مركز خدمة عملاء هيونداي ترحب باى شكوى من مالكي هيونداي

[elazomy]

أنا من أسكندرية اشتريت فيرنا 1600 مانيول من شهر ونص و كاعادة اتخبطت من الرفرف الشمال الي اتطبق لجوة و بقي شكله سيئ جدا ... اتصلت بتوكيل هيونداي ف أسكندرية قالولي احنا ماعندناش سمكرة ... طيب يا جماعة أيه الحل قالوا شوف عند سمكري بره ....
فكرت اغير الجزئ ده من الصاج كله ( الرفرف ) كلمت قطع غيار هيونداي ... قالي احنا حنديك الرفرف من عندنا وانت ترشه برده بره وشوف الميكانيكي بتاعك حيقولك علي حد بيرش كويس .... وانا مش عارف بره ده فين بالظبط وحيبقي كويس ولا أي كلام و الأحسن لسعر العربية عند البيع اني اغير الصاج ولا السمكرة علي البارد ولا الرش ولا أيه انا عاوز العربية ترجع زي ماكانت دي لسه زيرو ؟؟ ارجو المساعدة يا جماعة لأني فعلا محتار ؟؟

[ashraf122]

مشكلة حصلت فى مركز الهياكل النهاردة والصراحة المدريين فى ابورواش ناس محترمه جدا و تم حل الموضوع وفعلا ده اكبر اثبات انهم بيخافوا على العملاء وعلى فكرة المشكلة اللى حصلت بسبب غلطه موظف صغير و اغلب الناس اللى اشكتكت من غبور بسبب غلطات اواهمال العامل المصرى ودة والحمدالله فى كل حتة فى مصر.
بس فعلا لما لجأت للمدريين لحل المشكلة ، الناس فى منتهى الذوق وانا بعترف بعد الموقف دة توكيل غبور توكيل محترم
انا مش حقول اسماء علشان محدش يقول انى بنافق ، بس دة شهادة حق لناس محترمه

[elazomy]

ياعم الحاج ايه الي انت بتقوله ده ... طيب ما اهو انا في مشكلة دلوقتي تقدر تقولي بقي عملي أيه توكيل هيونداي يعني علشان سمكرة بسيطة اضرب مشوار لحد ابو رواش ... يعني ايه توكيل اسكندرية ما فيهوش سمكرة ... بس فالقينا طول النهار والليل أعلانات في التليفزيون ... توكيل غبور ... توكيل غبور ... يلا حسبي الله ونعم الوكيل

[mohamedok]

السلام عليكم ورحمة الله وبركاته

خالص شكرى وتقديرى لك يا باشمهندس على هذا الجهد الرائع والمميز والذى كان سبب رئيسى فى اعادة وضع هيونداى فى مكانها اللائق كقائد مميز فى سوق السيارات بمصر........ اكرر تحياتى وارجو لك التقدم دائما والتفوق على نفسك

لدى مشكله بسيطه فى سيارتى الفيرنا الفيفا 1500سى سى فانا اشترتها كسر زيرو وكانت عامله 10000 كم والان هى عامله حوالى 18000 كم ومالك السياره الاول كان متابع لعمليات الصيانه بانتظام فى مركز ابو رواش وعندما اشتريت السياره منه تابعت الصيانه الدوريه فى مركز ابو غالى العبور لانه قريب منى فانا من الاسماعيليه وعملت هناك صيانتين الاولى كانت عند 12000 كم وعملت فيها كشف كامل على السياره والثانيه كانت صيانة ال 15000

والمشكله ظهرت فى الصيانه الاخيره لما المهندس عند ابو غالى سمع صوت صفاره فى الموتور والصفاره ديه بتروح لما يدوس دبرياج سألت المهندس قالى ده عيب فى بلية الدبرياج والعربيه لسه مكملتش ال20000 كم وده عيب فى الصناعه ولازم تروح ابو رواش علشان همه هناك هيستبدلوا البليه ديه باخرى تكون سليمه وسألته هو ممكن يكون هذا العيب نتيجه لانى حولت السياره لغاز طبيعى قالى لو الغاز عمل مشكله هيعملها فى الموتور مش فى الفتيس والدبرياج يا فندم ده عيب البليه مش كويسه روح ابو رواش وهمه عارفين العيب ده وهيغيروهالك علطول وبصراحه حاولت معاه انه يعملها فى ابو غالى بس قالى ان عربيتى لازم تروح ابو رواش لانهم همه بس الى بيستبدلوا وبيصلحوا مثل هذه العيوب

