استفسارات بخصوص الفيرنا .

[د.محمود صلاح]

السلام عليكم ورحمة الله ..

لدي شوية استفسارات عن الفيرنا كخيار قادم للشراء ومعلش انا عارف الإجابات موجودة في القسم بس ريحوني من عناء البحث

بالنسبة للفيرنا 1600 اوتوماتيك 2010
1- السعر كم ؟
2- هل فيه حجز ولا استلام فوري ؟
3- هل فيها لمبة بيان فتح الأبواب في التابلوه ؟
4- هل فيها لمبة بيان حزام الأمان ؟
5- نوع الكاوتش ومقاس الجنط ؟
6- المكون المصري فيها ايه وايه ؟
7- الموتور كام حصان وعزم ؟
8- اقصى سرعة ؟
9- الحك في المطبات مع 3 اشخاص ركاب في الخلف ؟
10- قوة المكيف في الحر الشديد ؟
11- بالنسبة للزجاج د. جريش ؟
12- التابلوه بلاستيك ولا مكسو بطبقة اسفنج ؟
13 نوع الكاسيت وعدد السماعات 2 ولا 4 وهل فيه في الرف الخلفي سماعات ؟
14- الضمان ؟
15- ازرار الزجاج لمسة واحدة صعودا وهبوطا ؟
16- هل فيها مرايات كهربا ؟
17- فتح الشنطة والتانك من الداخل ؟
18- هل يمكن تعديل وضع الدركسيون ؟
19- هل الزجاج الكهربا بيقف بعد قفل الكونتاكت ولا ممكن يترفع ( لمدة 60 ثانية )
20- هل الشماسة بها مراية مضاءة ؟


بس تعبتكم معي ....

[mshmshm3]

السعر كم ؟ 64 الف هاف اوبشن
- هل فيه حجز ولا استلام فوري ؟ مش عارف بس من التوكيل في حجز اعتقد
3- هل فيها لمبة بيان فتح الأبواب في التابلوه ؟ اه في العدادات جنب لمبة فرامل اليد
4- هل فيها لمبة بيان حزام الأمان ؟ اه جنب لمبة الابواب بتنور لما تدور العربية لمدة كام ثانية وكذلك لو فكيت الحزام وانت ماشي
5- نوع الكاوتش ومقاس الجنط ؟ نوع الكاوتش المتداول نسر وفي لاسا في انواع تانية مقاس الجنط 14
6- المكون المصري فيها ايه وايه ؟ التقفيل طبعا والفرش وفرش الابواب للفول اوبشن والكاسيت وخامات البلاستيك وحاجت تانية مش عارفها
7- الموتور كام حصان وعزم ؟ الموتور 106 حصان العزم مش فاكر
8- اقصى سرعة ؟ 200 كم من غير التكييف و 190 بالتكييف وما انصحكش تعدي ال 120 بيها
9- الحك في المطبات مع 3 اشخاص ركاب في الخلف ؟ موديل 2010 يختلف عن ما قبله في هذه النقطة ان السوست زيادة لفة مع وجود 3 اشخاص على الكنبة واخدت المطب بالراحة مش هاتحك وعلى حسب المطب متغذي ولا لا
10- قوة المكيف في الحر الشديد ؟ قوي جدا
11- بالنسبة للزجاج د. جريش ؟ حلو مش وحش
12- التابلوه بلاستيك ولا مكسو بطبقة اسفنج ؟ بلاستيك ولو خبط عليه هاتسمع صدي صوت وممكن حد يرد عليك من جوة يقول مين
13 نوع الكاسيت وعدد السماعات 2 ولا 4 وهل فيه في الرف الخلفي سماعات ؟ الكاسيت رود ستار والسماعات 2 في الباب و 2 ورا ده في الفول اوبشن الهاف اوبشن في الفيرنا فيفا سماعتين بس في الباب وينصح بتغيير سماعات الووكمن دي وتجيب سماعتين حلوين وكاسيت شيك
14- الضمان ؟ غبور مش عارف كويس ولا وحش عشان ما احتكتش بيه في حته الضمان
15- ازرار الزجاج لمسة واحدة صعودا وهبوطا ؟ ده للزجاج اللى جنب السائق فقط وهبوط فقط وده في الفول اوبشن
16- هل فيها مرايات كهربا ؟ اه في الفول اوبشن الاوتوماتيك
17- فتح الشنطة والتانك من الداخل ؟ اه في الفول اوبشن فقط
18- هل يمكن تعديل وضع الدركسيون ؟ اه في الفول اوبشن فقط
19- هل الزجاج الكهربا بيقف بعد قفل الكونتاكت ولا ممكن يترفع ( لمدة 60 ثانية ) نعم
20- هل الشماسة بها مراية مضاءة ؟ فيها مراية بس معرفش ازاى مضاءة وكويس اوى ان فيها مرايا

