عيوب ماتركس

[hegazy]

يا جماعة اي سيارة زي ما لها مزايا اكيد ليها عيوب
وزي ما في ناس بتشتري في ناس بتبيع
انا ناوي اشتري الاسبوع الجاي ان شاء الله
ممكن اسمع نصائح الناس الي بتبيع ماتركس؟ فيها عيوب اية؟

[الريس]

لا يوجد عيب يخليك تبيع الماتريكس بمعنى حاجة تزهقك منها
اعتقد اللي بيبيع ممكن يكون بيجيب حاجة اعلى
و برضو نسمع رأي الناس

[Hazem Salah]

الماتريكس صفقة ممتازة

[أبو عبدالله]

العيوب مش عيوب صناعيه
اي مش أخطاء في الصناعه ولكن اللي بيعيب الماتريكس .... الخامات اللي متصنع منها العربيه من الداخل بصراحه خامات سيئه كتابلوه والفرش

[Hosam]

لم اسمع عن الماتريكس عيوب سوى انها واطية و بتحك فى المطبات الصناعية .. و الله اعلم.

[osman hisham]

العيوب على حسب تجربتى لها :
1- فعلا واطيه و بتحك فى المطبات
2-فعلا برضه التابلوه ذو خامات بلاستيكيه سيئه و أن كان التابلوه منظم و مبتكر
3-العاده أحسن بكتير من الأوتوماتيك تحس أن الموتور ضعيف على الأتوماتيك بس برضه الموتور ناعم و سريع
4- قعدة الكرسى متعبه شويه علشان عالى

بس العربيه عموما جميله و شكل جديد و شوف اللينك ده .

http://www.whatcar.com/car-review-summary.aspx?NEW_USED=1&MA_TYPE=1&MA=13&RT=357&Submit1=GO

[Mohsens]

أنا أول مرة أجرب الكنبة الخلفية في الماتريكس امبارح....

بصراحة الجلوس فيها متعب جداً لأن الضهر واقف قوي....حد تاني لاحظ الموضوع ده :?:

[Hosam]

فى الحقيقة انا ركبت ورا محسيتش بمشاكل بالعكس الصالون ورا كويس وواسع نوعا ما

[Mohsens]

هوه طبعاً واسع جداً بس المشكلة زي ما أنا قلت في الضهر لأنه جاي 90 درجة شوية.

[الريس]

الماتريكس مش واطية
معايا 3 شهور مبتحكش في مطبات

الكنبة الخلقية ظهها بيتحرك للخلف و الامام
ممكن تظبطه على مزاجك

التابلوة خاماته مش احسن حاجة في الدنيا
بس صعب اقول عليه سيء

[PAYOO]

أنا أول مرة أجرب الكنبة الخلفية في الماتريكس امبارح....

بصراحة الجلوس فيها متعب جداً لأن الضهر واقف قوي....حد تاني لاحظ الموضوع ده :?:

ههههههههههههههه هاااااااااااااااااااا
بجد موتني من الضحك يا باشمهندس محسن

يا راجل دي الماتريكس أكتر حاجه بتميزها إن الكنبه إللي ورا بتتعامل وكأنها الكرسي الأمامي
اولا مقسومه إلى تلت وتلتين كل تلت تقدر تنيم الظهر بتاعه على حدى لدرجة تصل إلى 40تقريبا وتقدر كمان تجرها للامام والخلف شوفت بقى حاجه أحسن من كده
أنا فاكر إن حد ركب معايا مره وتدايق قوي من إن الظهر بتاع الكنبه مايل لورا زياده عن اللزوم وكأن إللي راكب هاينام على ظهره
قلت له شد الشداد إللي فوق كتفك على طول ده وظبط الظهر زي ما تحب عاوزه واقف مايل نايم زي ما أنت عاوز

ده غير أنك ممكن تنيم جزء منها أو كلها للأمام عشان تبقى تحول العربيه إلى نصف نقل

[Mohsens]

يا راجل دي الماتريكس أكتر حاجه بتميزها إن الكنبه إللي ورا بتتعامل وكأنها الكرسي الأمامي
اولا مقسومه إلى تلت وتلتين كل تلت تقدر تنيم الظهر بتاعه على حدى لدرجة تصل إلى 40تقريبا وتقدر كمان تجرها للامام والخلف شوفت بقى حاجه أحسن من كده

:shock: :shock:

سبحان الله....جديدة دى......أنا كنت فاكر الموضوع ده في الSUV والVan فقط......

شكراً يا ريس و يا بايوو علي التوضيح.

[الريس]

العفو
اي خدمة

[hegazy]

انا الحمد لله اشتريت ماتركس من ايام.. لاكن لو حد كان كلمني عن الوكيل قبل ما اشتري كنت عمري ما فكرت في الهونداي في مصر ابدا. لاكن للأسف محدش نصحني لحد ما جربت.

[PAYOO]

انا الحمد لله اشتريت ماتركس من ايام.. لاكن لو حد كان كلمني عن الوكيل قبل ما اشتري كنت عمري ما فكرت في الهونداي في مصر ابدا. لاكن للأسف محدش نصحني لحد ما جربت.

ياريت حضرتك تكلمنا عن إللي ضايقك في التوكيل عشان نتناقش معا وممكن نوصل لحل في أي مشكله مع بعض