غبور هايعملها بجد ولا ايه :) جينسيس كوبيه فى إعلان النهارده

[Hosam_Optrawy]

السلام عليكم

النهارده نزل اعلان كبير لهيونداى فى ملحق السيارات الاهرام وفيه كل الموديلات تقريبا

i30 - أكسنت سبورت - النترا - ماتريكس - سانتافى - فيرنا - H1 - جيتز - i20 - اتوس - i10

وقدامهم تلات وحوش

سوناتا 2011 - توسان ix35 - جينسيس كوبيه

انا كنت قريت فى المنتدى ان الجينسيس كوبيه نازله بس مكنتش مصدق

وبعد ماشفت الاعلان دا برضه مش مصدق :)

والسبب هو الموتور والسعر

حسب موقع هيونداى العالمى وهيونداى كوريا الجينسيس كوبيه ليها موتورين

واحد 3800 سى سى 303 حصان

وواحد 2000 سى سى تربو 210 حصان

يعنى مفيش موتور مناسب لمصر

هانفترض ان هاينزلها بال 2000 تربو

هاينزلها بكام ؟ هاتنزل تنافس ايه بالظبط ؟ هاتبيع كام عربيه ؟

طب السوناتا ومعروف انها هاتبقى فى حدود 280 - 300 زى التوسان ix35

لكن الجينسيس ايه بقى :)

كدا كدا كلها ايام ونعرف

بس برضه حابب اسمع توقعاتكم

فى انتظار مشاركتكم

[Kareem_A]

يا باشا عربية زاى دي سعرها مش هيقل عن ٥٠٠ - ٦٠٠ الف جنيه بأي حال من الاحوال

عربية زاى دي طبعا ملهاش موتور مناسب لمصر , مستحيييييييييييييييييييل تنزل بموتور ١٦٠٠

اكيد حضرتك عارف ان الجينيسيس هي فخر الصناعة الكورية في الاساس و هي ثمرة خبرة السنين لهيونداي

فما بال حضرتك الكوبيه بتاعتها !!

[hazem89]

كنت عاوز استفسر الموديلات الجديده دى نازله امتى عشان انا ناوى ان شاء الله اشترى i30 ياريت حد يجاوبنى

[aly_hosny]

بس الاكسنت الجديدة مش نازلة في الاعلان

[mody07775000]

الاكسنت السبورت بس هيا الي في الاعلان

[Hosam_Optrawy]

يا باشا عربية زاى دي سعرها مش هيقل عن ٥٠٠ - ٦٠٠ الف جنيه بأي حال من الاحوال

عربية زاى دي طبعا ملهاش موتور مناسب لمصر , مستحيييييييييييييييييييل تنزل بموتور ١٦٠٠

اكيد حضرتك عارف ان الجينيسيس هي فخر الصناعة الكورية في الاساس و هي ثمرة خبرة السنين لهيونداي

فما بال حضرتك الكوبيه بتاعتها !!

انا عارف ياباشا يعنى ايه جينسيس

بس احنا فى مصر

مين هايشتريها بالاسعار دى ؟؟

كنت عاوز استفسر الموديلات الجديده دى نازله امتى عشان انا ناوى ان شاء الله اشترى i30 ياريت حد يجاوبنى

لو تقصد موديلات 2011 فاعتقد انها قربت اوى

بس الاكسنت الجديدة مش نازلة في الاعلان

ومين قال انها نازله

العربيه لسه مابتتباعش فى اى حته

معرض الفورميلا بقى وعليك خير

الاكسنت السبورت بس هيا الي في الاعلان

والعربيه الوحيده اللى محطهاش هى النيو اكسنت الشكل العادى

مش عارف دى مقصوده ولا ايه

[M.almaghraby]

عربية تحفة تحفة الجينيسس دي

و علي فكرة ليها زباين زيها زي ال wrx زي الحاجات دي

[hazem89]

لو تقصد موديلات 2011 فاعتقد انها قربت اوى

شكرا يا باشا على الاهتمام بس كنت عاوز اعرف هى حتنزل امتى موديلات 2011 عشان انا كنت ناوى اشترى i30 على شهر 7 ان شاء الله وهل شكلها حيتغير ولا حتفضل نفس الشكل و سعرها حيغلى ولا حيرخص ولا ايه باضبط عشان الواحد ميستعجلش بس شكرااا

[د.محمود صلاح]

الجينيسيس شبه اللكزس كده في كل حاجة ..

[M.Osman]

الله عليك بجد يا حسام

انا مشترتش الاهرام النهاردة بس انت جبت المفيد

انا شايف انه طالما نزل الموديلات دي كدا في الإعلان يبقى ان شاء الله هنشوفهم في المعرض

انا مبسوط ان السوناتا الجديدة نزلت في إعلانات غبور بسرعة كدا !!

بالنسبة للجينيسيس كوبيه ... هتكون خطوة جريئة جداً من غبور

تفتكروا عربية زي دي ممكن غبور يجمعها ؟؟

بس حد خد باله من رأس الهرم الغبوري ...؟؟؟ ههههههههه

[tareksakr]

اللي ما حدش يعرفه ان غبور باشا هيغلي أسعار كل موديلات هيونداي ابتداء من 1-6 4000 جنيه

[placebo_sh82]

ازاى يعنى ده الجيتز فى اعلان النهارده نازلة 3000 جنيه

[yehia]

طب بما ان السوناتا لجديدة خلاص نازلة هنا في مصر .......

يبقى ايه مصير السوناتا الشكل القديم اللي بيجمعها غبور ولسة بيبيع فيها لحد دلوقتي.... حترخص ولا حتتوقف ولا حتستمر مع السوناتا الجديدة ولا ايه الوضع بالضبط ؟

[Ahmed Samy]

طب

لو


نزلت


1600


يبقى ازي الحـــــــــــــــــــــــــــــــــــــــــــــــ ـــــــــــال ؟؟؟

[Kareem_A]

طب

لو


نزلت


1600


يبقى ازي الحـــــــــــــــــــــــــــــــــــــــــــــــ ـــــــــــال ؟؟؟

لو نزلت 1600 سي سي سعرها هيعدي جامد برده و مظنش هتقل عن 250 الف جنيه

و بصراحة , لو حصل في الدنيا دي و غبور عرف يقنعهم انه يجيبها 1600 سي سي ....... يبقى حرام فيها الفلوس