عايز نيو اكسنت 2010

[elassar2010]

بجد بجدمش عارف اقولك ايه انت لا تطاق ايه اللي بتعمله ده قوللي انهي توكيل فيكي يا مصر اللي هيغير عربيه عامله 1000 كيلو بواحده زيرو علشان طقم دبرياج ثانيا (العقد شريعه التعاقدين) افرا كتاب الضمان اللي معاك اللي بيقول ان الضمان ب\ملزم بتغيييير اع قطعه غيار و ليس استبدال السياره و ما فعله التوكيل معاك عمل معاك كل احترررام و غير لك القطعه في نفس اليوم (لاحظ ما ذكرته من مجهود و وقت و كم قطعه غيار قلتها علشان نوصل لطقم الدبرياج)و صلت لاعلي المستويات و كلهم و عدوك بحل المشكله و قد كان و بعدين يا محترم تويوتا اللي ساعدتك بتقول عليها صلحت العيب و لم تبدل السيارات اذا كنت هتعمل برنامج تاكد انهم هيدينوك انت و هيشيدوا بالتوكيل ولا حتي قضيه اخيررر ا الاكسنت اللي بتجيب طقم دبرياج يقدر اعضاء المنتدي يردوا عليك فيها و صح الانترا بتجيب علبه بدليل مبيعاتها الرهيبه علي فكره انا وا حد من جوه المكان بس اعرررف ايه و جه التقصيررر اللي قصر فيه المكان لحل مشكلتك و للاعضاء المنتدي رايهم المحترم و سلملي علي حمايه المستهلك اللي لو التوكيل تنصل من المشكله و العكس هو الصحيح كان هيلزمه بتغيير طقم الدبرياج و ليسس استبدال السياره و اخيرر لمل انت تعررف ميكانيكي من جوه ماكلمتوش ليه من الاول و اساسااا القصه كلها انا عارفها من م.وجدي اتقي الله

ده رد احد المسؤلين فى التوكيل واسمه المهندس هانى ورقم مشاركته 88 فى موضوع حكايتى مع النيو اكسنت
............................
محمود عينو

+99999999

[eino666]

اولا مفيش اى توكيل عربيات فى العالم تبعت للشركة الأم و ترد عليك , اولهم bmw و مرسيدس و فولكس , شوف كيا برده عملت كدا , الكل التوكيلات من الاخر , امال هما ليهم وكيل ليه؟ وكيل يعنى حد بيمثل الشركة الأم فى مصر و هما بيبصوا على أرقام المبيعات و حاجات تانية لو كانت كويسة يبقى شكاوى فردية و التوكيل شغال كويس , اول ما تبعت لتوكيل بره بيحول على مصر علطول و جربها فى اى شركة .
بعدين حضرتك دى عربيات مش لبس فى منه فرز اول و تانى و تاسع , انا فى رايى الكلام دا كلام فارغ مطلعه المصريين , يعنى ايه وكيل يطلب عربيات معيوبة ؟؟ مهى لو فى عيب فى حاجة كدا كدا الشركة الأم هتصلحه سواء فى مصر او فى كوريا على حسابها لان العربية بيبقى عليها ضمان, الناس حاسة ان فى فرق بين الخليجى و الوكيل و فى رايى دا كلام مش صح , اولا الخليجى بيبيع فى هيونداى بالذات قليل جدااا علشان يظهر فيه عيوب , ثانية بيبيع فى فئات اعلى يعنى مفيش اكسنت خليجى و كل ما تمن العربية بيزيد فرصة ان يظهر فيها عيوب بتقل , المشكلتين اللى ظهروا دول عادى جدا يظهروا فى عربية بتتباع بالعدد اللى بتتباع بيه الاكسنت , انما لو لقيت 3-4 داخلين يقولوا عندهم نفس العيب يبقى فعلا دا عيب فى العربية , زى الكروز فى 2 هنا بيقولوا انها بتبطل منهم و هى ماشية (و مبيعاتها قليلة جدا) معنى كدا ان دا فعلا ممكن يكون عيب منتشر اما عيب فى عربية و عيب مختلف فى عربية تانية دا عادى جدا , بعدين العيب الاول مش عيب كبير فى رايى مع كامل الحق لصاحب العيب انه يطلب عربية تانية طالما ان العربية اتسلمتله كدا و هو رجعها فى اول 14 يوم , فى واحد فى بروتون استلم الجين2 بعيب فى الموتور و غيروا الموتور دا و دى حالة بردة فردية فى العيب دا كدا مع ان العربية اغلى من الاكسنت ب10000 و كلها عيوب تانية مش فردية و الناس قاعدة بتشكر فيها!!!!!
هيونداى مشاكلها كتير هنا علشان ربع مصر بتشترى العربيات فطبيعى نسبة المشاكل اللى فيها بتبقى كتير, يعنى عربية بتبيع 30-40 الف عربية فى السنة يطلع فى عيب فى 300-400 عربية ممكن تسمع عنهم غير عربية بتبيع 1000 عربية فى السنة يطلع فى عيب فى 10 محدش يسمع عنهم اساسا !!
الفكرة فى العدد مش فى ان العربية معيوبة و اساسا الاكسنت منتشرة جدااا و انا شايفها عربية كويسة اوى و ملهاش منافس اساسا بسبب سعرها , يعنى اقل عربية كويسة بعدها اغلى بتاع 7-8 الاف و تجميع مصرى (الصنى المصرى).
أنا شايف ردود حضرتك متحامل اوى على العربيات , يا ترى ظهرلك عيوب فى العربية خلتك تقول كدا؟ و يا ترى شفت عيوب العربيات مركات تانية و تابعت و قارنت علشان كدا قررت ان هيونداى عيوبها كتير و بيجيبوا فرز تانى؟

