Tweet
شكرا,غبور فرع قليوب.....
حبيت اضيف تجربتى و يومى الكامل مع غبور قليوب.
بالرغم اننى من سكان مدينة نصر.بس من الكلام اللى سمعته عن فرع قليوب قلت يبقى اجرب صيانة ال10 هناك.
اتصلت و اخذت ميعاد الساعة 10 النهاردة.طبعا بعد ما تهت شوية فى قليوب وصلت الساعة 11.30 وطبعا كل ده وانا على التيلفون مع قسم الاستقبال و خش هنا ولا من هنا واتصال ورا اتصال و الناس اخر ذوق..gif "Majd(4)")
قابلنى موظف الاستقبال و الدنيا كانت عندهم زحمة جدا بس و لا يهم حضرتك حاجة احنا عارفين انت اتاخرت ليه وهنحاول ندخلك بدرى كمان.ناس ذوق ذوق!
العربية لسة 8300 كم ما لسة بدرى.اصل انا جاى اساسا عشان في شوىة مشاكل.ليه خير؟
التكيف فصل-في صفارة ساعات مع الفرامل-العفشة ناشفة من ورا-الزوايا عاوز ابص عليها
حاجة تانى مضايق منها؟
لا كفاية الحمد لله
هتغير زيت و فلتر؟مفيش مشكلة ولا ايه رايك؟والله يا افندم بتمشى بالعربية كتير ويعنى بتقرص عليها؟ساعات يعنى؟يبقى بالمرة بقة طالما جيت؟اوك
سابنى الراجل المحترم وشاف غيرى وشوية من الزحمة نزل مدير الفرع يباشر الناس و الصنايعية.وانا شفته مرتين مع الصيانة بيتابع الناس و الشغل.
احلى حاجة بقى اننى دخلت الصيانة بعد ما استاذنت عشان اطمن على العربية.
لقيت الصنايعية المحترمة بتغسل موتور كل عربية بعد تغيير الزيت ومن غيره كمان والله لو فى تراب.
راحت على فنى التكيف ؟خير والله مرة واحدة التكيف فصل.طب ولا يهمك ده فى الضمان.ظبط التكيف و كله تمام.
دخلت على الزوايا؟ ظبط الزوايا و الدريكسيون في النص وكله تمام
دخلت على الزيت والفرامل؟ غير زيت و فلتر و بعد كدة فك الكاوتش و نضف و شحم وشال التراب ورجلاش للفرامل وغسل الموتور
وبعد كدة بقى اللى عاجبنى اوى بعد استراحة الغدا بتاعتهم اللى هى نص ساعة بالتمام و الكمال.بسال على العربية قاللولى بتتجرب؟بس ليه؟هى يا افندم كل عربيه بعد الصيانة لازم تتجرب اطلع ادفع وتكون جاهزة؟قلت لا اشوف ايه موضوع التجربه ده؟اقف اتفرج من بعيد الاقى فعلا كل العربيات بتتجرب برة وترجع تانى.
كانت التكلفة المبدئية 520 جم بقوا 470جم.
اللى عاجبنى اوى بقة:
-الناس اول مرة اشوفهم وكل ما حد يقابلنى,ابتسامة وازاى حضرتك وواضح ان اهل قليوب معظمهم كدة.دة انا بسال وانا خارج اروح مدينة نصر ازاي؟لقيت 3 سواقين نقل قاعدين؟فين فى مدينة نصر؟اه طيب ؟ وصفولى تمام وابعد عن الزحمة هنا وهنا وتوصل بالف سلامة
-الاتقان والسرعة في العمل مع انهم كانوا زحمة
-خوفهم على عربيات الناس والاعتناء بنظافة السيارة بعد واثناء الصيانة
-قلت اطلع اتمشى بره لقيت فيرنا مركونة ومحطوط استيكر على كل العتب.طب منين دة وبكام واسال مين؟لقيت راجل كبير قاعد يمسح بجاز و بنزين عربية ماتريكس,لو تسمح والله يا حاج متعرفش اللزق ده منين.لا والله يا ابنى بس هي بتاعة موظف هنا.اسال بتوع الامن او اي حد في الصيانة ؟ بصوا بقى رد الراجل بعد كدة؟امال احنا هنا ليه مش عشان نخدم عملاءنا!!!!!
