سوال و يا ريت الاقي الرد

[shooda2020]

مساء الخير علي احلي منتدي
من يومين كده كان الشارع فاضي برجع بضهري بسرعه لاني ماكنش فيه حد معايا و موارب شويه علشان اعدل و اركن جنب الرصيف لكن بغشم شويه خبطت العجله الورانيا في الرصيف و طلعت علي الرصيف و هيا عربيه فيرنا موديل 2009 فهل حصلت فيها حاجه تدعو للقلق انا مشيت بعديها عادي و كانت طبيعي
يا ريت حد يفيدني ايه الاجراءات الممكن اعملها علشان اطمن اكتر
شكـــــــــــــــــــــــــــــــــــــرا

[kasten]

مساء الخير علي احلي منتدي

من يومين كده كان الشارع فاضي برجع بضهري بسرعه لاني ماكنش فيه حد معايا و موارب شويه علشان اعدل و اركن جنب الرصيف لكن بغشم شويه خبطت العجله الورانيا في الرصيف و طلعت علي الرصيف و هيا عربيه فيرنا موديل 2009 فهل حصلت فيها حاجه تدعو للقلق انا مشيت بعديها عادي و كانت طبيعي
يا ريت حد يفيدني ايه الاجراءات الممكن اعملها علشان اطمن اكتر
شكـــــــــــــــــــــــــــــــــــــرا

العربيه معاك مظبوطه ؟؟
لو عايز تتأكد اكتر روح عند واحد بتاع زوايا يبصلك على العجل اللى ورا ولو فى حاجه يظبطلك لزوايا
الموضوع سهل متخفش ..

[mshmshm3]

على حسب رصيف عالى ولا واطي لو رصيف واطي عادي لكن لو عالى ممكن يأثر على حاجة وغير كدة لو في حاجة انت ممكن تلاحظها ممكن تخلى اى حد تعرفه يمشي وراك ولو العجلة اللى اتخبطت معوجة مثلا او فيها حاجة هايلاحظ وممكن ما تكونش معوجة وفيها حاجة بردو الاحسن ممكن تروح لاى مركز ضبط زوايا ويشوف في ايه او تروح التوكيل وماتقلقش مفيهاش حاجة

[eino666]

ادخل على اى بنزينة او اى حد بتاع كوتش ورصص العجل وساعتها هيبان كل حاجة وانا فى اعتقادى الشخصى مفيش مشكلة ان شاء الله ولكن للاطمئنان فقط لا غير
............................
محمود عينو

[shooda2020]

متشكر جدا يا جماعه علي سرعه الرد بعني بتاع الترصيث هو الهايعرف ايه الحصل

[eino666]

متشكر جدا يا جماعه علي سرعه الرد بعني بتاع الترصيث هو الهايعرف ايه الحصل

ايوه بتاع الترصيص هو اللى هيقولك المفيد ومن غير ما يقول انت هتعرف لوحدك لما يحل الجنط ويحطه على الجهاز هيبان من لفته
اذا كان سليم او فيه حاجة
وان شاء الله سليمة بس ابقى طمنا وقولنا عملت ايه
............................
محمود عينو

[shooda2020]

شكرا ليك يا محمود
المهم طيب هيا مش هاتاثر في مساعدين او مقصات يعني حاجه ماتخوفش و امشي عادي مادام هيا كويسه معايا

[eino666]

اكبر تأثير لخبطة الجنط فى الرصيف بتكون فى الجنط نفسه ومفيش اى نوع من انواع التأثير على العفشة و المساعدين
....................*
محمود عينو