برجاء الافاده عن اكسنت 1300

[Ashraf Zykass]

ما رايكم فى سياره هيونداى اكسنت 1300 زيرو برجاء اعطائى الرأى حيث انها فى حدود امكانتيتى و هى للاستخدام الاسرى مع العلم انى اعمل بمصر الجديده و اسكن فى التجمع الخامس يعنى المسافه المقطوعه يوميا 50 كيلو رايح جاى


-------------------
تم تعديل العنوان من "برجاء الافادة "ل "برجاء الافاده عن اكسنت 1300"
مشرف 4

[Abonora]

والله 50 ك يوميا ده استخدام متوسط ولو طريقك نظيف ( يعني مفيش مطبات كتير او اختناقات مرورية ) ولو استخدامك راقي ( بتحافظ علي العربية وايدك فيها ) يبقي اي عربية هتجيبها ان شاء الله هتعيش معاك

لاكن انا مقدرش اقولك تجيب اكسنت ولا لاء لاني معرفش انت معاك كام ؟ كمان بيتهيئلي انك بتتكلم عن الاكسنت القديمة ( هي لسه في منها زيرو ؟؟ )

[sh_masry]

اشرف باشا الأكسنت القديمه عربيه تحفه و حلوه جدا و بتاعت مشقه بجد .... انا كان معايا العربيه دى و سافرت بيها معظم محافظات الجمهوريه و لو عايز تسأل على اى حاجه معينه فيها انا تحت امرك .
a7'ook
Sherif

[Abonora]

شريف انا اعرف ان العربية استهلاكها في البنزين بيعلي مع الوقت جامد واحد صاحبي الصفيحة بتعمل معاه 180 كمان اعرف انها بترشح زيت كتير ده غير عفشتها الضعيفة جدا ووطيها علي الارض اخير سحبها وحش ومن جوه ديقة

انت ايه رايك العيوب ديه حقيقة ولا كلها افترا ؟؟؟

[Ashraf Zykass]

شكرا لكل من ساهم بالرد فى هذا الموضوع ولكن انا اقصد يا اخ ابو نورا على الاكسنت ال 1300 اللى هى لسه بتنتج لحد دلوقتى موديل 2006 هو لسه ى منها زيرو عند بعض التجار و اخر سعر وصلت له 57900 , الاخ المصرى انا مش عارف الاكسنت القديمه ديه من موديل سنة كام لسنة كام وهى كام سىسى ولكن انا اقصد الاكسنت موديل 2006 وشكرا لكم جميعا على الاهتمام ومعلومه اضافيه كل اللى اقدر ادبره من المال هو 55000ج و شكرا وبرجاء الافاده ولكم جزيل الشكر مع العلم انى لا ارغب فى السيارات المستعمله

[شريف]

شكرا لكل من ساهم بالرد فى هذا الموضوع ولكن انا اقصد يا اخ ابو نورا على الاكسنت ال 1300 اللى هى لسه بتنتج لحد دلوقتى موديل 2006 هو لسه ى منها زيرو عند بعض التجار و اخر سعر وصلت له 57900 , الاخ المصرى انا مش عارف الاكسنت القديمه ديه من موديل سنة كام لسنة كام وهى كام سىسى ولكن انا اقصد الاكسنت موديل 2006 وشكرا لكم جميعا على الاهتمام ومعلومه اضافيه كل اللى اقدر ادبره من المال هو 55000ج و شكرا وبرجاء الافاده ولكم جزيل الشكر مع العلم انى لا ارغب فى السيارات المستعمله

اصبر لغايه متكمل تمن الفيرنا 62000 واحجزها من دلوقتىمن غبور(مجتش فى 7 الاف انت مش كل يوم بتشتري)
لان الاكسنت2006 كاربراتير 1300 عاده
الفيرنا انجيكشن 1500 باور

[memoo_1st]

انا رأيي بردو حضرتك تصبر و تحجز الفرنا وهتكون افضل كتير من الاكسنت

[Ashraf Zykass]

شكرا لكم على اراءكم

[sokasoon]

