سبب ارتفاع سعر جتز

[ABDULLAH AHMED]

ايه ياعم في ايه اهدي عليا مش كده انت مش ها تديني درس
لو كنت قريت مشاركتي كويس واخدت بالك فبل ماتسخن وتخش شمال قوي كده كنت اخدت بالك اني قلت ان الموضوع اذواق ورغبات
انا شايف انه حرام ايوه ادفع مبلغ زي ده في عربيه صغيره
انت العربيه عجباك با لهنا والشفا
انا ماقاتش لحد اشتريها او ما تشتريهاش
اللي مقتنع بيها خلاص هو حر
وبعدين حرام ايه اللي كانا عارفينه هو انا با اقولك افعل منكر
يا ريت يبقي اسلوبك اهدي من كده شويه اظن ان كلامي كله كان عن وجهه نظري وما طلبتش ان حد يا خد بيها اولا
انامقتنع بشيء خلاص انت مفتنع بشيء خلاص

لا شمال ولا يمين ولا حاديك درس ولا حاجة
والله قريتها مشاركة مشاركة ولو ما قريتهاش ما كنتش شفت مشاركتي السابقة
الله عليك اذواق ورغبات كده صح اما حرام فانت كده بتعيد الكلام تاني
مش انت اللي اتقول حرام ادفع فلوس في العربية دي ( ولو كده انا حابقى اول واحد يقول حرام ادفع جنيه واحد في عربية صيني (اسبرانزا) بس انا اقول اكيد هوا شاف ان العربية دي مناسبة ليه كسعر واستخدام وشكل )
وبالنسبة ان ده رايك ومش طالب من حد ان ياخد فيه او لا فانا بقولك انك غلطان واحد لو معانا في المنتدى او اي مكان وعاوز يشتري اي عربية وشاف المواضيع عن العربية دي وشاف رايك اكيد حيتاثر فيه ولو حتى بنسبة 1% فلو انت مش فارقة معاك والمهم ده رايك فاحسن انك تحتفظ في الرد عشان كده وكده مش فارقة معاك
وبالنسبة لاسلوبي فصدقني مش حتلاقي حد زي يناقشك بطريقة عقلانية وبهداوة زي كده

[ABDULLAH AHMED]

بصراحة الاكسنت
افضل كتير شكل خارجى وداخلى خامات داخلية وموتور وألوان جميلة وحجمها مناسب مش كبير أوى عن الهاتشباك لالا الفارق شاسع

الاكسنت ليها ناسها لو انت عندك عيلة صغيرة والشنطة مهمة ليك يبقى الاكسنت الاختيار الافضل ليك
ولو انت شاب لوحدك او في بداية حياتك وعاوز عربية صغيرة و الشنطة مش مهمة ليك يبقى الجيتز كاختيار افضل
ورايك يحترم يا باشا

[hugan]

افهمك ازاي انا انا انا حرام عليا لما ادفع المبلغ ده في الجيتز

انت انت انت حر عاوز تدفعه براحتك

[ABDULLAH AHMED]

هههههههههههههههههه حرام في الجيتز وحلال في الاسبرانزا 516 .....
ربنا يهديك ويهدينا

[hugan]

هههههههههههههههههه حرام في الجيتز وحلال في الاسبرانزا 516 .....
ربنا يهديك ويهدينا

انت متابعني بقي وعارف انا راكب ايه
ايه ياعم انت بتجر شكل ولا ايه
علي العموم التعليق الاخير في الموضوع ده الاسبرانزا عن تجربتي عربيه ممتازه وكفاءه بغض النظر عن انها صيني والكلام ده كله
عربيه ممتازه جميع الكماليات +الحجم الكبير وسع داخلي شاسع بالاجماع عائليه ثبات ممتاز بفضل وزنها عفشه لانسر امامي فوتو كوبي
متانه البودي الخارجي باجماع
انا مازالت معايا الشاهين لكن في رائي الاسبرانزا افضل افضل
انا شايف ان سعرها ممتاز صفقه رابحه دي وجهه نظري ومش با فرضها علي احد ومقتنع بيها

