عملت صيانة ال 30000 للنيو النترا ف ابو غالى العبور

[victornabil]

انا عملت امبارح صيانة ال 30000 لعربيتى النيو النترا فى ابو غالى العبور و اليكم التفاصيل
1- كنت هناك الساعه 8.30 تقريبا و ماكنش فى عربيات كتير
2- قابلنى المهندس احمد عاطف و هو شاب هادى جدا و محترم اصل المهندس حاتم راحت عليه نومه وجه متاخر بس جه الساعه 10 تقريبا و كان فى منتهى الزوق و الادب
3- تم عمل الاتى فى العربيه
* تم نفخ فلتر الهوا عشان انا كنت مغيره من 5000 كيلو
* تم الكشف على مياة الراديراتير و كانت كويسه و مياه المساحات
* تم الكشف على التيل الامامى و كان كويس يكمل معايا كمان 10000 كيلو يعنى هغيره عند 40000
* تم رجلشة التيل الخلفى عشان فرامل اليد كانت خفيفه شويه
* تم تربيط العفشة
* تم تغيير البوجيهات
* تم نفخ فلتر التكييف وده كان مليان بلاوى
* تم تشحيم الكاوتشات اسفل العربيه باسبراى مخصوص
* تم تظبيط ضغط الطارات
* تم الكشف على زيت الفتيس الاو توماتك و كان كويس بس قالولى انه بيتغير عند 40000
* تم تغيير الزيت و الفلتر بس انا طلعت ناصح و اشتريت من برا زيت شل هيلكس 10000 عشان هما معندهمش غير زيت توتال
* تم تظبيط الدريكسيون على الكمبيوتر عملو حاجه اسمها calebration عشان كان فيه حدفه بسيطه يمين بس الحدفه لسه موجوده
* تم غسل الموتور بفوم مخصوص
* تم غسل العربيه من الخارج و غسل الدواسات
انا صورت كل الحاجات دى و هنزلهالكم بس عايز الاول اعمل resize للصور عشان حجمها كبير بس اول ماهفضى هنزلهم على طول
* نيجى بقه للى دفعته دفعت 345 جنيه منهم 45 جنيه بوجيهات و 18 جنيه فلتر زيت و 30 جنيه شحم اسبراى و 30 جنيه فوم للموتور و الباقى مصنعيه و متنسوش انى جبت الزيت من برا ب 235 جنيه يعن كله 580 جنيه
فى النهايه احب اشكر فى ابو غالى العبور المهندس حاتم و كل العمال ماعدا الواد بتاع الامن اللى قاعد على البوابه الرئيسيه اللى بتدخل منها على الريسبشن واد قليل الزوق و مبيعرفش يتعامل مع الناس عشان اول موصلت كان بيتكلم بغلاسه و قالى سيب العربيه برا و هما هيدخلوها بس بطريقه زباله و هكملكو بكره عشان عندى شغل

[د.محمود صلاح]

مبروك وشكرا للتفاصيل ,,, اكيد كل مكان وفيه سلبياته بس في المجمل العام الصيانة مرضية

[hdabawy]

عقبال الـ 300000 ان شاء الله

[eino666]

تجربة تستحق الاشادة
فيه ناس محترمة بتجبرك انك تبقى متشوق لميعاد الصيانة وفيه ناس تخليك تكره اليوم اللى اشتريت فيه عربية تبع توكيله زى غبور باشا وانا واحد من الناس بتعامل مع مركز صيانة فى اسكندرية عندنا من الصنف الاولانى
............................
محمود عينو

[saber2010]

تجربة تستحق الاشادة
فيه ناس محترمة بتجبرك انك تبقى متشوق لميعاد الصيانة وفيه ناس تخليك تكره اليوم اللى اشتريت فيه عربية تبع توكيله زى غبور باشا وانا واحد من الناس بتعامل مع مركز صيانة فى اسكندرية عندنا من الصنف الاولانى
............................
محمود عينو

ممكن تقولى على مركز الصيانة دة يا نجم

[victornabil]

معلش انا اتاخرت عليكم فى الصور

يس هنزلكو الصور تباعا كل 5 مع بعض

الصور المصغرة للصور المرفقة

[victornabil]

و ادى تانى مجموعة صور
الصور المصغرة للصور المرفقة

[victornabil]

وادى تالت مجموعه
الصور المصغرة للصور المرفقة

[victornabil]

و ادى اخر مجموعه و اتمنى ان الصور بالتقرير ينال اعجابكم
الصور المصغرة للصور المرفقة

[ahmedabutaleb]

الف مبرووك ياباشا
بس مفيش صور

[victornabil]

لا ازاى الصور موجوده وانا شايفها قدامى ممكن تعمل refresh و هيا تظهر عندك

[smottalib]

ممكن سؤال...
هو الصيانة هناك بحجزالمواعيد ولا الواحد يروح بدري وخلاص؟ واذا كان فيه حجز، ممكن رقم التليفون؟

[victornabil]

يفضل انك تحجز الاول و النمره 16523 او 26576610 او 26576598

[smottalib]

شكرا علي الرد. سؤال ثاني من فضلك....واضح من التقرير انك كنت متابع الصيانة خطوة بخطوة......هل ده مسموح به حسب رغبة العميل ولا كان استثناء؟