مشكله فى الماتريكس 2007

[stonetaker]

وانا راجع على الطريق الصحراوى الاسبوع اللى فات ظهر قدامى كلب فجاه و للاسف نزل تحت العربيه والعربيه اتبهدلت
ركنت على جنب و بالصدفه كان قدام العامريه فيه بتاع ردياتير لحم الردياتير و الميكانيكى غير جوان فى الموتور وقالى انى مشيت مسافه طويله وانا مش واخد بالى ان المؤشر بتاع الحراره عالى


المهم رجعت بيها القاهره الحمد لله وقالى متزودش على 100 كم لحد ما تعمل بالعربيه الف كيلو
المشكله ان الموتور دلوقتى بقى ليه صوت وانا عربيتى مكنش ليها صوت نهائى
الميكانيكى حطلى زيت شل الاحمر وقالى اغيره بعد الف كيلو وانا كنت دايما بستعمل شل الاصفر
هل سبب صوت الموتور هو تغير الزيت ولا الصوت ده هيفضل معايا علطول

[amir]

روح التوكيل او مركز خدمه يراجع علي العربيه
و غير الزيت و الفلتر

[M.Mostafa80]

انا من رأى تحصل مقاطعه للتوكيل مدام بقم بيستهترو بأموال الناس
واحد بعد ألف ك طقم دبرياج والتانى موتور وياعالم ايه اللى جاى تانى

[stonetaker]

غيرن الزيت والفلتر الحمد لله واداء العربيه رجع زى الاول
هل انا كده محتاج اروح للميكانيكى يربط وش السلندر ولا لا ؟؟ علما بانه معملش حاجه عند الخراط
وفيه سؤال تانى
فيه ناس بتقولى اروح يصبطلى تاكيهات الموتور
هل ده لازم برضو ولا لا؟؟ انا حاسس ان العربيه الحمد لله كويسه وخايف حد يلعب فى الموتور

[د.محمود صلاح]

غيرن الزيت والفلتر الحمد لله واداء العربيه رجع زى الاول

حادث الكلب هل ادى الى كسر في اسفل الموتور وهرب منك الزيت ؟ ولا بس الريداتير ؟

افحص بنفسك اعراض تلف جوان وش السلندر وهو عبارة عن مخلوط طحيني الشكل في مؤشر الزيت أو ظهور فوران في مياة الريداتير ( فقاقيع ) مع تزويد المحرك

[stonetaker]

شكر ا ليك يا د محمود على الرد
اللى حصل كان فوران مياه الرادياتير والزيت ايضا ظهر اسفل الماتور و تم لحام المنطقه اللى فى الردياتير لانها لم تستدعى اغير الردياتير بالكامل و غيرت جوان وش السلندر و الميكانيكى قالى انه اما فتح الماتور مشفش انه محتاج يروح لخراط
انا كده محتاج اروح لربط وش الموتور ولا لا ؟؟؟ وكمان عايز اعرف انا محتاج اصبط التاكيهات زى ما سمعت من ناس ولا لا؟؟
علما بانى شايف العربيه بقت كويسه الحمد لله