انا شايف ان حضرتك خبط الكلمتين ولم ترد على ردى
ممكن اعرف السبب
................................
محمود عينو

[eino666]

انا فى انتظار ردك يا استاذ som3aa لان بصراحة عدم ردك على مداخلاتى شككنى ان حضرتك تبع التوكيل علشان كده زعلان قوى عليهم
........................................*
محمود عينو

[som3aa]

انا فى انتظار ردك يا استاذ som3aa لان بصراحة عدم ردك على مداخلاتى شككنى ان حضرتك تبع التوكيل علشان كده زعلان قوى عليهم

ايوه حضرتك انا شغال فى توكيل هيونداى الصبح و كيا بليل و بسافر الفجر اشتغل فى شركة هيونداى الأم اللى تملك كيا و هيونداى و غبور دا حبيبى و كنا زمايل فى المدرسة و أنا اللى قولت لهيونداى يخلوه الوكيل فى مصر (=

حضرتك انا عضو هنا من بقالى حوالى سنتين و نص قبل ما يبدا مندوبين الشركات يخشوا اصلا بعدين انا اصلا لو مندوب هبقى مندوب ذكى و مش هتفقس زى الاغبياء اللى بيخشوا يقولك الفرنا احسن من الs-500 (=

نرجع لموضوعنا , معلش انا كنت ناسى انى رديت فى الموضوع دا اساسا علشان كدا مدخلتش تانى عموما

