اللي عنده نيو أكسنت يتفضل يقول رأيه فيها

[ezzatfox]

حمادة باشا .. الاكسنت لا تستحق الاقتناء بردة .. دى شالتك 160 الف كيلو يا راجل
و بعدين انا استغربت لما قريت تعليقك و افتكرت كلامك عليها قبل كدة .. هو صحيح انت طول عمرك بتقول العفشة ناشفة و كلنا متفقين على كدة ( طبيعى عشان المساعدين غاز ) و بردة كنت بتقول على حكاية التنطيط بس على خفيف .

ده ازاي الانوس احسن من النيو اكسنت

عموما انا اجرت 2 لانوس

اول وحده زيرو انا اول واحد ماجرها بعد 120 العربيه مش عربيه اساسا انت ماسك الدركسيون بايديك الاتنين والعربيه بتعوم ازاي معرفش

تاني لانوس كانت ماشيه 20 الف فقط مكانتش عربيه اساسا وافضل متكلمش

الميزه الوحيده في لانوس عفشتها ناعمه في النقر والمطبات والقديمه كمان الشيفرليه شكرا عليها

النيو اكسنت عفشه ناشفه محتاجه تحترمها في المطبات وثبات حلو جدا على فئتها هي فقط محتاجه جنط يهدي التنطيط شويه وشكرااااااا العربيه دي احسن حاجه في فئتها وسعرها

وماشيه معايا 150 الف كلهم جري وفحت وزي الفل

ياراجل حرام عليك الهيونداي محترمه برضو

عموما حالات بوزان الاسطوانه والدبرياج في هيونداي فرديه وقليله جدا جدا يعني الي سمعت عنهم في مصر 2 مثلا

اما عن تجربتي الشخصيه وخبرتي مشوفتش اي حد معاه هيونداي بيشتكي من العيب ده خالص

وعربيتي معديه 140 الف كيلو وماشيه زي الفل مغيرتش غير بليه دبرياج على 120 الف ومغيرتش معاهم لا اسطوانه ولا ديسك وماشيه زي الفل الحمد لله

يا جماعه العربيه زي الفل ومفيهاش غلطه فعلا في التقفيل

بس هتبقى لهواه السرعه مش حلوه اوي دي الفكره

انما هي جوده ممتازه فعلا وانا عامه بثق في عربيتي ثقه عمياء

بس هي للاستخدام اليومي والتنقل عمليه جدا جدا جدا

وممكن برضو السفر بيها عادي جدا

بس انا بقول انها مرهقه شويه في السفر خصوصا على سرعات عاليه فوق 150 مثلا

وانا عامه اثق في عربيتي واسافر بيها في اي وقت وبجري واعدي 180 لمده ساعه كمان واكتر

وعمر ما العربيه وقفت مني خالص

دى شوية نماذج من بعض مشاركاتك القديمة ..
و بعدين انا لاحظت انك كنت عامل اعلان عن بيعها و كانت عاملة 13000 كم ... و بعتها بعد فترة و انت عامل 16000 الف كيلو و اعتقد ان طول الفترة دى انت معملتش حاجة فى العربية عشان هتبيع و مش عايز تصرف على العربية و متخسرش فيها ( مش انت لوحدك .. كل المصريين كدة ) و عشان كدة العربية كانت حالتها وحشة معاك .

طبعا ياباشا لسه ماسكه نفسها وفي الغالب العيوب الي عندي من العفشه والكلام ده مش بتتلاحظ الا لو حد عارف العربيه ودارسها ولما بتصلح فيها بيبان عليها يعني بزبط العفشه مثلا واغير كوتشات علطول احس بالفرق تصليح عبله دركسيون مثلا تطلع العربيه كانها جديده وماسكه نفسها جدا بس للاسف بتتبهدل مني بسرعه برضو

بالظبط كدة اى عربية لو الصيانة مظبوطة و بتهتم بالعربية هيبان فيها .. و لو بتهمل فيها هتتعبك و تبقى مش مريحة .

و مبروك يا باشا على الالنترا ال old shape و ربنا يباركلك فيها .