سعر الفيرنا دلوقتى 65990جنية 1600 سى سى مانيوال فول اوبشن

والفيرنا 1600 سى سى اتوماتيك 72990جنية فول اوبشن

اما الفيرنا 1500 سى سى 64990جنية مانيوال فول اوبشن

والفيرنا 1500 سى سى اتوماتيك 71000جنية فول اوبشن

والفيرنا 1500 سى سى مانيوال 61990 جنية هاف

الاسعار كلها حجز مش استلام فورى

ملاحظة هامة : الفيرنا ال1500 سى سى هتلاقى سعرها قريب جداا فرق 1000 جنية من 1600
والسبب ان الاتنين زى بعض ده رقم وبس

[sh_masry]

شريف انا اعرف ان العربية استهلاكها في البنزين بيعلي مع الوقت جامد واحد صاحبي الصفيحة بتعمل معاه 180 كمان اعرف انها بترشح زيت كتير ده غير عفشتها الضعيفة جدا ووطيها علي الارض اخير سحبها وحش ومن جوه ديقة

انت ايه رايك العيوب ديه حقيقة ولا كلها افترا ؟؟؟

وائل ابو نورا بص يا باشا انا كان معايا اكسنت موديل 2000 و 1300 cc و كان فيها تكييف ..... العربيه دى انا ماشوفتش منها اى حاجه وحشه بالعكس انا كنت بفترى على العربيه فى استهلاكها و ميشيها بس من غير ما كنت بهينها يعنى مافيش امريكانى مافيش طلعات مفاجئه و لكن كنت بجرى بيها جدا فى السفر و كانت مساعدانى و كنت احيانا بوصل ل 180 ك /س
و العفشه بتاعتها حلوه بالنسبه لسعرها جدا و برده ماكنش فيها حاجه مضيقانى خالص غير انى كنت بربط عفشه كل شهرين و ده طبيعى فى اى عربيه ..... هى بس طبعا كانت بتاخد من الموتور جامد لما كنت بتشغل التكييف و ده برده طبيعى فى اى عربيه 1300 Cc و لكن التكييف كان تلاجه و حلو قوى .
و بالنسبه لسحب البنزين كان حلو قوى و طبيعى و على ما اتذكر كانت 220 كيلو /20 لتر (بنزين 92) داخل البلد و سفر على السرعه المثاليه 90كان 220 كيلو/13 لتر و ده تقريبى بالطبع .
عموما انا ماوجهتش اى مشكله فى العربيه دى غير حاجه واحده بس ....... كتاوت الدينامو بتاعها , كان كل شويه يبوظ و يطير البطاريه ..... عمل كده معايا 3 مرات و التوكيل قالى فعلا هو ده عيب الأكسنت و هو فيه حاجتين ممكن الواحد يعملهم .... يا اما اول ما تبوظ الكتاوت يغيرها و هى بحوالى 100 جنيه و بيعرف ان الكتاوت باظت لما بييجى يدور العربيه فجميع الأنوار بتاعت التابلوه بتنور ( و هو ده العادى) ما عادا نور الطاريه (و كده مش عادى ) فساعتها لازم تغير الكتاوت قبل ما البطاريه تبوظ هى كمان ........... او تعمل زى ما انا عملت و اشتريت دينامو المانى ب 300 جنيه وقتها و ماعملتش كده تانى خالص .
و ده العيب الوحيد اللى كان فى الأكسنت ..... و بالنسبه للمساحه الداخليه كانت واسعة و بالذات انى مليان فلازم حاجه تبقى مريحه .
و ارجو انى اكون افدتكم و تحت امركم بالنسبه لأى حاجه فى الأكسنت و هى بالفعل عربيه ممتازه ........

a7'ookom
Sherif

[sh_masry]