[mshmshm3]

ملحوظة السعر ده للمانيوال اوتوماتيك مش عارف بس تقريبا 67

[M.Osman]

1- السعر كم ؟ 74 ألف ج م
2- هل فيه حجز ولا استلام فوري ؟ لا أعلم
3- هل فيها لمبة بيان فتح الأبواب في التابلوه ؟ نعم
4- هل فيها لمبة بيان حزام الأمان ؟ مش متأكد .. عندي في الهاف مجرد تذكير عند التدوير
5- نوع الكاوتش ومقاس الجنط ؟ مقاس الجنط 14 .. الكاوتش 185/60/14 .. لكن لا اعلم نوعه .. بيختلف (في 2007 كان نسر و لاسا )
6- المكون المصري فيها ايه وايه ؟ الكراسي و زجاج و الموكيت و اعتقد فرش الأبوب و الاجزاء في التابلوه و السماعات انتاج جولدي (احمد بهجت) .. اكيد فيه حاجات كمان
7- الموتور كام حصان وعزم ؟ 106 حصان لا اتذكر العزم .. بس فاكر ان عزمها عالي على RPM منخفض
8- اقصى سرعة ؟ لا أعلم للأوتو .. المانيوال مفتوح !
9- الحك في المطبات مع 3 اشخاص ركاب في الخلف ؟ على حسب المطب ... لو طريق حضرتك زراعي يبقى المطبات وحشة يبقى هتحتاج عناية اكتر...
10- قوة المكيف في الحر الشديد ؟ ممتاز .. تبريد + قوة المروحة
11- بالنسبة للزجاج د. جريش ؟ لا اعلم ... هو مكتوب عليه GB Auto
12- التابلوه بلاستيك ولا مكسو بطبقة اسفنج ؟ بلاستيك فقط
13 نوع الكاسيت وعدد السماعات 2 ولا 4 وهل فيه في الرف الخلفي سماعات ؟ رودستار سئ (تقفيل مصري) 4 سماعات : 2 في الأبواب الأمامية + 2 في الرف الخلفي ورا الكنبة .. كانت نزلت فترة بكاسيت كينوود CD+MP3 مش عارف الوضع حالياً عامل ازاي
14- الضمان ؟ 60 ألف كم .. مش متأكد اذا كان 3 سنوات ام 5
15- ازرار الزجاج لمسة واحدة صعودا وهبوطا ؟ لا اعلم .. عربيتي هاف
16- هل فيها مرايات كهربا ؟ نعم (الأوتو فقط!)
17- فتح الشنطة والتانك من الداخل ؟ نعم
18- هل يمكن تعديل وضع الدركسيون ؟ نعم
19- هل الزجاج الكهربا بيقف بعد قفل الكونتاكت ولا ممكن يترفع ( لمدة 60 ثانية ) لا اعلم
20- هل الشماسة بها مراية مضاءة ؟ لا اعلم


بالتوفيق يا دكتور محمود ...

[د.محمود صلاح]

شكراً للردود جزاكم الله خيراً ...

مافيش حد معاه الفل اوبشن الاوتوماتيك ؟

[Ahmed Anwer]

lزي ما قال الأخوة

بس السعر 74 ألف

و الحجز ، ناس اصحابي كتير جابوها عالطول من معارض

و الضمان 100 ألف كم ،، أو ثلاث سنوات أيهم أقرب

[shouk_1987]

السلام عليكم ورحمة الله ..

