سؤالين بخصوص كاوتش الإلنترا

[ahmed_salah]

السلام عليكم يا جماعة

عندي سؤالين بخصوص كاوتش الإلنترا ال-2008 :

1. امتى المفروض يتغير الكاوتش؟ هل بعد مدة معينة واللا عند مؤشرات معينة؟
2. أيه أنواع الكاوتش المقترحة اللي اجيبها لو عايز أخفف الإحساس بالنقر والزلط و كدة؟ و متوسط اسعارهم أيه؟ و أجيبهم منين؟

وشكراً مقدماً

[KING_LEDO]

انا عامل حتى الأن 90150 كيلو و عايز اغير كاوتش

[maged_tours]

تغيير الكاوتش عادة بيكون بعد 50000كم حسب الطرق عندنا وممكن بعد كده بشوية اما لو النقشة اتمسحت فالمفروض تغييره بسرعة واواع الكاوتش الجيدة والمناسبة في سعرها الهانكوك والميشلان والبريدجستون

[tefeamer]

زى ما الزميل قال ما بين 40 الف الى 50 الف بس برضه حسب حالة الكاوتش ومتاخش عن كده لان الكاوتش من اهم وسائل الامان بالسيارة فلا تبخل بتغييرهم لسلامتك وسلامه من معك

[tefeamer]

لابد من تغيير الكاوتش بمجرد مسحه

[Tayer]

لو وأمن على عربيتك لازم تغيره فى الميعاد عشان لاقدر الله لو الكوتش أنفجر التأمين هيعتبره أهمال و مش هيديك شلن أحمر

[ahmed_salah]

شكرا يا جماعة على الردود

هو الكاوتش متمسحش ولا حاجة, بس هل في مؤشرات تانية غير كده...
قالولي مثلا يجب تَغيير العجل إذا كان فيه رعشة في العربية بسبب العجل...
فهل في مؤشرات تانية زي دي؟

[tefeamer]

شكرا يا جماعة على الردود

هو الكاوتش متمسحش ولا حاجة, بس هل في مؤشرات تانية غير كده...
قالولي مثلا يجب تَغيير العجل إذا كان فيه رعشة في العربية بسبب العجل...
فهل في مؤشرات تانية زي دي؟

لا شكر على واجب فنحن فى هذا الموقع بنفيد ونستفيد فلا داعى للشكر ، طبعاً فيه مؤشرات ثانية مثلا لو العربية بتحدف يمين او شمال ومع تغير مكان الكاوتش والترصيص ونفس المشكلة ظاهرة غالبا ده عيب فى الكاوتش وايضا للمعلومية لو الكاوتش غير سليم بيأثر بالسالب على المساعد ويقلل من كفاءته وهكذا فنصيحة لابد من تغييره ما دام عمل الكيلو متر الموصى به فى الكاتالوج .
مع الشكر
عاطف عامر