتقد عمر المشاكل الفردية ما هيكون حلها تغيير موتور كامل او جيربوكس كامل فى عربية زيرو
طيب طلعت من المصنع ازاى وعدت على مراقبين الجودة فى المصنع ازاى ودخلت مصر ازاى وخصوصا لو حضرتك قرأت المواضيع هتلاقيها نفس العيوب فى عربيات كتيرة من نفس الموديل والتوكيل عارف كده يبقى تهلكة ولا لآ
........................*
محمود عينو

عربيات كتيرة من نفس الموديل و التوكيل !!!!!
هى فين يا باشا العربيات الكتيرة دى .. انا تحديدا مشفتش غير عربيتين بس و المنتدى فية اكتر من 100 مالك للعربية و فى منهم ناس معاها العربية من 2006 و عملت 180000 الف كيلو بدون اى مشاكل جوهرية .. دة غير اللى اعرفهم خارج المنتدى و عربياتهم مفيش فيها الهوا .

و عموما لو حضرتك لاحظت اعضاء قسم هيونداى مش من نوعية دى مشاكل بسيطة و غير مؤثرة و نوعية الكلام دة - لو حد عندة اى مشكلة تافهة فى العربية حتى لو البطارية نامت بيفتح موضوع و يقولك عندى مشكلة .

يا ريت التعاطف ميخليكش تظلم العربية و يخلى الكلام غير موضوعى و حاول تسمع من ملاك العربية ككل - مش لفرد او اتنين - لان اكيد لو العربية مش عاجباهم مش هيقولوا فى حقها كلمة حلوة .

[eino666]

عربيات كتيرة من نفس الموديل و التوكيل !!!!!
هى فين يا باشا العربيات الكتيرة دى .. انا تحديدا مشفتش غير عربيتين بس و المنتدى فية اكتر من 100 مالك للعربية و فى منهم ناس معاها العربية من 2006 و عملت 180000 الف كيلو بدون اى مشاكل جوهرية .. دة غير اللى اعرفهم خارج المنتدى و عربياتهم مفيش فيها الهوا .

و عموما لو حضرتك لاحظت اعضاء قسم هيونداى مش من نوعية دى مشاكل بسيطة و غير مؤثرة و نوعية الكلام دة - لو حد عندة اى مشكلة تافهة فى العربية حتى لو البطارية نامت بيفتح موضوع و يقولك عندى مشكلة .

يا ريت التعاطف ميخليكش تظلم العربية و يخلى الكلام غير موضوعى و حاول تسمع من ملاك العربية ككل - مش لفرد او اتنين - لان اكيد لو العربية مش عاجباهم مش هيقولوا فى حقها كلمة حلوة .

لو حضرتك قرأت الموضوعين اللى فيهم مشاكل فى العربية هتلاقى انهم شافوا فى التوكيل عربيات كتيرة فيها نفس العيوب ومهندسين التوكيل بنفسهم قالولهم عليهم قال يعنى بيطمنوهم انهم مش لوحدهم
اما بالنسبة الى انى ما اظلمش العربية وان اكون موضوعى فى كلامى فأنا بتكلم على سياسة عامة بالنسبة لتوكيل هيونداى فى مصر مش بخصص كلامى فى النيو اكسنت فقط لانى واحد من الناس معايا النترا اوتوماتيك مو 2008 والعربية وكيل مش خليجى وبسم الله ما شاء الله لا قوة الا بالله العربية معايا زى الفل لكن ارجع واقول لحضرتك لو الوكيل استورد 1000 سيارة وفيهم 10 سيارات معيوبة والوكيل عارف كده وحظى الاسود تطلع عربيتى من ضمن ال 10 يبقى العيب عند مين عندى ولا عند الوكيل وليه990 واحد ياخدوا عربيات سليمة وانا وباقى ال10نتمرمط ونتهان بسبب ان عربياتنا بايظة يعنى ناس تتمتع بعربياتهم وناس يطلع عينها رغم ان ال1000 اللى اشتروا دافعين زى بعض
ارجو ان الصورة تكون وضحت
حسبى الله ونعم الوكيل
................................*
محمود عينو

[ahmsoliman]

اولا جزاكم الله خيرا كلكم على النصائح دى. بس دلوقتى اللى شايف ان الاكسنت وحشه شايف انهى عربية كويسة فى نفس الفئة السعرية دى؟؟؟؟؟؟