صور النترا 2011 الكاملة - وداعا للسيراتو

[alivara]

يا نهار ابيض
ايه الجمال ده
لو اعرف كده كنت استنيت شوية و اشتريت الجديدة بس هي هتنزل هنا في مصر بالشكل ده ؟
سيراتو ايه بقى دي العربيات كلها هتستخبى من جمالها

[n8os]

سكووووووووووووووووووت هنصور

[Hosam_Optrawy]

أنا هغتالك لو ده حصل

ههههههههههههههههههه

مقدرش ابيعكم يا كبير

بس اديك شايف شكلها عامل ازاى

وموتور 140 حصان وفتيس 6 سرعات

ادعى بقى انها تنزل غاليه عشان اجيب السيراتو :):):)

[som3aa]

انتو ايه رأيكم؟

المشكلة ان تسعير العربية مش بمزاجه بمعنى ان اللانسر 1500cc و الاسم كمان (اسمها لانسر و الناس كانت بتشتريها علشان فى حدود 100-110 الف بالكتيير اوى و يابانى و فيها كل حاجو فمكانش لها منافس) فلما ولصت 148 طبعا محدش عبرها و راحوا لعربيات تانية فى نظرهم و فكرهم اعلى منها و خصوصا ان السيراتو لما نزلت قتلتها اكتر لانها بنفس الكماليات و موتور اقوى و فرق 30 الف جنيه (يعنى ارخص حوالى 20%) , انما دى لو نزلت بحاجات تبرر ارتفاع سعرها زى الموتور ال140 حصان و الفتيس ال6 نقلات هتتباع زى الرز (مع انه هيخسر الفئة اللى من 90-115) , الفكرة ان الناس مبتشتريش عربية مبالغ فى سعرها و طالما حسوا ان اللانسر مجرد تغيير شكل زودها 40 الف فبالتالى امتنعوا عنها , نفس الكلام بالنسبة للمازدا 3 الجديدة متباعتش اساسا.
انا فى رايى غبور هينزل فئة فاضية خالص (مش بعيد يشيل الدركسيون) فى حدود 105 و اللى بعدها 110 و انت طالع ياما مش هينزل الموتور الجديد انما لو نزل الموتور الجديد لازم غصب عنه العربية تغلى.

هو مش قالكم كل شيئ علي الطريق

هو قال كل شىء و لا أى شىء؟ الأوقع أى شىء لانه عنده عربيات و عنده صناديق زبالة و عنده تكاتك (اللى هى صناديق زبالة ) و اى حاجة مش بعيد تلاقى عجل غبور , اى شىء على الطريييق.

هيا جميلة بس لامتى حتفضل الموديلات الاقتصادية تترفع فى اسعارها لغاية ما تبقى بسعر الموديلات الفاخرة طيب والاقتصادى فين يخترعو موديلات جديدة ولا ايه

أنا مش عارف الصراحة , العربيات بتغلى بشكل مبالغ فيه جدا بمعنى اقل عربية اوتوماتيك مش صينى و لا مجمعة فى مصر و لا اقل من 1300cc بتعمل 84000 و دى الاكسنت , بعدين عربية دايو بتتباع ب 150 الف جنيه فيها موتور اوبترا!!!!!!!!!!!
فى رايى الشخصى الالنترا الجديدة بغض النظر عن سعرها هتبيع رز , لو نزلت غالية هتتحط مكان الفئة الأغلى من السيراتو بمعنى اقل شوية من الكورولا و السيفيك و فى رايى هتبيع و السيراتو هتبيع برده لان السيراتو شكلا تحفة و اسعرها حلوة جدا

[shiko85]

صور النترا الجديده

يا جدعان انا مش عارف انزل صور بس ياريت حد يدخل علي الينك دة و ينزل صور الالنتر 2011 و الاكسنت 2011 صور كتير جدا و واضحة . علي فكرة هيبقوا حلوين اووووويAll-New Hyundai Elantra / Avante Sedan Unveiled at Busan Motor Show - Carscoop

الصور من اللينك بتاع الأستاذ smax وانا بعد اذنه هرفع الصور هنا

[shiko85]

فيديو جامد جدا
YouTube - 2011 Hyundai Elantra Avante

[shiko85]

http://www.youtube.com/watch?v=tohBEeWv0io&feature=related

[smax]

شكرا استاذ shiko85 علي الموضوع. بجد العربية شكلها تحفة, يا ريت تنزل بسعر معقول.

[ahmadmidop]

جااااااااااااامدة

[shiko85]

شكرا استاذ shiko85 علي الموضوع. بجد العربية شكلها تحفة, يا ريت تنزل بسعر معقول.

تحفه فعلا, يا رب عمو غبور يجبها كامله من غير لعب و من غير ما يفضيها من كل حاجه دا لو جابها اصلا

[smax]

ياريت كمان حد ينزل صور الفيرنا الجديدة في اللينك دة, اصلي مش عارف انزل الصور

New Hyundai Accent (Verna): Mini-Me Sonata Debuts at Beijing Motor Show - Carscoop

[MohaMed_Refaat]

تحفة فعلا بس يا ترى حتنزل ولا زى هيونداي جينيس ...

[semsem_uno]

انا حاسس انها من ورا فانوس هوندا نيو سيتي ممطوط

[Hosam_Optrawy]

انا حاسس انها من ورا فانوس هوندا نيو سيتي ممطوط

فين دا

[M.Osman]

يا خوفي...

غبور ممكن يعمل اي حاجة عشان يخلي سعر العربية منافس... ربنا يستر ...
انا حاسس انها هتنزل بطارة شكل قديم ... و جنوط حديد و طاسات ...

و نروح احنا نجيبها خليجي بقى