حضرتكا انا مليش اى مصلحة نهائيا انى امدح او اذم فى التوكيل , التوكيل انا بتعامل معاه من ثلاث سنين بالظبط و شايفه توكيل كويس , فكر قديم فى الادارة و تحس كتير من المديرين موظفين حكوميين بس فى مجمل تعاملى معاه شايفه توكيل كويس مع انى اشتكيت من شوية حاجات فيه قبل كدا , فى حالات تانية شايفها هنا بتشتكى من التوكيل و انا شايف ان معاهم كامل الحق خصوووصا صاحب الفرنا الفيفا اللى البارومة ضربت فى العربية , انا فى رايى الحل التوكيل يديلو بدالها واحدة زيرو و ياخد دى يدخلها الفرن و يبيعها بخسارة و يكسب ثقة الناس . اما حالة الاكسنت شايف ان التوكيل لازم ياخد العربية و يبيعها مستعملة و يديله واحدة جديدة , ليه؟ لان العيب ظهر اول 14 يوم , لو كان ظهر بعدها كانوا اللى عملوه معاه دا كفاية جدا ليه؟ علشان مش كل واحد هيطلعله عيب يطلب تغيير العربية , الشركات ملهاش بنفسية العميل بمعنى الشركة بتدى ضمان على العربية و اى عربية عرضة انها يطلع فيها عيب , احنا هنا فى مصر فى عيوب مبنتقبلهاش حتى لو حلها بسيط زى كمان اننا منقبلش ان التوكيلات تركب حد العربية اللى هنشتريها بمعنى كل واحد فينا لما يروح يشترى عربية بياكد على البياع انا متكونش واقفة فى المعرض و لا مركونة فى الشمس و كدا و دى كلها عوامل نفسية عندا احنا بس , بمعنى لما عربية يطلع فيها عيب يحتاج تغيير الموتور و التوكيل يغيره يبقى كدا عمل اللى عليه مش مطلوب منه يغير العربية بحالها , الضمان فعلا على القطع المعيبة ماعدا لو العيب ظهر فى اول 14 يوم لان دا اهمال من الشركة المصنعة اساسا و تتحمل غلطها و كدا كدا التوكيل مش خسران حاجة , بمعنى كل خسارته انه باع عربية منغير مكسب , حاجة كمان العربية اللى ضرب فيها البارومة لو بره مصر كل اللى هيعملوه انهم هيدخلوها الفرن و يدهنوها تانى على فكرة (اعتقد كدا) مش هيرجعوا العربية بعد سنتين مع انها غلطتهم فى الاول و بيصلحوها بدهان العربية من جديد و دخولها الفرن بس لما صاحب العربية فى مصر يجى يبيعها اللى هيتشرى هنا هيقولوا لا يا عم دى مرششوشة بالكامل يبقى سعرها هينزل و دى حالة نفسية للشعب المصرى التوكيل ملوش دعوة بيها و بمجرد انه دهنها تانى يبقى كدا نفذ التزامه معاك اللى هو ضمان لما يحصل حاجة سصلحها بس برده انا فى رايى طالما الوكيل غلط من الاول يستحمل و يبدل العربية و الكلام دا لاننى مصرى و عارف المصريين بيفكروا ازاى و متعاطف مع صاحب العربية , يا راجل دا احنا بقينا بنمشى بعربياتنا مخبوطة و مخدوشة علشان منصلحهاش و ندهنها فنقول العربية دى مش فابريقية فتمنها ينزل جامد اوى!!!
دا هو الشعب المصرى .

لو كنت مكان الناس دى كنت هتضايق جداااا لاننى مصرى و فكرى مصرى مش اكتر صدقنى علشان كدا انا مقتنع ان التوكيل لازم يعوضهم!!

[eino666]

ايوه حضرتك انا شغال فى توكيل هيونداى الصبح و كيا بليل و بسافر الفجر اشتغل فى شركة هيونداى الأم اللى تملك كيا و هيونداى و غبور دا حبيبى و كنا زمايل فى المدرسة و أنا اللى قولت لهيونداى يخلوه الوكيل فى مصر (=

حضرتك انا عضو هنا من بقالى حوالى سنتين و نص قبل ما يبدا مندوبين الشركات يخشوا اصلا بعدين انا اصلا لو مندوب هبقى مندوب ذكى و مش هتفقس زى الاغبياء اللى بيخشوا يقولك الفرنا احسن من الs-500 (=

نرجع لموضوعنا , معلش انا كنت ناسى انى رديت فى الموضوع دا اساسا علشان كدا مدخلتش تانى عموما

