مركز خدمة عملاء هيونداي ترحب باى شكوى من مالكي هيونداي

[semsem85]

افضل زيت هو 20w50

شكرا استاذ احمد علي اهتمامك
بس مش عارف انا اللي مش فاهم ولا مش عارف اوصل انا عاوز ايه
يعني ايه 20w50
اروح اقول لبتاع الزيت ايه عاوز 20w50
دي حاجة زي شل وموبيل يعني

[semsem85]

بالنسبة لنوع الزيت لا يمكن التوصية علي نوع محدد و لكن يمكن التوصية علي مواصفات الزيت ... و زي ما أحمد قال 20-50 ممتاز و 20-40 كويس برضه بس 20-50 أفضل و لكن هايكون سعره شوية أغلي ... شوف خليك في الماركات الكبيرة ...

تحياتي ..

شكرا بشمهندس عاطف علي اهتمامك
يعني ايه 20-50 او 20-40 بجد مش فاهم
وايه هي الماركات الكبيرة دي حاجة زي شل وموبيل
ياجماعة انا كنت بضع في الفيورا قبل كده شلx100 وبس ومعرفش هو 20-10 ولا 20-30

[Hyundai-CRM]

لماذا يتم تغيير الزيت من فتره إلى أخرى ؟
يحتوي كل نوع من الزيوت على نسب معينة من الإضافات الكيمائية والتي تهدف لتحسين كفاءة الزيت التشغيلية.
يمكن أن يتلوث الزيت بفعل الأوسـاخ والترسـبات وتسـرب الوقـود وذلك في وقت قصير جدا.
عادة يحدد صنّاع شركات السيارات فترة تغيير الزيت وذلك بعد أن تكون السيارات قد قطعت مسافة معينة تحت ظروف التشغيل العادية.



ماهي اللزوجه ؟
تم تعريف اللزوجة بأنها قياس مقاومة السـوائل للانصباب.
قامت جمعية مهندسي السيارات بتصنيف لزوجة زيوت السيارات بدرجات لزوجة مختلفة الأرقام 30 ، 40 ، 50 .
وكلما كان الرقم أعلى، كانت كثافة الزيت أعلى وكان تفاعله أثناء التشغيل تحت درجات حرارة مرتفعة، أعلى أيضاً.
تستخدم الزيوت ذات الأرقام الأدنى وهي زيوت ذات كثافة أقل ولزوجة أقل، في الأجواء الباردة وذلك لأنها تنساب بسهولة ويرمز إليها بالحرف الإنجليزي " W " الموضوع بالقرب من درجة الزيت الموضحة على العبوة.
إن الزيوت ذات الدرجات المتعددة – 5w - ، - 10w ، - 20w الخ ... تناسب ظروف التشغيل في درجات حرارة منخفضة وعالية. يتم تصنيف لزوجة زيوت التشحيم المصنّعة خصيصا للاستخدامات الصناعية وفق درجات معايير هيئة المواصفات العالمية (آيزو ).


كيف يتم تصنيع الزيوت؟
يعتبر زيت التشحيم من الدرجة أيه بي آي/ أس أل/ سي أف ( Api / Sl / Cf ) هو الأفضل لمحركات البنزين في حين أن الزيت أيه بي آي / سي أتش 4 ( Api / Ch4) هو الزيت المثالي لمحركات الديزل. إن كافة الزيوت التي تفي بمعايير مرسيدس بنز 228.3/228.5 جميعها جـيدة.

تحياتي ...

[AHMEDCAR]

الف شكرا استاذ عاطف على التوضيح

[semsem85]

لماذا يتم تغيير الزيت من فتره إلى أخرى ؟
يحتوي كل نوع من الزيوت على نسب معينة من الإضافات الكيمائية والتي تهدف لتحسين كفاءة الزيت التشغيلية.
يمكن أن يتلوث الزيت بفعل الأوسـاخ والترسـبات وتسـرب الوقـود وذلك في وقت قصير جدا.
عادة يحدد صنّاع شركات السيارات فترة تغيير الزيت وذلك بعد أن تكون السيارات قد قطعت مسافة معينة تحت ظروف التشغيل العادية.



