صيانة ال1000 كيلو لنيو اكسنت _بقليوب

[Hamdy Masria]

الف مبروك يا باشا...وعقبال صيانة50000 .
بس هما عملوا لحضرتك عضة الفتيس اللى قولت عليها؟؟؟؟

ايوة اتعملت بس مراحتش خالص لأن واضح ان الفتيس نظامة كده بس فرق عن الأول بكتيررررررر

مبروك للصيانة هل موضوع البنزين اتحل و لا برده بيسحب بنزين جامد و العضة الي كنت بتشتكي منها الي حصل مستني رد حضرتك

البنزين لسة مقدرش احكم علية بالظبط لأنى بصراحة ساعات بلقيها مظبوطة وساعات بلقيها بتاكل بنزين ... بس الواضح والأكيد بيرجع لطريقة السواقة وكمان لسة العربية جديدة وفى ناس بتقول ان العربية لازم تعدى 5000 كيلوا وبعد كده نشوف نظامها اية عشان يكون الموتور اتظبط وعمل حاجة اسمها شربون ...

[ZIZO_ST]

ربنا يباركلك فيها يا باشا
وعقبال صيانة ال 100000 :d

[Ayman-Ahmed]

غسلوا الموتور بمية خفيفة جدا مع الهوا تنظيف مش اكتر ولو كنت طلبت الغسيل بالفوم كانوا غسلوة بس انا مطلبتش ...
تكلفة صيانة ال 5000 .. مش عارف بصراحة

المكان بالتفصيل .... طريق اسكندرية الزراعى ... وعندك طريقتين عشان توصل

اولا.. طريق الكورنيش تفضل ماشى فية لغاية ما توصل لشبرا الخيمة برضوا تفضل مكمل هتلاقى نفق اوعى تنزلوا خليك ماشى من فوق اول ما تقرب من المركز هتلاقى يفط واعلانات عن هيونداى هتفضل برضوا ماشى هتلاقى كوبرى قليوب هتضطر تطلعوة عشان مفيش لغاية دلوقتى فتحة شمال وبعد ما تخلصوة هتلاقى فتحة شمال عشان تلف وترجع تانى وبرضوا هتظر تطلع كوبرى قليوب فى طريق العودة تفضل ماشى لغاية ما توصل لى تانى كوبرى مشاة بعدية على طول هتلاقى دخلة يمين تدخلها فى اول شمال هتلاقى المركز على ايدك اليمين .

ثانيا.. الطريق الدائرى هتفضل ماشى علية لغاية ما تلاقى نزلة طريق اسكندرية الزراعى تنزلها بس المرة دى مش هتلاقى النفق هتكون عديتوة ... تفضل ماشى برضوا لغاية كوبرى قليوب ... وتتبع نفس الكلام السابق .

هو بس تعليق صغير وده اللى انا عملته بعد لف كتير
اول ما تنزل نزلة الدائرى امسك الشمال وخش نفق صغير وامسك اليمين وخليكوا علطول لحد ما توصل كوبرى قليوب.طلعته وبعد حوالى 8 كيلو لقيت اللفة طبعا من غير علامات ولا غيره خلى بالكوا اللفة على السريع.وبعدين تمشوا لحد الكوبرى تانى وتانى كوبرى مشاه او الكوبري اللي هتلاقوا بعديه الدائرى امامكوا بس خدوا بالكوا اوعوا تمشوا كتير بعد كوبرى المشاه لان اللفة التانية بعد الدائرى او من على الدائرى.المهم بقة ان الدخلة اليمين بعد الكوبرى علطول صغيرة جدا تكاد لا تلاحظ.ادخلوها وفى اول شمال هتلاقوا التوكيل بعد 500 متر على الشمال.