طبعا يا باشمهندس انا بصراحه قلقان من مشوار ابو رواش لانه بعيد فانا من اسماعيليه فارجو من حضرتك انك تحددلى موعد هناك بحيث تحل هذه المشكله فى نفس اليوم ويكون لديهم خلفيه عن مشكلة السياره ليتم الاستبدال والاصلاح علطول

على فكره السياره انا حولتها من اسبوع لغاز طبيعى لانى خليتها تاكسى اسماعيليه علشان اشتغل عليها بعد مخاص شغلى بعد الظهر

اخيرا خالص تحياتى ومودتى

مهندس زراعى/ محمد السيد

[sh23]

أستاذ / عاطف

[AHMEDCAR]

يا جماعه استاذ عاطف مشغول جدا جدا اليوميين دول اللى محتاج حاجه و عايز رد سريع ياريت يكلمه على الموبيل

[sh23]

الأخ الفاضل / مهندس عاطف
تحياتي
نوع السيارة : ماتريكس 2008
المشكلة : صوت مروحة التكييف التكييف عالي جداًً ومسموع خارج السيارة وكمية الهواء الخارجة من فتحات التكييف لا تتناسب مع هذا الصوت العالي
مع الأخذ في الأعتبار أن درجة البرودة معقولة
فهل هناك حل لهذا الصوت المرتفع ولزيادة كمية الهواء الخارج من فتحات التكييف
لك خالص شكري وتقديري

[Hyundai-CRM]

السلام عليكم
آسف للتأخير
أرجو الأتصال علي الموبيل الموضح أدناه حتي يتم ترتيب زيارتك لمركز الخدمة
تحياتي

[a_tantawy7]

أستاذ عاطف
السلام عليكم,
أولا كل التقدير للجهد المبذول من جانبك للمساعدة في ايجاد حلول لمشاكل عملاء هيونداي غبور.
ثانيا لدي مشكلة في سماعات السيارة, حيث أسمع صوت زنة من كلتا السماعتين وخصوصا السماعة اليسرى بمجرد تعلية الصوت قلبلا. (السيارة i10.)
المشكلة الأكبر أني كنت بعمل صيانة ال5000 من حوالي أسبوع و أخبرت مهندس الصيانة عن هذه المشكلة و أسمعته صوت السماعات بنفسه فأبلغني أن العيب ربما يكون من أحد الفيوزات أو من السماعة نفسه ووعدني بحل المشكلة ولكنه ابلغني أنه لحل المشكلة فسوف أتأخر في استلام السيارة حتى الساعة السابعة مساء - علما بأن ميعاد حضوري كان الساعة الثانية ظهرا - الهم أبلغته بموافقتي على التأخر قليلا في مقابل حل المشكلة.
وبعد انتظاري حتى الساعة 7,30 مساءا فوجئت بأن المشكلة لازالت موجودة و كأن أحدا لم يلتفت اليها.
طبعا أخدت العربية ومشيت وأنا في منتهى الاستياء ولكن من شدة ارهاقي لم أقوى حتى على البحث عن المهندس المسئول وبالمناسبة أسمه (حسن صلاح .) على ما أذكر.
شكرا جزيلا سيدي.
أحمد طنطاوي.

[a_tantawy7]

عفوا أستاذ عاطف, استكمالا لرسالتي السابقة, هل أطمع أن تساعدني في حل هذه المشكلة علما بأني على أستعداد للحضور لمركز الخدمة في أي وقت.
شكرا سيدي.

