انا عندي مشكله في الفيرنا

[bebo_bambino]

السلام عليكم
ظهرت مشكله غريبه في العربيه عندي في السقف و الشنطه لون العربيه اتغير زي متقول كده بقي فيها لونين لون العربيه (شامبين) و لون لفتح منه شويه و العربيه لسه مكمله 1200 كيلو. فرحت التوكيل في الاسكندريه (انا من الاسكندريه) قالي معندناش قسم للدوكو و الحاجات دي فلازم تروح القاهره.
فرحت قولت ممكن تكون عايزه وش بوليش فجبته و جربت مفيش فايده.
فا انا مش عارف اعمل ايه. و لو روحت القاهره حيعملوها تبع الضمان يعني من غير فلوس.
العربيه اصلا مكملتش شهرين و انا محافظ عليها و بغطيها علي طول.
فا انا الحقيقه عايزكم تسعدوني و تقولولي اعمل ايه من الاخر علشان انا محتار.

[dr.amr]

ليس امامك الا ان تاتي
وطلع عين اللي جابوهم
علشان يهتموا بيك

[Hossam.Hamdy]

rooo7 el tawkeel kol el verna kedaa besta7'demo boya ta3bana a7'er 7aga ana rae7 this week 3shan nafs el moshkla

[Ahmed Anwer]

بص هتروح قليوب ،،

عشان ده قسم الهياكل و الحاجات دي ،،

و أتأكد برده من الرقم ده 16101

المشاكل زي دي مفهاش حجز ،،، بيقولك تعال عالطول

[dr.amr]

بص هتروح قليوب ،،

عشان ده قسم الهياكل و الحاجات دي ،،

و أتأكد برده من الرقم ده 16101

المشاكل زي دي مفهاش حجز ،،، بيقولك تعال عالطول

ابو رولش فيها قسم للهياكل وقليوب برضه فيها قسم للهياكل
بس علي فكره تعبانين جدا
انا عملت عندهم خبطه في الباب اي كلام
ولقيت العربيه من جوه زي الزفت
ولقيت الفانوس محروق
بس نفختهم:D

[bebo_bambino]

طب ايه احسن مركز اعمل فيه الموضوع ده و فين بالضبط