للأسف ايدي لعبت في الالنترا ..

[dr_abooody]

السلام عليكم

انا كان معايا 128 فمن عادتي اني افتح الكبوت كل شوية و افضل اشيك على حاجات و افك مثلا حاجة عايزة تتظبط

الحمد لله ربنا انعم عليا و جبت النترا 2009 زيرو و عاملة 8500 كيلو

المهم انهاردة جبت الجهاز اللي بينفخ هوا جامد بتاع التراب و قوات لما انفخ الكبوت عشان اتملى تراب على الاخر

المهم الشيطان لعب في مخي و قالي لما تفك فيلتر الهوا و تنضفة بالمرة من التراب
اول مرة فكيت الكلبسات و جيت اشيلة لقيت الغطا ماسك في حاجة قولت اخزي الشيطان بلاش روحت قافلة
راح الشيطان لعب في دماغي تاني قولت دة مش ماسك في حاجة روحت فكيتة و خلعت الفيلتر و نضفتة و ركبتة تاني
انا قلقان لحسن اكون ركبتة بالمشقلب اصل وشة شبة ضهرة

المشكلة اني خايف العب تاني في حاجة اهي بدأت بالفيلتر شكلها هتنتهى بالموتور
ربنا يستر

بجد اللي كان عندة عربية قديمة بتعملة لعنة في مخة

[gendi_52]

ماتخفش ياعم اهم حاجه انه تحس انه ركب كويس كده مش طالع ونازل وياعم فدااااك العربيه هى العربيه جاااايا ليه

[dr_abooody]

هههههههه

فعلا الواحد بيطلع مواهبة فيها

[Karim_Mohy]

اصل وشة شبة ضهرة


هههههههههههه......ربنا معاك وان شاء الله خير


بجد اللي كان عندة عربية قديمة بتعملة لعنة في مخة

فعلا عندك حق وبتحسسك انك خبرة ههههههه

[mshmshm3]

هههههههههههههههههه ياعم عادي طالما ما حستش ان في حاجة مختلفة يبقي مفيش حاجة اهم حاجة كان في الفلتر تراب ولا كان نضيف ؟

[just_magdy1]

اولا ربنا يعوض عليك ... انا حقيقى ماعرفش اسعار الزجاج الخلفى بس انا عايز الفت نظر حضرتك لحاجة انا معايا النترا الاريال مدمج فى الزجاج الخلفى بس مش متاكد الكلام ده موجود فى 2007 ولا لا . المهم لو مدمج اعتقد كده يبقى لازم تروح التوكيل

[just_magdy1]

اولا ربنا يعوض عليك ... انا حقيقى ماعرفش اسعار الزجاج الخلفى بس انا عايز الفت نظر حضرتك لحاجة انا معايا النترا الاريال مدمج فى الزجاج الخلفى بس مش متاكد الكلام ده موجود فى 2007 ولا لا . المهم لو مدمج اعتقد كده يبقى لازم تروح التوكيل

اسف جدا انا رديت غلط كنت فاتح توبيك تانى فى نفس الوقت

[mshmshm3]

اسف جدا انا رديت غلط كنت فاتح توبيك تانى فى نفس الوقت

ههههههه مش هاينفع كدة انا بردو كنت فاتح نفس التوبيك التاني وقريت رد حضرتك وقفلته وفتحت التوبيك ده لاقيت نفس الرد ههههههههههههههههههه

[د.محمود صلاح]

ههههههههههههه

فك ياباشا ولا يهمك التعليم مابيجيش الا بالفك والتركيب

[dr_abooody]

هههههههههههههههههه ياعم عادي طالما ما حستش ان في حاجة مختلفة يبقي مفيش حاجة اهم حاجة كان في الفلتر تراب ولا كان نضيف ؟

كان في تراب و الحمد لله كدا نضف

اصل انا شوفت الموضوع دة في ابوغالي و عجبني قولت اعملة و خصوصا ان الدنيا كانت تراب الفترة اللي فاتت

[human]

من ساعه ماجبت الميجان مافتحتش الكبود اطلاقا غير مره عشان اتفرج و مره اغير البطاريه

كان عندى مازدا قديمه و كرولا قديمه

المازدا كنت ببقى جوه الكبوت اكتر من جوه العربيه

[Beam28]

حاول ما تروحش لأبعد من كدة.. في العربيات الجديدة دي مش محتاج تعمل حاجة غير انك تسوق وتضرب كلاكس بس مش اكتر

[eino666]

ما تقلقش خالص لان وشه زى ضهره المهم انه يكون معشق صح فى علبته والمفروض انك كل فترة تنضفه وتنضف العلبة كمان
............................
محمود عينو

[semsem8080]

سلام عليكم
باشا ولاا يهمك حاجة انا بفك وركب وانا اللي مغيير بوجيهات العربية ومغير تيل الفرامل وبفك فلتر التكييف مع انه صعب شوية المهم تكون عارف انت بتعمل ايه
عشان الموضوع حساس شوية
وربنا يعطيك خيرها ويكفيك شرها
ولو في اي حاجة علي قدي كده انا تحت امر اي حد في المنتدي الجميل ده

[modiabbas]

تعرف ان انا 24 ساعه قاعد جوه كبوت الاوكتافيا مسيبتش علبه غير لما فكيتها و ركبتها تانى و شيلت الفلتر خالص و ركبت واحد اسبورت و كل شويه اشيل و اركب و بقت موهبه عنددى و صحابى كلهم بيقولوا نهايه العربيه ديه على ايديك