الي اصحاب الفيرنا 2009 و 2010

[shooda2020]

عايزين نعمل موضوع جامد هو ان كل واحد يقول ايه اخبار الفيرنا بتاعته بدأ من 2009 و 2010 لان فيه ناس بتقول 2010 علوها شويه انا جايب 2009 برضه عاليه سنه و علبه الشكمان مرفوعه يعني شكلها مش قبيح زاي الموديلات القبليها تحس ان فيه حاجه مدلدله منها شكلها بيكون وحش لكن 2009 و 2010 تمام بس انا عايز اعرف هي عربيه يعتمد عليها و لا لا؟؟؟
انا العيب الوحيد الفيها طبعا الفرامل ضعيفه و سو ء جوده التقفيل
سوال تاني علي الماشي
هو ينصح كل كام كيلو اعمل ظبط زوايا و ترصيص
شكرا

[shooda2020]

انا حاسس اني قولت ماحدش معاه بوجاتي فيرون bugatti veron

[plankton]

انا معايا فيرنا 2010 مانيول فول ابشن
انا عملت بيها 1030
هيا مش واطية خالص ولحد دلوقتي محكتش في ولا مطب وعلبة الشكمان مشفتهاش لحد دلوقتي واظن ان السبب انها ممكن تكون فعلا مرفوعة
بس فيه شوية حاجات كده مش مريحاني
اولا جاية مترصصة من التوكيل بس متكروتة يعني الدركسيون معووج وبعد ال100 بترجرج جامد وكل الناس نصحوني معملش ترصيص ولا زوايا في التوكيل واعملها بره
ثانيا بعد ال120 سحبها مش مظبوط - يعني مش زي ما بسمع عن الفيرنا!!
ثالثا الفرامل ضعيفة جدا جدا جدا - انا كان قبلها معايا اكسيل وكانت فراملها اجمد من كدة بشوية حلوين
رابعا حاولت انهارده ازود عن ال140 بعد مكنت كسرت ال 1000 حسيت انها مش راضيا تسحب بعد كده !!

مش هتكلم عن التقفيل ولا الخامات لان دي مش فرقا معايا ومش مضيقاني
بس في المجمل انا شايف انها كويسة ومناسبة لسعرها ويعتمد عليها

ملحوظة: لو حد يعرف اذا كان للتوكيل مراكز خدمة معتمدة مثلا و لو فيه في الهرم او فيصل يريت يقول

[plankton]

شكلك فعلا بتتكلم علي Bugatti Veyron :D

[shooda2020]

انا مارضيتش اجيبها علشان واطيه علي الارض
دي اوطي من الفيرنا يا عم :))))))

[plankton]

انا جبتها ورجعتها عشان اخرها 407 km بس :D

[plankton]

بس خلي بالك الفيرنا 2010 مش واطية اطلاقا

[shooda2020]

الوطيان عمره ماكان عيب بدليل الفيراري لامبورجيني بورش الباسات الانسر كمان
العيب ان العربيات دي بتنزل مصر اصلا لان مصر بلد لا يصلح فيها غير يا اما الحنتور يا الكارو يبقي المفروض يعملو ليهم تكييف و يحطو علي الحميير كبوت ههههههههههههههه
المهم بقي امتي شوارع مصر المتعوسه تنضف حراااااااااااااااااام بجد

[shiko85]

ملحوظة: لو حد يعرف اذا كان للتوكيل مراكز خدمة معتمدة مثلا و لو فيه في الهرم او فيصل يريت يقول

مركز برقان 41 شارع العريش "مركز خدمه معتمد"

[plankton]

انا رحت واحد تاني في ادغال المريوطية
بس الصراحة من ساعتها وانا مقلق منه