[ABDULLAH AHMED]

انت متابعني بقي وعارف انا راكب ايه
ايه ياعم انت بتجر شكل ولا ايه
علي العموم التعليق الاخير في الموضوع ده الاسبرانزا عن تجربتي عربيه ممتازه وكفاءه بغض النظر عن انها صيني والكلام ده كله
عربيه ممتازه جميع الكماليات +الحجم الكبير وسع داخلي شاسع بالاجماع عائليه ثبات ممتاز بفضل وزنها عفشه لانسر امامي فوتو كوبي
متانه البودي الخارجي باجماع
انا مازالت معايا الشاهين لكن في رائي الاسبرانزا افضل افضل
انا شايف ان سعرها ممتاز صفقه رابحه دي وجهه نظري ومش با فرضها علي احد ومقتنع بيها

. طبعا منا لازم اعرف اللي بيقولي حرام ادفع 80000الف بجيتز او 90000 بسيريون راكب إيه وبالنسبة لموضوعنا أنا مش حتكلم فيه عشان اولا لو قعدنا من هنا لبكرة بنتكلم مش حنخلص وتاني حاجة عشان أنا داخل أنام وبالنسب. لعربيتك ربنا يكرمك فيها ويبعد عنك شرها مع انك حتلاقي نص الناس او اكتر معارضة الصيني وانا منهم بس اصحاب العربيات الصيني أكيد شافوا العربية صفقة رابحة ومناسبة ليهم فربنا يبارك لكم بعربياتكم والعربيات كلها خير وبركة مش هيا بتقضي الغرض المطلوب منها ومش تعباك وبتلاقيها في اوقات تسوي مليون جنيه. علي العموم أنا مش عاوزك تزعل مني وتصبح علي خيييييييييييييير

[w_abedelhakim]

الجيتز عربية جميلة ومحترمة وروشة
عربية كوري 100 %
سحبها اكتر من ممتاز ( اتوماتيك ) ودي كانت اكبر ميزة لانهم قولوا السحب في الكوري وحش وانا كان معاي ياباني
بس بصراحة سحبها عشرة علي عشرة
في مصر الهاتشباك عموما اغلي من السيدان علي فكرة
زي التيدا وزي افيو
انا مش محتاجة الشنطة بس محتاجة عربية صغيرة ركنتها سهلة في اي مكان سريعة سحبها حلو تكييفيها ثلاجة وبالنسبة لي شكلها جميل
ودي كانت كل احتياجاتي وهي عاملتها واكتر
بالنسبة للسعر ايه الرخيص في بلدك علشان نقول ديه غاليه
البيكانتو اتوماتيك ب 70000 ج و 1100 سي سي وصالونها ضيق جدا من ورا ولو شغلت تكييف يبقي مش هتعرف تمشي
والسبارك بقه نفس الشئ بس صالونها ضيق من ورا وادام صعبة
الجيتز صالونها حلو جدا قاعد براحتك جدا ورا وقدام
بالنسبة للاكسنت هي فارقة 2000 ج للشنطة بين الاتوماتيك ومفيش اي فرق تاني في الماتور او العفشة الشكل الخارجي طبعا اذواق انا بالنسبة ليا الجيتز احلي والشنطة مش محتاجها

للاكسنت انا شوفت اعضاء كتير بيشتكوا منها في قسم الهيونداي في حين مسمعتش شكوي من الجيتز

المتريكس تقفيل هندي وعربية عائلية اكتر كبيرة وضخمة صعب تجري بيها سحبها لايقارن بالجيتز
وفي الاوماتيك هي ب 94000 ج يعني اغلي منها 14000 ج

