مشكلة في السوناتا : طنابير ولا إيه؟

[wegood]

الساده اعضاء المنتدى الكرام

عندي سوناتا موديل 2009, طبعا العربية أكتر من هايلة, بس المشكلة انها من كتر ماهية جميلة اي عيب بتحس بيه على طول

عندي رجراجة بسيطة في الدركسيون مع الفرملة, زائد حدفة يمين.. الطبيعي ان الواحد يفكر في الطنابير, بس كل مرة في الصيانة بيقوللي الطنابير تمام!

اللي يضايق ان اتزان العربية الخرافي بتحس إنه قل كتير مع الفرامل, شعور مش جميل.

ممكن يكون عيب تاني غير الطنابير؟ مركز الصيانة لو مش بتقوله يعمل إيه مابيساعدشي! حاجة تحزن


شكرا :-)

[SPoOKy]

اعتقد انها محتاجه ظبط زوايا و ترصيص

[dr_abooody]

العربية عاملة كام كيلو

[wegood]

عاملة 30 ألف

لاحظ إن البرجلة ديه مع الفرامل , بس أنا برده شاكك في علبة الدركسيون, او حاجة في عزل الدركسيون يعني

شكرا :-)

[حماده المصري]

طنابير والحدفه دي زوايا

الطنابير دي تروحلهم وتعمل فيها معتووه هي فرامل رجه تبقى طنابير

علبه الدركسيون لو بايزه بتسمع مع الفرامل جامد لو الطنابير بايزه

بس عموما علبه الدركسيون لو بترزع في المطبات وبتسمع في الدركسيون تبقى عايزه شغل

[dr_abooody]

في حد من الاعضاء كان عامل موضوع بيقول ان لو الواحد غسل العربية بعد مشوار كبير و الفرامل و الطنابير لسة ساخنة او عدى في بركة من المياه

دة بيؤدي لسرعة اتلاف الطنابير (الديسكات) و دة بيؤدي لحدوث ريجة في الفرامل

فالافضل انها تتغير بلاش تتخرط

فحضرتك تشوف لو كان حصل حاجة من اللي انا قولت عليهم ممكن تكون الطنابير فيها نسبة تلف