ماهي اللزوجه ؟
تم تعريف اللزوجة بأنها قياس مقاومة السـوائل للانصباب.
قامت جمعية مهندسي السيارات بتصنيف لزوجة زيوت السيارات بدرجات لزوجة مختلفة الأرقام 30 ، 40 ، 50 .
وكلما كان الرقم أعلى، كانت كثافة الزيت أعلى وكان تفاعله أثناء التشغيل تحت درجات حرارة مرتفعة، أعلى أيضاً.
تستخدم الزيوت ذات الأرقام الأدنى وهي زيوت ذات كثافة أقل ولزوجة أقل، في الأجواء الباردة وذلك لأنها تنساب بسهولة ويرمز إليها بالحرف الإنجليزي " W " الموضوع بالقرب من درجة الزيت الموضحة على العبوة.
إن الزيوت ذات الدرجات المتعددة – 5w - ، - 10w ، - 20w الخ ... تناسب ظروف التشغيل في درجات حرارة منخفضة وعالية. يتم تصنيف لزوجة زيوت التشحيم المصنّعة خصيصا للاستخدامات الصناعية وفق درجات معايير هيئة المواصفات العالمية (آيزو ).


كيف يتم تصنيع الزيوت؟
يعتبر زيت التشحيم من الدرجة أيه بي آي/ أس أل/ سي أف ( Api / Sl / Cf ) هو الأفضل لمحركات البنزين في حين أن الزيت أيه بي آي / سي أتش 4 ( Api / Ch4) هو الزيت المثالي لمحركات الديزل. إن كافة الزيوت التي تفي بمعايير مرسيدس بنز 228.3/228.5 جميعها جـيدة.

تحياتي ...

معلش بشمهندس عاطف انا عارف ان اسئلتي كتير
طيب منين اعرف نوع الزيت المناسب لسيارتي
ودرجة الكثافة اللي تناسبه

[semsem85]

مع العلم ان العربية مش قديمة اوي موديل2000 وانا شايف حالة الماتو جيدة احدد الزيت المناسب ازاي مع العلم ان في انواع كتير في السوق
زي محضرتك عارف وشكرا

[Hyundai-CRM]

كل زيت مواصفاته مكتوبه علي العلبة ... و دليل مالك السيارة به مواصفات الزيت الموصي بها من قبل المُصنع.

تحياتي

[dr_walid]

سوال فنى

:b4_556:السلام عليكم
هى صيانة ال100000 ممكن اعرف حالة العربية و الحاجة اللى محتاج اغيرها و يعنى اية ضبط الموتور الكترونيا

[Hyundai-CRM]

أيه نوع العربية؟
بس عموما لو تراجع أقرب مركز خدمة ممكن يقولك ايه حالة العربية بالضبط.
تحياتي

[dr_walid]

اكسنت 1500 99

[Hyundai-CRM]

عربية حلوة ... ما شاء الله
روح بيها لأقرب وكيل و أطلب الكشف عليها

تحياتي

[Hisham_ElFeky]

بشمهندس والدتي بالعربية الماتريكس أول مرة تركبها للأسف كانت رافعة الهاند بريك ومشيت مشوار حوالي ٥ كلم وبعدين راحت شغلها وهيا نازله اكتشفت الموضوع ولقيت فيه دخان والعربية قفشت وبعدين أحد زملائها في العمل قرص علي العربية وبعدين داس فرامل فا فكت عايز أجي أكشف عليها وأعمل صيانة ال١٠٠٠ هيا دلوقتي ٧٠٠ كلم فالمفروض أعمل ايه يا بشمهندس وهل فيه حجز ولا اروح علي طول ؟؟

[Hyundai-CRM]

فرامل + عربية الوالدة = تيجي في أي وقت بدون حجز بس يا ريت أول اليوم يعني قبل العاشرة صباحا طيلة أيام الأسبوع.

تحياتي

[Karim_Monir]

يعني أنا قد كده يا أستاذ كريم ... أنت عارف و الله انا قد أيه بعزك و بحترمك و أنت عارف أن ليا الشرف أن أكون بصحبتكم أن شاء الله ... و الله انا علي المنتدي بقوم بدورين ... شغلي و أخوتي ليكم ... و أخوتي ليكم شرف كبير لي ...
ربنا يجعلنا جميعا عند حسن ظننا ببعض و يجمعنا علي طاعته و حسن عبادته ...
أن شاء الله معاكم ...

ده عشان بحبك والله يا باشا
ولما هشام الفقي قاللي هاجيب ماتركس لوالدتي (وطبعا هايبرشط عليها انا عارفة) قولتلة يا بختك تبقي هاتشوف مهندس عاطف كتير
ربنا يديم المعروف ويخليك للاعضاء
ونشوفك الجمعة على خير
في رعاية الله

[semsem85]

كل زيت مواصفاته مكتوبه علي العلبة ... و دليل مالك السيارة به مواصفات الزيت الموصي بها من قبل المُصنع.

تحياتي

انا عارف ان انا زودتها
بس اعذرني انا لسه شاري العربية تقريبا من شهر ونص وللاسف ماخذتش دليل مالك السيارة من اللي اشتريت منه
انا عندي فكرة هكلمك في التليفون احسن