انا لما اجي اقارن لاما كله مانوال لو كنت هركب مانوال
او كله اتوماتيك لو انا هسوق اوتوماتيك
ولو فول اوبشن يبقي في كله
بلاش ناخد اعلي سعر في الجيتز وبفتحة سقف ونقارن ب اوتوماتيك بدون في الاكسنت و مانوال في الماتركس كده مقارنة مش عادلة

[magdytamer]

يا أستاذ mr abood & hugan فى قاعدة فى علم الاقتصاد بتقول ( لولا تضارب الاذواق لبارت السلع) و الناس اذواق على العموم أنا معايا اكسنت

[orangemerc]

الهيونداي جيتز ممكن تكون هندي أو كوري أو مصري !!!!!! و ده على حسب موقع ويكيبيديا Hyundai Click - Wikipedia, the free encyclopedia

[lily_graphics]

محدش يعرف ايه اخبار i30

[lily_graphics]

ارجوكم محتاجه رد سريع النى بفكر اشتريها

[n_i_t_e]

بصراحة الاكسنت
افضل كتير شكل خارجى وداخلى خامات داخلية وموتور وألوان جميلة وحجمها مناسب مش كبير أوى عن الهاتشباك لالا الفارق شاسع

حضرتك متأكد؟ أصلى محتار بين الجيتز و الأكسنت. الجيتز ميال ليها سنة و أسهل فى الركنة و الأكسنت فيها ميزة الأنتشار الأقوي و الشنطة.
الحق أنا مش محتاج شنطة أغلب مشاويري هتبقى وسط البلد مش سفر بس بقول مش هنخسر حاجة خصوصا انهم نفس السعر و يمكن تحصل ظروف أحتاج شنطة.
أنا مبفهمش أوي فى موضوع الخامات الداخلية و ركبت الاتنين فى المعرض مميزتش الموضوع ده. عشان كده سألت...هى فعلا أنضف كخامات داخلية بحيث تبقى نقطة لصالح الأكسنت؟ :)

[johnnaguib]

حضرتك متأكد؟ أصلى محتار بين الجيتز و الأكسنت. الجيتز ميال ليها سنة و أسهل فى الركنة و الأكسنت فيها ميزة الأنتشار الأقوي و الشنطة.
الحق أنا مش محتاج شنطة أغلب مشاويري هتبقى وسط البلد مش سفر بس بقول مش هنخسر حاجة خصوصا انهم نفس السعر و يمكن تحصل ظروف أحتاج شنطة.
أنا مبفهمش أوي فى موضوع الخامات الداخلية و ركبت الاتنين فى المعرض مميزتش الموضوع ده. عشان كده سألت...هى فعلا أنضف كخامات داخلية بحيث تبقى نقطة لصالح الأكسنت؟ :)

الاثنين عربيات كويسة جداااا
بس الاكسنت ماتورها 112 حصان و تقنية الماتور cvvt و الجيتز 106 حصان
بس انا من راى الاكسنت احسن و كلها ازواق

[meshmesh_egypt]

طبعا الاكسنت افضل وسحبها اقوى من الجيتز واوسع وسعرها على قد امكانيتها انما الجيتز سعرها مبالغ فيه وامكانيتها لا تستاهل سعرها

[shouk_1987]

أنا سوقت الجيتز و الأكسنت
الجيتز بتاعة زوجة أخى, من الآخر عربية مفترية (الأوتوماتيك ما بالك من المانوال) و الخامات الداخلية محترمة جدا بصراحة من تابلوه و فرش وخلافه و هى زى ما الأعضاء قالوا حسب استخداماتك .

الأكسنت بتاعة صاحبى ماعجبتنيش قوى حسيت إنها فقيرة على سعرها بس هى برده صفقة رابحة عربية بلد و تسافر و بشنطة و الماتور مش سافل قوى ياعنى و سيبكوا من الأرقام لأن الجيتز المية و كام حصان ديه تدلع أى عربية 1600 داخل المدينة
والسلام عليكم