لدي شوية استفسارات عن الفيرنا كخيار قادم للشراء ومعلش انا عارف الإجابات موجودة في القسم بس ريحوني من عناء البحث

أولا ما اتفكرش فى الفيرنا الهاف عشان بجد فاضيييية

بالنسبة للفيرنا 1600 اوتوماتيك 2010
1- السعر كم ؟
64 للهاف و 68500 للفول و 74 للأوتوماتيك
2- هل فيه حجز ولا استلام فوري ؟
حجز فى التوكيل استلام فورى فى المعارض
3- هل فيها لمبة بيان فتح الأبواب في التابلوه ؟
نعم لمبة واحدة لأى باب و الشنطة مالهاش
4- هل فيها لمبة بيان حزام الأمان ؟
نعم يتنور و تطفى كام مرة أول ما اتدور او تفك الحزام
5- نوع الكاوتش ومقاس الجنط ؟
المانوال 175/70/13 و الأوتو 185/65/14
6- المكون المصري فيها ايه وايه ؟
حجات كتييييير بطارية وكاوتش وكاسيت وسماعات و غيره
7- الموتور كام حصان وعزم ؟
106 حصان و 143 نيوتن/متر عند 2500 أو 3000 rpm س
8- اقصى سرعة ؟
أنا جبت 180 و الrpm على 5 , و معايا 3 فى العربية ياعنى تقفل عدادها مستريح بس أنا مجنط و عمرى ما كنت هاعمل كده لو مكنتش مجنط
9- الحك في المطبات مع 3 اشخاص ركاب في الخلف ؟
لأ أكيد هتحك لو معاك تلاتة ورا
10- قوة المكيف في الحر الشديد ؟
من أحسن المكيفات اللى شوفتها
11- بالنسبة للزجاج د. جريش ؟
مااعرفش بس أكيد هيبقى جريش بس هو نضيف و مافهوش أى مشاكل
12- التابلوه بلاستيك ولا مكسو بطبقة اسفنج ؟
مش عارف
13 نوع الكاسيت وعدد السماعات 2 ولا 4 وهل فيه في الرف الخلفي سماعات ؟
الهاف 2 سماعة بس و الفول 4 (2 فى الباب و 2 فى الرف الخلفى)
14- الضمان ؟
مش فاكر عشان أنا موقعه لأنى مش مستعد أروح كل 5 آلاف كيلو
15- ازرار الزجاج لمسة واحدة صعودا وهبوطا ؟
إزاز السائق بس و هبوطا فقط (أغلبية العربيات اللى فى الرانج ده و اللى أعلى منها شوية كمان)
16- هل فيها مرايات كهربا ؟
فى الأوتو بس و حط عليهم فوجات فى الأوتو بس برده
17- فتح الشنطة والتانك من الداخل ؟
الشنطة فى الفول اوبشن بس و التانك أكيد فى كله
18- هل يمكن تعديل وضع الدركسيون ؟
فى الفول بس
19- هل الزجاج الكهربا بيقف بعد قفل الكونتاكت ولا ممكن يترفع ( لمدة 60 ثانية ) ؟
ممكن يترفع بس لو فتحت أى باب هيلغى و مش هتعرف تقفل الإزاز
20- هل الشماسة بها مراية مضاءة ؟
بوس إيدك شعر و دقن إن فيها مراية (كورولا 2009 خليجى و مفهاش مراية أساسا)


بس تعبتكم معي ....

[د.محمود صلاح]

شكراً لحضرتك shouk_1987 على الرد الشامل

[M.Osman]

shouk_1987

نوع الكاسيت وعدد السماعات 2 ولا 4 وهل فيه في الرف الخلفي سماعات ؟
الهاف 2 سماعة بس و الفول 4 (2 فى الباب و 2 فى الرف الخلفى)

عندي هاف 4 سماعات


لاحظ يا دكتور محمود ان الأوتو بتنزل فول اوبشن فقط! مفيش منها هاف

[shouk_1987]

شكراً لحضرتك shouk_1987 على الرد الشامل

العفو يا باشا
ونسيت أقولك شوية فروقات

الهاف الفول

الإريال يدوى كهرباء (أنا عامله على باور الراديو بس)
لمبة ستوب خلفى لا يوجد يوجد
تعديل ارتفاع كرسى السائق لا يوجد يوجد
لمبتين قراية (جامدة أوى) لا يوجد يوجد
مسند يد للسائق لا يوجد يوجد
(حلوة أوى فى السفر)
عداد rpm لا يوجد يوجد


ده اللى أنا فاكره حاليا متهيألى دول يكفوا إنج تجيب الفول
و كفاية موضوع الشنطة اللى فى الهاف إنك لما تعوز تفتحها تبطل العربية و تنزل تفتحخا بالمفتاح (غير عملية نهاااائى)
أنا بصراحة عمرى ما شفت حد بيفضى عربية بالغبااااء ده
ال editor بتاع المنتديات ده شالنى بعد مع أعت أكتب بشكل منظم حاول تفهم كده


