سبب اختفاء الكوبية !!!

[yoko]

يا باشا أنا بتكلم على لسان الراجل أنا اللي اعرفه ان موتـورها عادي زيه زي الفيرنا أنا قصدي انه كان بيقارنها بمواتير 1600 عادية وانتوا قارنتوها بمواتير تربو :b4_048: فطبيعي ان التربو يكسب

الناس كتبت المواتير ال1600 وبعض المواتير ال1400 وكمان مش عجبه وبيقول إنه أقوى من التربو خلاص براحته
وفيه ناس كانت ومازالت مصرة إن الفرنا أسرع من اللينيا وكل واحد مقتنع برأيه

[ahmad--ezzat]

والله انا رايى ان العربيه دى يوزلس وملهاش لازمه

[Mohamed.Ramah]

يا جماعة ولا تديقو نفسكم أنا حبيت اساعد الرجل إلي إستفسر على العربية و عشان أريحكم أي إستفسار على الكوبيه أنا مش هرد عليه عشان لو كل واحد هيخش يقول حاجة و هو مجربش العربية أصلاً و دي عاده المصريين يبقة الموضوع بقة ملوش أي فيدة

انا بشكر حضرتك جداااا على الافادة والاسعار جزاك الله كل خير وربنا يباركلك فى عربيتك ومتزعلش من الاعضاء لانهم كانوا بيتناقشوا مش اكتر مع حضرتك وشكرا لحضرتك على التوضيح وياريت لو اعرف من حضرتك بعض اسعار قطع الغيار الخارجية وياريت لو حضرتك تتفضل بالمشاركة مرة تانية لافادتنا فى الموضوع وشكرا

[adham_ibrahim]

الفتاين بيشجعو و احنا معاهم :)
يا ريت الناس الي بتفتي و بتتكلم علي الكوبية تتعب نفسها شوية و تدخل علي تقيم العربية عند الناس في اوروبا الي بتفهم و بعدبين كوبية اية الي موتور الفيرنا !!! ارحمنا يا رب


يرجى استخدام اسلوب أرقى وعدم شخصنة الحوار

2/5/2010
7:00 pm

مشرف 12 ب

[yoko]

الفتاين بيشجعو و احنا معاهم :)
يا ريت الناس الي بتفتي و بتتكلم علي الكوبية تتعب نفسها شوية و تدخل علي تقيم العربية عند الناس في اوروبا الي بتفهم و بعدبين كوبية اية الي موتور الفيرنا !!! ارحمنا يا رب

يا باشا الكوبيه الي بره ٢٠٠٠ سي سي الي في مصر غبور منزلها بال ١٦٠٠ بتاع الإلنترا زمان والفرنا حاليا
وشكرا على التريقة الي منغير لازمة

[M.almaghraby]

الفتاين بيشجعو و احنا معاهم :)
يا ريت الناس الي بتفتي و بتتكلم علي الكوبية تتعب نفسها شوية و تدخل علي تقيم العربية عند الناس في اوروبا الي بتفهم و بعدبين كوبية اية الي موتور الفيرنا !!! ارحمنا يا رب

ايه الاسلوب دا اصلا

خلاص لازم نقتنع ان الكوبيه دي مازيراتي يعني عشان ترتاح؟

[mohamed_mohsen]

يا باشا إزاي أقوي من أي موتور 1600!!!
العربيه 106 حصان بس دلوقتي الإلنترا 122 والسيراتو 124 يبقى إزاي أقوي موتور

بص يا يوكو....بالرغم من إن الهيونداي كوبيه 106 حصان بس,,,,,لكن تطلع منهم كلهم,,,,,و بجداره كمان و الكلام ده عن مشاهدة أكتر من مره

و شوية توضيحات علي الماشي:
موتور الكوبيه القديمه هو هو موتور الأكسنت القديمه (الفيرنا) هو هو موتور الإلنترا القديه هو هو موتور الماتريكس الشكل الجديد و القديم و هو موتور الهيونداي الAlfa
106 Hp, 143 NM

الكوبيه الجديده و الإلنترا الجديده 121 حصان و فيهم الموتور الGamma

أنا سوقت الكوبيه الشكل القديم بس كانت بالموتور الBeta II و كانت 2000 سي سي 138 حصان و كانت بتآكل الأرض أكل

الخلاصه كده
الكوبيه بالرغم من إن موتورها نفس موتور الالنترا و الفيرنا و الماتريكس,,,,,لكن تسارع كل دول لا يُقارن بالكوبيه

