الاوفر درايف فى الماتريكس

[tarekeg]

سؤال لمالكى الماتريكس

هو زرار الاوفر درايف اللى موجود فى فيتيس "ماتريكس اتوماتيك" المفروض يكون مضغوط لجوه واللمبة مش مولعة فى التابلوه علشان يكون مش شغال ولا العكس

اصل انا اختلفت مع صديق انه لازم تكون اللمبة مطفية فى التابلوه"الزرار مضغوط لجوة" ومع تجربة العربية فى الحالة دى بيكون الموتور مرتاح، ولكن لما لمبة OD تكون مولعة "الزرار لبرة" العربية بتكون مخنوقة وصوت الموتور عالى جدا وبيجيب 100 بالعافية
بس صديقى عنده حق انهم رسمين وضع On الزرار مضغوط وبالتالى لمبة OD مطفية فى التابلوه!!
ياريت حد يقولى ايه الصح والمفروض العربية تكون على الوضع ايه؟؟؟؟

[mramzy]

المفروض تكون اللمبه مطفيه
لانها لو مولعه يبقى انت مشغل الاوفر دريف

[tarekeg]

المفروض تكون اللمبه مطفيه
لانها لو مولعه يبقى انت مشغل الاوفر دريف

شكرا لردك

افهم من كدة ان الزرار لازم يكون مضغوط ؟؟ بالرغم ان الوضع ده on

[mramzy]

المهم ان اللميه تكون مطفيه
علاشن الاوفر دريف يكون مش شغال

[Ramiy]

dear sir
if u want to let it works must be lamp off
see what is written when it is on ( o/ D) off means when the lamp is on Overdrive is off

[mohamed_mohsen]

لما اللمبه تكون مولعه...يبقي الأوفر درايف مش شغال

[tarekeg]

لما اللمبه تكون مولعه...يبقي الأوفر درايف مش شغال

انا جربت الحالة دى ولقيت العربية مخنوقة وبتجيب 100 بالعافية وكمان بتاكل بنزين، بالعكس لما اللمبة مطفية "الاوفر درايف شغال على كلامك" صوت الموتور بيكون مرتاح والعربية ممكن تجيب 160 مرتاحة
اللى انا فاهمه ان "الاوفر درايف" نقلات اقل وبالتالى صعب يجيب سرعات عالية زى 160 ولكن بيفيد بس فى الحصول على تسارع فى زمن اقل

ممكن حد يفيدنا اكتر فى النقطة دى!

[mramzy]

ياسيدى الفاضل الاوفر دريف هو كانك بتسقط نقله او بتعمل كيك دون وبيستخدم فى التسارع فقط او انقاذ موقف المفروق ان اللمبه مطفيه يبقى العربيه بتنقل طبيعى وكل حاجه تمام طبقا لدوسه السائق وده عن تجربه مع ماتركيس 2006 لمده 3 سنوات

[cyber007]

Over drive معناها القيادة على الطرق السريعه high way وبالتالى مش هوا الوضع الرياضى وبيكون النقله الرابعه مفتوحه فيه وهوا الافتراضى فى العربية ( اربع سرعات شغاين) وليس بالمعنى المفهوم ان معناها وضع رياضى انما العكس

Over drive off ودى لما بتكون اللمبه منوره وهو مش الوضع الافتراضى لان دى وضعية القياده سبور و 3 نقلات بس اللى شغالين وتحس بيها جامد لو ماشى على 90 او 100 مثلا وقمت عامل off ياعنى اللمبة تنور هتلاق العربيه شدت جامد

اتمنى انى اكون افدت