-قلت اسال على شوية اساسيات فى العربية لزوم العلم بالشىء.اطلع الاقي راجل محترم ولا بيكل ولا بيمل من كتر الاسئلة.واسمع بقى ان هيونداى الام في كوريا مشترية كيا وواحد تانى يقوله لا ليها اسهم بحصة كبيرة؟ازاى بقة حضرتك؟قاللي ببساطة الموتور شبيه النيو الانترا وحاجتها تمشى عليها زى اجزاء من الفتيس وكل الفلاتر(والله اعلم)
-قلت ابص في صالة العرض.لقيت نيو اكسنت مستخبية ورا عربية نقل.الاقيها نفس اللى معايا من برة .اركز الاقيها بالكاسيت الاصلى و مرايات كهربا و فوانيس شبورة والمفاجاة بعد ما سالت ايه تانى جديد و مستخبى عليا,قاللولى فيها عزل تحت الكبوت؟طب ممكن اشوفه؟لقيت طبقة سودا سميكة مش عارف دي ايه على الكبوت كله من جوة.طب نازلة امتى دي يا جماعة قاللوا مش نازلة ديه اسبيشيال اوردر Special order وتيجى فى شهر وسعرها زيادة 7000جم.طب فيها مشكلة العفشة بردة؟بص باستغراب وقاللى يا افندم هي مش مشكلة هي Heavy Duty وبعدين انت كنت راكب ايه قبلها.قلتله لانسر و نوبيرا قاللى اه اصلهم عفشتهم ناعمة وبعدين النيو اكسنت على دونجل ورا وهو دة اللى بيحسس اللى راكبها انها ناشفة.
-مع انى غسلت الموتور بفوم في ابو رواش قبل كدة ومكنش نضيف كدة وبسال اللي بيغسل هو انت بتغسل بايه,قاللى مياه وضغط هوا مناسب ومتقلقش احنا عارفين بنغسل ايه وايه لا.مش قصدى بس انا بحب اتعلم.ولا يهمك احنا تحت امرك.
-بعد ما غسلوا الموتور لقيت الغطا البلاستيك اللى على بلف التكيف مش موجود.رحت لبتاع التكيف.اسفين يا افندم,افتح الكابوت جرب واحد ممسكش اوى,قلتله خلاص,قاللى ثوانى بس,جاب تلاتة جربهم والاصلح ركبه.
خلاصة الموضوع ان الناس ديه محترمة جدا وفعلا فعلا ربنا يباركلهم ويقدروا يدربوا فرع ابو رواش زيهم.
والفرامل مش قد كدة
بالرغم اننى من سكان مدينة نصر.بس من الكلام اللى سمعته عن فرع قليوب قلت يبقى اجرب صيانة ال10 هناك.
اتصلت و اخذت ميعاد الساعة 10 النهاردة.طبعا بعد ما تهت شوية فى قليوب وصلت الساعة 11.30 وطبعا كل ده وانا على التيلفون مع قسم الاستقبال و خش هنا ولا من هنا واتصال ورا اتصال و الناس اخر ذوق.
قابلنى موظف الاستقبال و الدنيا كانت عندهم زحمة جدا بس و لا يهم حضرتك حاجة احنا عارفين انت اتاخرت ليه وهنحاول ندخلك بدرى كمان.ناس ذوق ذوق!
العربية لسة 8300 كم ما لسة بدرى.اصل انا جاى اساسا عشان في شوىة مشاكل.ليه خير؟
التكيف فصل-في صفارة ساعات مع الفرامل-العفشة ناشفة من ورا-الزوايا عاوز ابص عليها
حاجة تانى مضايق منها؟
لا كفاية الحمد لله
هتغير زيت و فلتر؟مفيش مشكلة ولا ايه رايك؟والله يا افندم بتمشى بالعربية كتير ويعنى بتقرص عليها؟ساعات يعنى؟يبقى بالمرة بقة طالما جيت؟اوك
سابنى الراجل المحترم وشاف غيرى وشوية من الزحمة نزل مدير الفرع يباشر الناس و الصنايعية.وانا شفته مرتين مع الصيانة بيتابع الناس و الشغل.
احلى حاجة بقى اننى دخلت الصيانة بعد ما استاذنت عشان اطمن على العربية.
لقيت الصنايعية المحترمة بتغسل موتور كل عربية بعد تغيير الزيت ومن غيره كمان والله لو فى تراب.
راحت على فنى التكيف ؟خير والله مرة واحدة التكيف فصل.طب ولا يهمك ده فى الضمان.ظبط التكيف و كله تمام.
