تقيم نيو اكسنت 2010 عند ال 5000 كيلو

[meshmesh_egypt]

السلام عليكم
بعد تقيمى للنيو اكسنت اقدر اقولكم العيوب والمميزات
المميزات
1- موتور قوى جدا فى السحب وتجميعه عالى جدا حتى بعد ال 120 علفكره انا جبت بيها 200 والعربيه كانت عايزه اكتر بس قللت السرعه عشان الطريق بدأ يبقى وحش
2- التقفيل جيد جدا يعنى مفيش لا تزيق ولا تخبيط زى الافيو بالرغم انى خبطتها مرتين
3 - الثبات كويس جدا لحد 150 فى الغرز
4- التكيف جيد جدا ولا يؤثر بشكل كبير على السحب
5- استهلاك البنزين لحد ال سرعه ال 100 وبالتكيف كمان ال 10 لتر بتعمل 120كيلو طبعا بعد ال 100 بتاكل بنزين
6 - طقم الكاسيت والسماعات صوته نقى جدا جدا
7 - نظم العزل ممتاز يعنى تقفل الزجاج متسمعش اى حاجه بره وحتى صوت الماتور وانت بره العربيه متسمعلوش صوت بعكس الكيا سيراتو الى صوت ماتورها عالى

العيوب
هو عيب واحد فقط هو موضوع تنطيط العربيه فى مطبات الهواء ومفصلات الكبارى ولكن لا يؤثر على الثبات يعنى مش بتحدف وللتغلب على الموضوع ده هركب جنوط 15 وعرفت انها مش بتئثر على العفشه لانها فى كوريا بتتباع بجنوط 15 مش 14


اخيرا الحمد الله انا مستمتع بقيادة العربيه ديه وعاجبنى ان سحبها قوى جدا وتنافس اليابانى فى السحب وبعض الالمانى وبالاخص الاوبل

[HAANAA]

ربنا يديك خيرها ويكفيك شرها
ادعيلى انا هجيبها على شهر 7 ان شاء الله وياريت تطمنى على اسعار قطع الغيار

[M.Osman]

شكراً على التقييم يا باشا....
ربنا يبارك لك فيها :)

[meshmesh_egypt]

اسعار قطع غيارها الميكانيكيه معقوله انما الخارجيه كالفوانيس والاكصدامات وكده بعتبرها غاليه

[moussaa]

ربنا يحافظ عليك و عليها و يكفيك شرها بس عيزين نعرف اية اخبار علاقتك بالتوكيل في صيانة الاف و الخمس الاف

[ahmad--ezzat]

ايه علاقه الجنوط بالنتطيط؟

[saber2010]

انا بسجل اعتراضى على موضوع البنزين
10 لتر بالعافية تعمل 100 كم بالتكييف لغاية 100كم بعد ال 100 غول بنزين

[حماده المصري]

هي فعلا النيو اكسنت في البنزين جوه البلد لو مانيوال بتاكل بنزين سنه بسيطه

على الطريق السريع لو ماشي بسرعه خااارقه هتااكل جدا

لو ماشي معقول هتبدا توصل لارقام حلوه جدا

[hareka03]

السلام عليكم
بعد تقيمى للنيو اكسنت اقدر اقولكم العيوب والمميزات
المميزات
1- موتور قوى جدا فى السحب وتجميعه عالى جدا حتى بعد ال 120 علفكره انا جبت بيها 200 والعربيه كانت عايزه اكتر بس قللت السرعه عشان الطريق بدأ يبقى وحش
2- التقفيل جيد جدا يعنى مفيش لا تزيق ولا تخبيط زى الافيو بالرغم انى خبطتها مرتين
3 - الثبات كويس جدا لحد 150 فى الغرز
4- التكيف جيد جدا ولا يؤثر بشكل كبير على السحب
5- استهلاك البنزين لحد ال سرعه ال 100 وبالتكيف كمان ال 10 لتر بتعمل 120كيلو طبعا بعد ال 100 بتاكل بنزين
6 - طقم الكاسيت والسماعات صوته نقى جدا جدا
7 - نظم العزل ممتاز يعنى تقفل الزجاج متسمعش اى حاجه بره وحتى صوت الماتور وانت بره العربيه متسمعلوش صوت بعكس الكيا سيراتو الى صوت ماتورها عالى

العيوب
هو عيب واحد فقط هو موضوع تنطيط العربيه فى مطبات الهواء ومفصلات الكبارى ولكن لا يؤثر على الثبات يعنى مش بتحدف وللتغلب على الموضوع ده هركب جنوط 15 وعرفت انها مش بتئثر على العفشه لانها فى كوريا بتتباع بجنوط 15 مش 14


اخيرا الحمد الله انا مستمتع بقيادة العربيه ديه وعاجبنى ان سحبها قوى جدا وتنافس اليابانى فى السحب وبعض الالمانى وبالاخص الاوبل

أنا معايا أكسنت 2010 من ثلاثة أشهر و أتفق معاك على هذه الملاحظات بس أنا لغاية دلوقتي أقصى سرعه جبتها كانت 140 على الطريق الدائري وكنت حاسس إن العربيه كانت لسه عاوزه تجيب تاني.
بس بالنسبه للجنوط فعلى علمي انها لا تؤثر على تنطيط العربيه لان التنطيط ده راجع للمساعدين اللي بتنزل بيهم العربيه

[meshmesh_egypt]

والله يا جماعه بالنسبه للتوكيل هو توكيل سىء من حيث خدمة العملاء بس انا محصليش مشاكل عشان اعرف بيحلوها كويس ولا لأ
اما بالنسبه لموضوع التنطيط فعلا بيتحل بالجنوط وانا شوفتها بنفى مع واحد صاحبى معاه واحد وجنطها 15 وسوقتها ومبقتش بتنطط ولا حاجه

[hdabawy]

ربنا يباركلك فيها ويكفيك شرها
وعقبال الـ 500 الف

[ابو فرح]

ربنا يباركلك فيها ويكفيك شرها

[ahmedabutaleb]

ربنا يبارك لك فيها وهيا فعلا عربية ممتازة

[د.محمود صلاح]

تقييم جيد ربنا يحفظهالك

[sss2000]

تقييم جيد شكرا ياباشا وربنا يبارك لك فيها