[yoko]

مش للدرجة دي يا باشا والباشا بيقول أسرع من كل ال١٦٠٠ فهل معقول تبقى أسرع من السيراتو الكوبيه !!!!!!!!!!
ده ميمنعش إني قطعتها باللينيا لكن أنا شايف إن الكوبيه عموما ميتركبش أقل من ٢٠٠٠ سي سي زي الي ركبتها

[mohamed_mohsen]

مش للدرجة دي يا باشا والباشا بيقول أسرع من كل ال١٦٠٠ فهل معقول تبقى أسرع من السيراتو الكوبيه !!!!!!!!!!
ده ميمنعش إني قطعتها باللينيا لكن أنا شايف إن الكوبيه عموما ميتركبش أقل من ٢٠٠٠ سي سي زي الي ركبتها

أسرع من السيراتو كوبيه,,,,,و مستعد أطلع منها بالفيرنا بسهوله (من السيراتو),,,و الالنترا بتطلع منها بسهوله جداً,,,و اللانسر الخليجي ال1600 أوتوماتيك ال122 حصان بتطلع منها برضه,,,و كل دول عن تجربه


بص أنا مابقولش إن الكوبيه طياره و الباقيين أي كلام,,,,و لا إنها أسرع عربيه 1600 ,,,بس بقر بحقيقه إن تسارعها ممتاز جداً بالرغم من موتورها اللي بعتبره ضعيف نسبياً

و ياريت تتقبلوا تحياتي و ماحدش يزعل من حد

[yoko]

شكرا يا باشا بس أنا جريت مع السيراتو قبل كده وهو طلع مني بالعافيه بعد ال١٨٠ وهو كان فاضي ومش مشغل التكيف لكن أنا كنا ٥ أنا أرفعهم ومعظمهم معدي ال٩٠ كجم ومشغل التكيف وشايل ٣٠٠ كجم رز في شنطة العربيه!!!
وأنا مقلتش الكوبيه وحشه بس أدائها مش رياضي للدرجه دي!!

[adham_ibrahim]

واللة انا معاية العربية بقلها 3 سنين و كل يوم بقايل ناس برضو فكرين انهم هيطلعو مني عشان الكلام الاي الناش حفظاة دة و يا سيدي لا مزاراتي ولا حاجة ال 128 برقبتها و بعدين انتو الي سخنتو اوي مش عارف لية علي الراجل و بعدين يا عم المهندس بتاع الهندسة اظن انك درست حاجة اسمها aerodynamics و اكيد برضة عارف ان العربية حتي لو 1600 و شكلاها سبور و مظبوت احتكاك الهواء معاها هيكون فية فرق كبير اوي و واضح

[yoko]

واللة انا معاية العربية بقلها 3 سنين و كل يوم بقايل ناس برضو فكرين انهم هيطلعو مني عشان الكلام الاي الناش حفظاة دة و يا سيدي لا مزاراتي ولا حاجة ال 128 برقبتها و بعدين انتو الي سخنتو اوي مش عارف لية علي الراجل و بعدين يا عم المهندس بتاع الهندسة اظن انك درست حاجة اسمها aerodynamics و اكيد برضة عارف ان العربية حتي لو 1600 و شكلاها سبور و مظبوت احتكاك الهواء معاها هيكون فية فرق كبير اوي و واضح

مع تحفظي الشديد على الكلمه
بس الفيصل النهائي في موضوع الإيرودينمكس الdrag coff. ولا أنا غلطان

[ahmad--ezzat]

شكرا يا باشا بس أنا جريت مع السيراتو قبل كده وهو طلع مني بالعافيه بعد ال١٨٠ وهو كان فاضي ومش مشغل التكيف لكن أنا كنا ٥ أنا أرفعهم ومعظمهم معدي ال٩٠ كجم ومشغل التكيف وشايل ٣٠٠ كجم رز في شنطة العربيه!!!
وأنا مقلتش الكوبيه وحشه بس أدائها مش رياضي للدرجه دي!!

دة باللينيا؟

[yoko]

أيوه يا باشا

[slim_shika]

سبب اختفاء الكوبي هو سعرها جديدة عالي جدا واعادة بيعها ضعيفة, + اسعار قطع غيارها غالية , في حاجات فعلا ممكن توصل لل bmw في الاسعار.

ده من كلام واحد صاحبي معاه العربية من 2006 وعايز يبيعها.