تكييف الفيرنا

[hossammagic]

السلام عليكم جميعا انا اشتريت الحمد لله فيرنا 2010 و عمله معايا 450 كم و المشكلة انى كل مشغل التكييف بتعها الاقيه مش بيسقع خالص مهمى اعليه ارجوكم سعدوني هيا كده الفيرنل كلها ولا انا بس و شكرا مقدما على ردودكم

[shooda2020]

يا باشا تكييف الفيرنا تلاجه
دي الحاجه الوحيده المخليه القيرنا بتتباع لحد دلواقتي هيا و رخص قطع غيارها
اول حاجه حضرتك المفروض ماتشغلش التكييف اول 1000 كيلو بس لو فعلا مش بيعمل حاجه روح علي التوكيل و هما هايظبطووك

[pido132]

انا كمان عندى نفس المشكله
التكييف بحس انو ملوش لزمه

[shouk_1987]

لأ يا جماعة طبعا كده فى حاجة
أنا جربت التكييف وأنا باستلم العربية (2010) و كان تمام الحمد لله
عليكوا و على التوكيل

[hossammagic]

بعد اذن حضرتكم هما المفروض هيعملو ايه في التوكيل و ده يعتبر مشكله و تصليحه صعب يعنى هو بيطلع هواء بس مش ساقع انا اتخناءت منها و خصوصا انها اول عربية زيرو اركبها

[khaled_rafea]

تكييف الفرنا افضل تكييف عربية شوفته لحد دلوقتى, لو حضرتك متأكد ان الكباس لاقط و مفيش مشكلة فى الكهرباء يبقى تتطلع على التوكيل

[د.محمود صلاح]

إتأكد ان التكيف مش على الدفاية وإن زر التكييف الأخضر منور ...

وبعدين لو المشكلة لا زالت موجودة

يبقى >>>>

التوكيل ... وأمرك لله .

[mazharsafwat]

إتأكد ان التكيف مش على الدفاية وإن زر التكييف الأخضر منور ...

وبعدين لو المشكلة لا زالت موجودة

يبقى >>>>

التوكيل ... وأمرك لله .

مظبوووووووط اتاكد من انك مشغل زرارac/cواعطاك اللون الاخضر وكذلك سهم مكان الهواء على صورة الشخص اللى الهواء عليه من ناحية الوجه والارجل... ومعلهش عندى مشكلة فى رفع الصور كنت بعت ليك الدليل

[hossammagic]

اشكركم على تعاونكم جميعا و ردودكم و انا هبص عليها تانى و معلش ممكن تقلولى هيعملولى فيها ايه في التوكيل عشان اكون عارف

[د.محمود صلاح]

هيكشف على دايرة المكيف وهيشحنها اكيد ولو فيه تسريت هيتم معالجته

[bona]

معلومة بس اصل انا كنت بعمل كده ف الاول . . بلف البكرة و مدوسش علا زرار ac . . كنت فاكرة بايظ بس بجد هو فعلن تلاجة . . معايا 2010 . .