على فكره كل ما شرحته فوق المشاركه دى على الأكسنت موديل 2000 و حتى 2004 فلو انت قصدك بالنسبه للزيرو فأنا سمعت و تأكدت من التوكيل نفسه ان الكاوتش بتاع التفيل (اللى على الزجاج) كان قديم و عندهم من فتره و متخزن بطريقه غلط و علشان كده بيتقطع و يتهربد بسرعه و ساعات يرشح ميه من داخل الزجاج و ده ممكن يتسبب فى البرومه.
غير كده معرفش بالنسبه للزيرو و ماعنديش فكره عن موضوع طرمبه البنزين اللى بتبوظ بسرعه بس سمعت الكلام ده .
a7'ook
Sherif

[mohamed yousry]

انا معايا اكسنت موديل 2006 ال1300 سىسى ولا أنصح أحد بشراء هذة السيارة لان بها عيوب كثيرة منها:
1-البوية المستخدمة سيئة جدا ...لو واحد لابس بنطلون سند عليها ممكن الزرار الحديد اللى فى البنطالون الجينز يجرح العربية...حصلت معايا...
2-التقفيل طبعا سىء..اقل من تقفيل موديلات 2001 و2002 رغم انة كلة متجمع فى غبور...
3-الخامات المستخدمة فى التابلوة وخلافة سيئة..(التابلوة بيشقق لو سيبتة فى الشمس)..هذا العيب ازلى فى كل العربيات الاكسنت شكل قديم...
4-انا عامل بيها دلوقت 11 الف كيلو.....من حوالى اسبوع.. الصبح من حسن حظى بصيت على اربة مياة التبريد لقيتها ناقصة ولقيت الخرطوم اللى بيوصل الاربة بالرادياتير مشقق عند اطرافة اضطريت اقص الجزء المشقق وقصر الخرطوم ووصلتة تانى..علما ان مفيش حد بيفتح الكبوت غير التوكيل والراجل اللى بيغير الزيت...انشاء الله لما اروح غبور هبهدلهم...
5-العفشة عايزة معاملة خاصة عشان تعيش معاك....يعنى هتاخد المطبات براحة....
6-حاسس ان العربية مبتسحبش ومخنوقة خصوصا فى الغيار الاول والثانى لكن بعد كدة بتجرى 100%....وصوت الموتور اتغير عن اول ما استلمتها....ملحقتش تمشى...يستحسن متركبش فيها ناس كتير...يعنى انت والزوجة واتنين ورا بالكتير....
7-العربية دى ملغية برة بقالها سبع سنيين وسمعت ان غبور جايب اجزاءها من الصين...بكره الصين عمى.
8-طلمبة البزين لسة مغيرها فى صيانة العشر تلاف ....كانت عاملة صوت ونة فى الكنبة الخلفية.....لو سيبتها شوية من غير تغيير ممكن تخلى العربية تنتش.....وعشان تحافظ عليها اطول فترة ممكنة لازم تفول العربية بنزين عندما يصل المؤشر على النص....هذا العيب فى موديلات 2005 و2006 فقط.....
9-الشكمان مصرى طبعا ولة صوت مش تمام خصوصا لو قرصت على العربية....

فى النهاية انت ممكن تشتريها وهتمشى معاك كويس لو خليت بالك من الحاجات السابقة وعاملتها كويس...بس مش هتعمل بيها امريكانى يدوبك توصلك مشاويرك وفيما عدا ذلك هى عربية قليلة الاعطال لو حافظت عليها ....
بس لو سعرها قريب من الفرنا خليك فى الفرنا ب62000 جنية وهى معايا بردة....احسن من الاكسنت واحسن عربية فى هذة الفئة السعرية فى رأى الشخصى......بردة فكر فى الشاهين ب 56000 جنية عربية قوية جدا وبتستحمل واحسن من الاكسنت بكتيير يعيبها انها تقيلة شوية فى سواقتها لكن مش قوى يعنى...

لا تنسى انك مش هتلاقى الاكسنت شكل القديم الا مستعمل او فى المعارض ب58000جنية...

اخيرا ياريت كل الناس تعمل زى كدة وتقول العيوب فى العربية بتاعتها لان دى امانة سنحاسب عليها....... وشكرا

--------------------------------------------------------------------------------