عايز رأيكم في ماتريكس 2008...

[Hesham A.Megid]

يعنى هو كل الماتريكس تأفيل تركى ولا فى كورى وتركى
وهل فى مصرى ولا لأ؟

الميتركس كانت كلها كوري لحد 2007. موديلات 2008 بقت تركي.

احنا عندنا التركي و كويسه جدا الحمد لله و مفهاش اي مشاكل، بس مجربتش الكوري عشان اقول انهي احسن.

[eng.hoshos]

انا الحمد لله استلمت العربية الأسبوع اللي فات بس لسه ما رخصتهاش عشان مستني مندوب كونتاكت كارز ييجي معايا...بس الإنطباعات الأولى عن العربية جميلة جدا و حجمها فعلا مقارنة بأي عربية تانية في نفس سعرها ممتاز جدا..

و بجد عايز أشكر كل واحد ساعدني برأيه ..

سؤال كمان بقى معلش :) حد يقدر يقوللي أحسن مكان اجيب منه فرش للكراسي فين؟ و يا ترى لو جبته و ركبته هل ده يعمل مشكلة مع التوكيل (يعني ممكن يطلعني من الضمان مثلا؟)

[osamaelbaz]

الف مبروك وربنا يباركلك فيها ويديك خيرها ويكفيك شرها انت بقى جبت لون اية وبالنسبة للفرش سبير كار انا اسمع ان عندهم فرش وموديلات شديدة
وبالمناسبة هى عربيتك مانيوال ولا اتوماتك

[osamaelbaz]

مانيوال ولا اوتوماتك وجبتها بكام

[eng.hoshos]

بارك الله فيك..العربية أوتوماتيك و لونها فضي..جبتها بثمنها 89000 من أبو غالي اللي في شارع الميرغني..بالمناسبة هو مكانه فين سبيركار ده؟

[الريس]

الفروقات بين التركي و الكوري انا قلتها في توبيك منفصل قبل كده
بس باختصار
الكوري عزل الصوت افضل
مرايات اكبر
شوية اوبشنز ظريفة زي لمبات القراءة
اما الموتور و العفشة و الصاج و الدهان كله زي ما هو

[minazaher7]

أنا بافكر أشترى ماتريكس و كنت عايز أعرف هل مع أبو غالى كان فيه مشاكل في الاستلام ؟ يعنى هل ادوك كل حاجة تخص العربية ( زى الكتالوج, و كتيب الضمات..الخ) أصلى سمعت ان التوكيل ساعات بيماطل في الحاجات دى و يقول فى صيانة الألف ابقى استلم الكتالوج.. عشان كدة بفكر أجيبها من أبو غالي وللا اية رأيكو؟؟؟؟