اكسنت 2008

[chicobon]

السلام عليكم يا اخواتي
معروض علية عربية نيو اكسنت موديل 2008 مانيوال العداد عامل حوالي 39 الف كيلو
صاحبها طالب فيها 65 الف جنيه هل التمن ده كويس و ايه اهم حاجة ابص عليها وانا بتفرج عليها الي مقلقني انه مش صاحبها معاه توكيل مش عارف اتوكل علي الله ولا اجيب بيانتو زيرو احسن انا اول مرة ابص علي مستعمل يمكن عشان كده قلقان مش عارف الي يفهم فيها ياريت يقولي اعمل ايه هل العربية موفرة للبنزين ولا ايه و ده اهم حاجة بلنسبالي ياريت حد يقدر ينصحني

[chicobon]

محدش تجاوب معي ليه ؟

[yaskhl]

زود 7 الاف جنية وهاتها زيرو 2010 وعلى فكرة انت كده كده هاتدفع فى المستعملة رسوم تسجيل 2000 جنية تقريبا يبقى انه الاحسن

[حماده المصري]

معاه توكيل يبقى هو تاجر ولو مانيوال تبقى غاليه

وبامانه انا كان معايا نيو اكسنت مش عربيه حلوه قوي

حاول تشوف النترا الشيب القديم انا اساسا بعت النيو اكسنت واشتريت وحده العربيه دي بسم الله ماشاء الله انضف هيونداي نزلت فعلا

[chicobon]

شكرا لردكم يعني انتم شيفين ان 65 الف ده كتير بلنسبة للعربية المانيوال ؟

[chicobon]

زود 7 الاف جنية وهاتها زيرو 2010 وعلى فكرة انت كده كده هاتدفع فى المستعملة رسوم تسجيل 2000 جنية تقريبا يبقى انه الاحسن

ايوة بس الزيرو بي حوالي 78 الف مش 73 لو تعرف مكان بيبع بلسعر ده ياريت تقولي عليها

[ابو فرح]

توكل على الله واكشف عليها فى مكانكويس وحاول تهبط سعرها ل62-63 وربنا يوفقك
ثانيا رسوم تسجيلها 1400 مش 2000

[alreezali]

لو العربية جميلة يبئا سعرها كويس مقارنة بسعر السوق ،،،اكشف عليها الاول و حاول ترفعها و اهم حاجة انه ما فيش رشة و لو هي توكيل و فيها رخصة مدة كويسة مفيش لازمة تسجلها يبئا مش حتضيف عليها حاجه و حاول تنزل معاه السعر شوية و ربنا يوفقك

[alreezali]

و هو معاه توكيل خلاص يبئا يعملك توكيل بيع للنفس و للغير و توكيل الغير تبئا العربية بتاعتك قانونيا

[saber2010]

لو العربية فبريكة مش رشة ولا فيها حاجة يبقى السعر معقول حاول بس معاه فى الفين كمان تبقى تمام اوى
والعربية دى احسن من البيكانتو طبعا بكتير 40.000 مش كتير
بالنسبة للبنزين هى بتعمل 10 كم للتر بالتكييف جوة البلد لو دة مناسب ليك تبقى موفرة
ومفيش داعى تسجل علطول مادام الرخصة شغالة استفيد بالمدة الباقية
فى الاخر انصحك بالعربية جدا بجد متعة القيادة