دخلت على الزوايا؟ ظبط الزوايا و الدريكسيون في النص وكله تمام
دخلت على الزيت والفرامل؟ غير زيت و فلتر و بعد كدة فك الكاوتش و نضف و شحم وشال التراب ورجلاش للفرامل وغسل الموتور
وبعد كدة بقى اللى عاجبنى اوى بعد استراحة الغدا بتاعتهم اللى هى نص ساعة بالتمام و الكمال.بسال على العربية قاللولى بتتجرب؟بس ليه؟هى يا افندم كل عربيه بعد الصيانة لازم تتجرب اطلع ادفع وتكون جاهزة؟قلت لا اشوف ايه موضوع التجربه ده؟اقف اتفرج من بعيد الاقى فعلا كل العربيات بتتجرب برة وترجع تانى.
كانت التكلفة المبدئية 520 جم بقوا 470جم.
اللى عاجبنى اوى بقة:
-الناس اول مرة اشوفهم وكل ما حد يقابلنى,ابتسامة وازاى حضرتك وواضح ان اهل قليوب معظمهم كدة.دة انا بسال وانا خارج اروح مدينة نصر ازاي؟لقيت 3 سواقين نقل قاعدين؟فين فى مدينة نصر؟اه طيب ؟ وصفولى تمام وابعد عن الزحمة هنا وهنا وتوصل بالف سلامة
-الاتقان والسرعة في العمل مع انهم كانوا زحمة
-خوفهم على عربيات الناس والاعتناء بنظافة السيارة بعد واثناء الصيانة
-قلت اطلع اتمشى بره لقيت فيرنا مركونة ومحطوط استيكر على كل العتب.طب منين دة وبكام واسال مين؟لقيت راجل كبير قاعد يمسح بجاز و بنزين عربية ماتريكس,لو تسمح والله يا حاج متعرفش اللزق ده منين.لا والله يا ابنى بس هي بتاعة موظف هنا.اسال بتوع الامن او اي حد في الصيانة ؟ بصوا بقى رد الراجل بعد كدة؟امال احنا هنا ليه مش عشان نخدم عملاءنا!!!!!
-قلت اسال على شوية اساسيات فى العربية لزوم العلم بالشىء.اطلع الاقي راجل محترم ولا بيكل ولا بيمل من كتر الاسئلة.واسمع بقى ان هيونداى الام في كوريا مشترية كيا وواحد تانى يقوله لا ليها اسهم بحصة كبيرة؟ازاى بقة حضرتك؟قاللي ببساطة الموتور شبيه النيو الانترا وحاجتها تمشى عليها زى اجزاء من الفتيس وكل الفلاتر(والله اعلم)
-قلت ابص في صالة العرض.لقيت نيو اكسنت مستخبية ورا عربية نقل.الاقيها نفس اللى معايا من برة .اركز الاقيها بالكاسيت الاصلى و مرايات كهربا و فوانيس شبورة والمفاجاة بعد ما سالت ايه تانى جديد و مستخبى عليا,قاللولى فيها عزل تحت الكبوت؟طب ممكن اشوفه؟لقيت طبقة سودا سميكة مش عارف دي ايه على الكبوت كله من جوة.طب نازلة امتى دي يا جماعة قاللوا مش نازلة ديه اسبيشيال اوردر Special order وتيجى فى شهر وسعرها زيادة 7000جم.طب فيها مشكلة العفشة بردة؟بص باستغراب وقاللى يا افندم هي مش مشكلة هي Heavy Duty وبعدين انت كنت راكب ايه قبلها.قلتله لانسر و نوبيرا قاللى اه اصلهم عفشتهم ناعمة وبعدين النيو اكسنت على دونجل ورا وهو دة اللى بيحسس اللى راكبها انها ناشفة.
-مع انى غسلت الموتور بفوم في ابو رواش قبل كدة ومكنش نضيف كدة وبسال اللي بيغسل هو انت بتغسل بايه,قاللى مياه وضغط هوا مناسب ومتقلقش احنا عارفين بنغسل ايه وايه لا.مش قصدى بس انا بحب اتعلم.ولا يهمك احنا تحت امرك.
-بعد ما غسلوا الموتور لقيت الغطا البلاستيك اللى على بلف التكيف مش موجود.رحت لبتاع التكيف.اسفين يا افندم,افتح الكابوت جرب واحد ممسكش اوى,قلتله خلاص,قاللى ثوانى بس,جاب تلاتة جربهم والاصلح ركبه.
خلاصة الموضوع ان الناس ديه محترمة جدا وفعلا فعلا ربنا يباركلهم ويقدروا يدربوا فرع ابو رواش زيهم.
والفرامل مش قد كدة
Comment