حضرتكا انا مليش اى مصلحة نهائيا انى امدح او اذم فى التوكيل , التوكيل انا بتعامل معاه من ثلاث سنين بالظبط و شايفه توكيل كويس , فكر قديم فى الادارة و تحس كتير من المديرين موظفين حكوميين بس فى مجمل تعاملى معاه شايفه توكيل كويس مع انى اشتكيت من شوية حاجات فيه قبل كدا , فى حالات تانية شايفها هنا بتشتكى من التوكيل و انا شايف ان معاهم كامل الحق خصوووصا صاحب الفرنا الفيفا اللى البارومة ضربت فى العربية , انا فى رايى الحل التوكيل يديلو بدالها واحدة زيرو و ياخد دى يدخلها الفرن و يبيعها بخسارة و يكسب ثقة الناس . اما حالة الاكسنت شايف ان التوكيل لازم ياخد العربية و يبيعها مستعملة و يديله واحدة جديدة , ليه؟ لان العيب ظهر اول 14 يوم , لو كان ظهر بعدها كانوا اللى عملوه معاه دا كفاية جدا ليه؟ علشان مش كل واحد هيطلعله عيب يطلب تغيير العربية , الشركات ملهاش بنفسية العميل بمعنى الشركة بتدى ضمان على العربية و اى عربية عرضة انها يطلع فيها عيب , احنا هنا فى مصر فى عيوب مبنتقبلهاش حتى لو حلها بسيط زى كمان اننا منقبلش ان التوكيلات تركب حد العربية اللى هنشتريها بمعنى كل واحد فينا لما يروح يشترى عربية بياكد على البياع انا متكونش واقفة فى المعرض و لا مركونة فى الشمس و كدا و دى كلها عوامل نفسية عندا احنا بس , بمعنى لما عربية يطلع فيها عيب يحتاج تغيير الموتور و التوكيل يغيره يبقى كدا عمل اللى عليه مش مطلوب منه يغير العربية بحالها , الضمان فعلا على القطع المعيبة ماعدا لو العيب ظهر فى اول 14 يوم لان دا اهمال من الشركة المصنعة اساسا و تتحمل غلطها و كدا كدا التوكيل مش خسران حاجة , بمعنى كل خسارته انه باع عربية منغير مكسب , حاجة كمان العربية اللى ضرب فيها البارومة لو بره مصر كل اللى هيعملوه انهم هيدخلوها الفرن و يدهنوها تانى على فكرة (اعتقد كدا) مش هيرجعوا العربية بعد سنتين مع انها غلطتهم فى الاول و بيصلحوها بدهان العربية من جديد و دخولها الفرن بس لما صاحب العربية فى مصر يجى يبيعها اللى هيتشرى هنا هيقولوا لا يا عم دى مرششوشة بالكامل يبقى سعرها هينزل و دى حالة نفسية للشعب المصرى التوكيل ملوش دعوة بيها و بمجرد انه دهنها تانى يبقى كدا نفذ التزامه معاك اللى هو ضمان لما يحصل حاجة سصلحها بس برده انا فى رايى طالما الوكيل غلط من الاول يستحمل و يبدل العربية و الكلام دا لاننى مصرى و عارف المصريين بيفكروا ازاى و متعاطف مع صاحب العربية , يا راجل دا احنا بقينا بنمشى بعربياتنا مخبوطة و مخدوشة علشان منصلحهاش و ندهنها فنقول العربية دى مش فابريقية فتمنها ينزل جامد اوى!!!
دا هو الشعب المصرى .

لو كنت مكان الناس دى كنت هتضايق جداااا لاننى مصرى و فكرى مصرى مش اكتر صدقنى علشان كدا انا مقتنع ان التوكيل لازم يعوضهم!!

تسلم ايدك
امال ليه بقى الكلمتين اللى كتبتهم فى اول مشاركة لك فى الموضوع بصراحة عصبونى
وانا بأكرر
الاختلاف فى الرأى لا يفسد للود قضية
(وطالما غبور صاحبك ابقى وصيه على زمايلنا)
ههههههههههههههههه انا بهزر طبعا
............................*
محمود عينو