ازاي اعرف ان العربية الفيرنا دي 1600 مش 1500

[aymanassem]

السلام عليكم ورحمة الله
بصفتي موسوس دايماً .. و إن شاء الله انا على وشك استلام العربية الفيرنا ال 1600 الكاملة .. عايز اعرف و اتأكد انها 1600 .. اعرفها ازاي ؟؟ و يا ترى ايه اللي لازم اخد بالي منه وانا باستلم العربية .. وجزاكم الله خيراً..

[Nile_Storm]

اولا مبروك مقدما انا لسه مستلم النهارده :) عقبالك
ثانيا مفيش 1500 مصري الان
ثالثا محرك ال 1600 dohc افتح الكبوت تلاقيه مكتوب عليه
رابعا المرور بيرخصالك ا1600 هتكدب الحكومه :)
تاخد بالك من الاتي
الاستبن
الكوريك
ضمان السياره و البطاريه و الكاسيت
جراب وش الكاسيت
العده
مفيش خدوش في البدي
عداد المسافات و السرعه شغال
مش ماشيه اكتر من 100 كيلو كانت عندي 55 كيلو :)

[Nile_Storm]

اي سؤال تاني انا سهران تحت امرك

[aymanassem]

جزاك الله خيراً و الف الف مبروك .. اوعى تكون بتكتب من البكونة ولا حاجة .. ولا تكون قاعد انت واللاب توب في العربية :) .الجو برد يا عم . الف مبروك تاني و ربنا ينفعك بيها .. بس ما قولتش لونها ايه ؟؟؟

[Nile_Storm]

فيراني
بص الفيراني و النبيتي تحفه عليها انت حجزت لون ايه
لا قاعد تحت البطانيه و متدفي و ناوي اسهر

[aymanassem]

انا حاجز .. الاولوية الاولى نبيتي .. و الثانية الفيراني ..:) بصرة

[Nile_Storm]

هههههههههههههههههههه

ربنا يسهلك الامور و تيجي بسرعه و نبقي نعرفهم علي بعض :)

[aymanassem]

على فكرة كمان .. انا دلوقتي .. على وشك بيع عربيتي الفيورا .. يعني بصرة تانية ..بس ايه اخبار الترخيص .. عملت ايه و اليوم بيمشي ازاي ؟؟

[Nile_Storm]

ايه ياعم لاطلع بكلم نفسي في الاخر ههههههههههههه

لاجابه الشؤال ده يستدعي اني اسالك انت جايبها قسط و لا كاش

[aymanassem]

قسط طبعاً .. هو احنا بتوع كاش برضة

[Nile_Storm]

طب اشطه
يعني غبور هيبعط معاك واحد يرخص
و دي مصلحه جدا
هيخلصلك ورقك بسهوله هوا
مخدناش ساعه زمن

بالنسبه لليوم
بتروح هناك معاك جواب البنك للمرور و بوليصه التامين و ايصال سداد قيمه التامين
و بس هياخدك يرخصلك و مبروك انشاء الله