طبعا مع إحترامى لكل الناس اللى عندها الهاف

shouk_1987


عندي هاف 4 سماعات

معلومة جديدة بالنسبالى
شكرل يا باشا

لاحظ يا دكتور محمود ان الأوتو بتنزل فول اوبشن فقط! مفيش منها هاف

[د.محمود صلاح]

العفو يا باشا
ونسيت أقولك شوية فروقات

الهاف >>>>> الفول

الإريال يدوى >>>>> كهرباء (أنا عامله على باور الراديو بس)
لمبة ستوب خلفى لا يوجد >>>>>> يوجد
تعديل ارتفاع كرسى السائق لا يوجد >>>>>> يوجد
لمبتين قراية (جامدة أوى) لا يوجد >>>>>> يوجد
مسند يد للسائق لا يوجد>>>>>>> يوجد (حلوة أوى فى السفر)
عداد rpmلا يوجد >>>>>> يوجد


ده اللى أنا فاكره حاليا متهيألى دول يكفوا إنك تجيب الفول
و كفاية موضوع الشنطة اللى فى الهاف إنك لما تعوز تفتحها تبطل العربية و تنزل تفتحها بالمفتاح (غير عملية نهاااائى)

شكراً جزيلاً واسمحلي قمت ببعض التعديلات التوضيحية للإستفادة من مشاركتك

[shouk_1987]

شكراً جزيلاً واسمحلي قمت ببعض التعديلات التوضيحية للإستفادة من مشاركتك

يا سلام عليك و الله ما عارف أقولك إيه
يا باشا انت تنفذ من غير أى استئذان و ربنا يوفقك فى الاختيار إن شاء الله

أنا كنت عايز أقولك حاجة تحتها فى اعتبارك
الفرنا عربية ممتاااااااااازة على سعرها (ماتور قليل الأدب و عافشة ناعمة و مريحة و حجات كتير حلوة)
بس فى عيب خطييييييير ألا و هو ضيق الصالون
من الآخر عربيتى القديمة كيا العصفورة أوسع منها مرتين
مساحة الأرجل للكنبة الخلفية فى الضيااااااااع
اصحابى بيبهدلونى من الآخر و أنا بحب أرجع الكرسى جامد و حتى اللى جنبى بيبقى قاعد مزنوق و ركبته فى الكاست تقريبا عشان اللى وراه يعرف يعد
بس الشنطة ما شاء الله بحر

[M.Osman]

يا سلام عليك و الله ما عارف أقولك إيه
يا باشا انت تنفذ من غير أى استئذان و ربنا يوفقك فى الاختيار إن شاء الله

أنا كنت عايز أقولك حاجة تحتها فى اعتبارك
الفرنا عربية ممتاااااااااازة على سعرها (ماتور قليل الأدب و عافشة ناعمة و مريحة و حجات كتير حلوة)
بس فى عيب خطييييييير ألا و هو ضيق الصالون
من الآخر عربيتى القديمة كيا العصفورة أوسع منها مرتين
مساحة الأرجل للكنبة الخلفية فى الضيااااااااع
اصحابى بيبهدلونى من الآخر و أنا بحب أرجع الكرسى جامد و حتى اللى جنبى بيبقى قاعد مزنوق و ركبته فى الكاست تقريبا عشان اللى وراه يعرف يعد
بس الشنطة ما شاء الله بحر

عندك حق بخصوص ضيق العربية ... بتبان اوي لو الناس طوال
بس الموتور محترم مش قليل الأدب

و تحت امرك يا دكتور في أي استفسارات بخصوص العربية :)

[د.محمود صلاح]

من الآخر عربيتى القديمة كيا العصفورة أوسع منها مرتين
ر

بصرة !!!
عربيتي القديمة كانت كيا برايد وكانت واااسعة من وراء بصورة ملحوظة

[dolly13]

كل المعلومات صحيحة لكن انا عندى بعض الاختلافات
الكاسيت عندى كينوود
الاطارات كومهو
ازرار السائق فقط هو اللى لمسة واحدة
طبعا بتحك فى المطبات لكن مع هذا العيب لها ميزة العفشة الناعمة قوى قوى قوى
فيها لمبة للشماسة غير لمبة الصالون
مراياتها ممتازة وخاصة الجانبية
ارجو اكون افدت حضرتك