[M.Osman]

هتبقى 100 % لو
1- فيها مرايات كهرباء
2- فيها عداد حرارة
3- فيها الكاسيت الأصلي العريض


في المقابل الريو 1600 فيها الحاجات دي !! ( بس مش متاكد من الكاسيت الأصلي )

لا يوجد مرايات كهرباء في الريو
كانت نزلت في اول دفعة بس !!

there is no kia with 1600 cc in egypt...only 1400 cc

ال1400 اوتو
يوجد 1600 مانيوال

[حماده المصري]

حمادة باشا .. الاكسنت لا تستحق الاقتناء بردة .. دى شالتك 160 الف كيلو يا راجل
و بعدين انا استغربت لما قريت تعليقك و افتكرت كلامك عليها قبل كدة .. هو صحيح انت طول عمرك بتقول العفشة ناشفة و كلنا متفقين على كدة ( طبيعى عشان المساعدين غاز ) و بردة كنت بتقول على حكاية التنطيط بس على خفيف .










دى شوية نماذج من بعض مشاركاتك القديمة ..
و بعدين انا لاحظت انك كنت عامل اعلان عن بيعها و كانت عاملة 13000 كم ... و بعتها بعد فترة و انت عامل 16000 الف كيلو و اعتقد ان طول الفترة دى انت معملتش حاجة فى العربية عشان هتبيع و مش عايز تصرف على العربية و متخسرش فيها ( مش انت لوحدك .. كل المصريين كدة ) و عشان كدة العربية كانت حالتها وحشة معاك .



بالظبط كدة اى عربية لو الصيانة مظبوطة و بتهتم بالعربية هيبان فيها .. و لو بتهمل فيها هتتعبك و تبقى مش مريحة .

و مبروك يا باشا على الالنترا ال old shape و ربنا يباركلك فيها .

شوف يا استاذ عزت انت تعبت نفسك وجبتلي مشاركات قديمه ومشاركاتي القديمه دي بالضبط هي هي رائي في العربيه

الدبرياج عندي كان واطي في الموديلات الجديده علووه ده السبب ان في الموديلات الجديده في عربيات كتير فيها العيب ده والمشاركه دي كانت من فتره كبيره وقبل ما اجرب عربيه موديل جديده وبرضو كان فيها مشكله ونه بتروح لما الدبرياج بتدوس عليه ودي غالبا بتبقى من بليه الدبرياج لانها حصلت معايا على 120 الف كيلو

انا عمري ما شككت في اداء العربيه ك موتور وميكانيكا هما اكتر من ممتازين ده انا مغيرتش الكبالن ولا مره طول ال 160 الف

تقفيل العربيه زي الفل مفيهوش غلطه فعلا اي حد يركب هيلاقي كده مفيش سلوك باينه مفيش فروقات في اي حته التقفيل زي الفل بس الخامات لو هتقيمها مينفعش يتقال عليها معقوله ومش هنتكلم على النقطه دي عشان سعر العربيه الرخيص وهنقول العربيه خاماتها جيدهه بالنسبه للسعر

خد عندك العفشه وحط مليون خط تحت العفشه ناشفه وبتتنطط طب ناشفه دي بلعناها مش مشكله عادي جدا عربيات كتير جدا عفشتها ناشفه

انماالتنطيط ده حاااااااااجه تقرف انا اركب مع ابويا وامي واختي على الطريق امشي 120 ولا 140 محدش يعرف يشرب ميا حتى من التنطيط ليه يعني حرام هوه اه انا عربيتي كانت حالتها تعبانه بس كل العربيات الي جربتها نيو اكسنت كانت بتتنطط زيرو او مستعمل حتى المشاركه الي انت حاططها كاتب فيها ان العربيه للاستخدام اليومي يعني جوه المدينه متمشيش بيها سرعات عاليه


وفعلا العربيه لما بتحط ايدك فيها بترجع زي الفل

وبرضو المشاركه الي بتتكلم عن اللانوس الي انت مقتبسها لسه في اخ معانا هنا قال الانوس زي الاكسنت قولتله لا طبعا الاكسنت افضل وبرضو كانت ان الانوس عفشتها انعم من النيو اكسنت

شوف انا بالنسبالي العفشه الناشفه مبلوعه انما التنطيط ده هما من الاخر موتوا بيه العربيه وهنرجع ونقول برضو العربيه دي المفروض تبقى ارخص من كدا كتير وهي اساسا معملوه للاستخدام اليومي