[congestal]

ارجو الرد سريعا
اريد معرفة ما الفرق بين الهيونداي الانترا الخليجي و الانترا غبور
و لماذا الي حد الان الانترا 2008 و الخليجي 2009
و امتي الانترا 2009 ها تنزل علي العلم اني حاجز النترا 2009 فرع غبور عمارات العبورمن شهر و الي الان لم تنزل 2009
و شكرا

[congestal]

عايز اعرف الانترا بفتحة سقف ما نزلتش هنا ليه بضمان غبور و كل الموجود بفتحة سقف خليجي

[sh23]

السلام عليكم
آسف للتأخير
أرجو الأتصال علي الموبيل الموضح أدناه حتي يتم ترتيب زيارتك لمركز الخدمة
تحياتي

**********
الأخ الفاضل / عاطف ...... لك تحياتي
* أولاً :- شكراً لأهتمامك
*ثانياً :- ذهبت إلي أبي رواش يوم الجمعة الماضية 31/10 بدون حجز لإجراء صيانة ال 20000 كم & وقابلت مهندس / أحمد فريد والأستاذ/ اسامة أديب والأستاذ/ خالد (لعلني لم أخطئ في أسمة ) وأقنعوني جميعاً بالأشتراك في خدمة الصيانة المتنقلة .
*بالنسبة للشكوي من التكييف فقد ابلغتهم بها وبالفعل تم اللازم والتكييف اختلف تماماً بل أصبح أفضل من يوم ما أستلمت السيارة عند شرائها .
*كان هناك مشاكل أخري نسيت أن أذكرها لهم منها أن ال RPM بيكون عالي فوق ال 2000 عند بداية تشغيل المحرك صباحاً وأحياناً عند الضغط علي الدبرياج وكمان كان فية شعور بأن العفشهة بتهبد في المطبات وخصوصاً من ناحية العجلة الشمال الخلفية .... وبالرغم من عدم ذكري لهاتين المشكلتين فقد تم حلهما تماما والشعور مختلف تماماً .
* ملاحظة عامة ان العربية فاقت وسحبها اصبح أفضل
* الأهم أن كافة أعمال الصيانة انتهت فيما يقرب 75 دقيقة من لحظة دخول السيارة حتي أستلامى لها وتجربتها والخروج من مركز الصيانة
لذا فالشكر واجب للأخوة الأفاضل السابق ذكر أسمائهم علي حسن الأستقبال وشكر خاص للأستاذ/ أسامة أديب الذي اقنعني بالأشتراك في برنامج الصيانة المتنقلة رغم أنة مكلف (1000 جنية تدفع مرة واحدة عند الأشتراك في هذا البرنامج )
وأتمني أن يظل مستوي الخدمة علي هذا النمط
طبعاً قد يري البعض أن المبلغ المدفوع كبير لكن المميزات تستحق

1. إجراء الصيانة في أي وقت وأي مكان داخل القاهرة الكبري حسب إختياري
2. عند ذهابي للتوكيل بدون حجز سيتم إنتهاء أعمال الصيانة خلال ساعتين كما سيتم منحي خصم خاص علي أسعار قطع الغيار والمصنعيات (7.5% & 5 % )

[Hyundai-CRM]

الفرق بين الألنترا الخليجي و الألنترا من غبور هو ليس ثابت و عادة بيكون في الأوبشنز الخاصة بالعربية ... ممكن تيجي من غبور بأوبشن أكتر و ممكن تيجي خليجي بأبشن أكتر ...بالأضافة انه عند تصنيع أي عربية يراعي ظروف الدولة المصدرة ليها ... حسب التقارير و التوصيات التي ترسل من الوكالات فيما يتعلق بطبيعة التشغيل في هذه الدول ... لذلك يتم عمل بعض المميزات لهذه السيارات حسب طبيعة الدول المصدرة لها ... الأهم كمان أن العربية الخليجي غير مغطاة بضمان بالكامل و مهما أقنعوك التجار بحل هذه المشكلة ألا أنها غير قابلة للحل ... فالأسلم تخليك في المضمون
تحياتي

[Hyundai-CRM]

خدمة الأيليت خدمة مميزة للناس اللي عندهم مشكلة في الوقت ... و هي بتروح للعميل مكان تواجده لعمل الصيانة ... و ليها أسطول كبير من عربيات مجهزة بالكامل لعمل الخدمة أينما و وقتما أراد العميل ... و ليها أشتراك عضوية ... و أسعار خدمتها كويسة برضه ... هي خدمة كويسة و حلت مشاكل ناس كتيره ... مثل السيدات و الأطباء و بعض العملاء اللي الوقت عندهم مهم و مايقدروش يحضروا لمركز الخدمة.
و شكراً لك علي تعليقك
تحياتي