وانا عن نفسي محستش فرق الثبات والراحه الا لما ركبت عربيات تانيه ومش مستوى عالي لا عادي جدا

انا اديت مثل بالنوبيرا مع اني مش شاريها بس ركبتها كزا مره عربيه مع انها مالهاش لازمه الا انها مبترزعش في المطبات ومش بتتنطط وثباتها حلو على الطرق المستقميه ثباتها حلو متقرفكش الا في الغرز والملفات النيو اكسنت العكس ممكن في الغرز تسعفك شويه عشان صغيره انما سرعات عاليه انسى

[حماده المصري]

على فكره يا استاذ عزت انا مش بشكر في نفسي ولا حاجه بس انا عشان مرضاش اشتري عربيه متبهدله بسعر عالي

انا بعت عربيتي بالرخيص جدا وقولت للراجل على كل حاجه وانا بايعها عفشتها مكانشي فيها اي حاجه خالص غير ان الباور بايز وغالي وقولتله انه غالي وهوه جابه استيراد ب 1500 جنيه وانا اساسا بعت العربيه ب 46 الف


ومعايا دلوقتي النترا الشيب القديم وبرقبه النيو اكسنت وشاريها غاليه برضو ومحتاجه شغل بس عشان شاريها من حد مضمون انه حتى ملبسش بيها مطب قبل كده وبامانه افضل من النيو اكسنت في كل شيء عفشه وسع ثبات راحه كل حاجه

الا الماتور النيو اكسنت افضل بكتيييييييييييييييير خاصه وانها كانت مانيوال والي معايا دلوقتي اوتو


وشكرا على المباركه ليه وياااااارب يرزقك من الحلال وتجيب الي احسن من الاكسنت بمليون مره

[ezzatfox]

شكرا يا باشا على توضيح وجهة نظرك
بس انا من واقع تجربتى العربية ثباتها لغاية 140 زى الفل
و موضوع التنطيط دة بحسة فعلا بس مش علطول .. سرعة عالية وطريق وحش او فية مفصلات عالية .. و بردة مش لدرجة مزعجة تخلينى اكره العربية .
و بالنسبة للسعر هترخص تبقى بكام .. دة الفرق بينها و بين الفيرنا و اللانوس 8000 جنية هتبقى ارخص منهم مثلا ؟؟؟
و كفاية ان العربية قعدت معاك 160 الف مغيرتش فيها الا حاجات بسيطة .

النوبيرا طبعا لازم تكون اثبت لانها عرض قاعدة العجل اكبر و العربية اوطى من الاكسنت و عفشتها ناعمة عشان كدة هتديك ثبات اكتر و راحة اكبر بس فى المقابل واطية و دة مشكلة مع المطبات و عفشتها بتتبهدل بسرعة عكس الاكسنت دة غير فرق الموتور و التقفيل و الاعتمادية .

[AMIRELGOHARY]

there is no kia with 1600 cc in egypt...only 1400 cc

اتأكدى من الوكيل. المانيول 1400 و الاتو 1400 & 1600 بس مش فاكر الاسعار

[mtradwan]

حد عنجه معلومة عن علبة الدركسيون فى النيواكسنت ... ايه مشاكلها ... لانى اشترى العربية خلال ايام... هل اشتريها ام لا؟
وشكرا

[EGYCARS]

و الله يا شباب مش عارف أقول ايه
مشاركات فعالة جدا و نقاش مفيد جدا جدا

من الطبيعي جدا ان يكون في خلاف علي أي عربية ... و خصوصا في الفئة دي اللي هي التطور الطبيعي لعناء المواصلات و حلم اقتناء سيارة
أنا كل هدفي ن الموضوع اننا (أنا و كل اللي بيفكر يشتري الاكسنت و متردد) نوصل لرد مريح
هل العربية دي مشاكلها كتير و لا محدودة؟
هل المشاكل دي رئيسية و لا فرعية؟
هل تمنها فيها (بغض النظر عن أسعار السيارات في مصر و المبالغ فيها جدا جدا خصوصا بعد ما التوكيل بيشيل كل حاجة باعتبارها اوبشن)
و في الأخر هل العربية تستحق الاقتناء و لا لأ؟

[EGYCARS]

ربنا يبارك لكل من شارك برأية عشان يفيد غيره
و يا ريت مشاركات أكتر يا شباب ... المناقشة دي مفيدة لكل اللي عايزين يشتروها

[mtradwan]

ليه مفيش حد عايز يرد عليا؟

[حماده المصري]

علبه الدركسيون الموديلات الجديده ان شاء الله مفيهاش مشاكل

الموديلات القديمه احيانا الباور بيفصل تطفى وتدور يرجع تاني

على فكره قصه علبه الدركسيون دي لو دورت عليها خمسه هتلاقيها في كل حته في المنتدى واتكتب عنها كتير

[EGYCARS]

ليه مفيش حد عايز يرد عليا؟

أهو الراجل رد عليك أهو ... بس الموضوع بياخد وقت عشان الناس تشوفه برضه


لسه عندي أمل في مشاركات الملاك أكتر من كده يا شباب

[OSaMa.GHaMrY]

بصراحه انا عجبانى العربيه جدا وركبتها فى المعرض وماشاء الله عليها والله بالنسبه لسعرها ده جميله جدا والصالون جميل والشنطه جميله وماتور وشكل بصراحه جميله جدا وان شاء الله ربنا يتمم بخير واستلم خلال الاسبوع ده

بالتوفيق واهم حاجه صلاة الاستخااره قبل كل شئ

[karakero]

هو زى ما هو واضح من الردود المشكله الرئيسيه عند الناس هى العفشه و الثبات و التنطيط ... انا معايا نيو اكسنت 2010 اوتو ماتيك عامله 15000 كم
العربيه ممتازه فى كل الجوانب معايا لحد دلوقتى (سحب, تقفيل بالنسبه لسعرها, عزل الصوت, التكييف, المساحه الداخليه)
بالنسبه للعفشه هى فعلا ناشفه, بس مش لدرجه لا تحتمل يعنى .. و زى ما الناس قالت فى عربيات كتير عفشتها ناشفه .. و ده عشان عفشه رياضيه و هيديك عمر اطول ليها

موضوع الثبات و التنطيط .. فعلا العربيه صعبه اوى فى الموضوع ده .. بس زى ما انا كنت كاتب موضوع عن الكلام ده قبل كده .. العربيه و الله محتاجه جنط 15 بس مش اكتر .. انا جبت الجنط و انا عارف انه هيحسن العربيه بس متخيلتش ابدا انه هيبقى للدرجه دى
العربيه تقلت جدا .. مسكت الارض اكتر بكتير و ده طبعا خلى الثبات ممتاز سواء على سرعات عاليه او فى الملفات ... الفرامل كمان بقت اقوى كتير و وقت ما بعوز العربيه تقف ببقى واثق من الفرامل .. و اخيرا التنطيط قل كتير جدا .. بقى فى بس تنطيط بسيط اوى مش اى حد يلاحظه و لو خدت مطب هوا جامد بسرعه عاليه شويه
و الاخ اللى كان بيقول لما بيركب مع عيلته مش بيعرفوا يشربوا ميه .. مش عارف كنت بتاخد بالك من ده و لا لا .. بس المفروض انك لو محمل العربيه تزود ضغط الهوا ل 33 .. انا كنت فاكر فى الاول ان الكلام ده مش بيفرق و انه تناكه اجانب .. بس فعلا فرقت كتير جدا جدا جدا

الخلاصه .. العربيه مش احسن عربيه فى الدنيا و ليها عيوبها .. بس انت تشوف اهتماماتك و لو العيوب دى تقدر تستحملها فاتكل على الله
العربيه ممتازه .. استهلاك بنزين كويس جدا .. كماليات معقوله .. بتجرى حلو .. شكلها جميل ... قطع غيار رخيصه عموما و ان كانت غاليه بالنسبه لمعظم سيارات هيونداى .. عيبها بس العفشه و الثبات و التنطيط, ليه كذا علاج يقللهم جدا و ممكن تتعايش معاهم بشكل كبير

و ربنا معاك بقى :)

[attaromar]

اكسنت اوتوماتك 2010 زي الفل