مركز خدمة عملاء هيونداي ترحب باى شكوى من مالكي هيونداي

[ashouhdy]

الكلام ده علي الماتريكس مش الفيرنا ... و بشكل عام كلما أرتفعت العربية كلما أزدادت سماكة الوسادة الهوائية أسفل السيارة و بكده بتزيد قوتها علي رفع العربية و تقلل الثبات ... و لو لاحظت عربيات السباق بتلاقيها أقرب للأرض قدر المستطاع علشان توفر الثبات اللازم للمناورة علي السرعات العالية ... كمان كلما أرتفعت العربية أزدادت زاوية الأكسل (الكوبلن) و ده يقلل من عمره التشغيلي.

تحياتي

حضرتك كلامك صح و سليم 100 100 ولا غبار علية طبعا
بس شوف حضرتك المقاس الاختيارى مثلا فى الفيرنا اللى فى الكاتالوج
185/60/14
تمام
دة الفرق فى الابعاد بينة و بين اللى نازلة بيه ال 175/70/13
0.52% +3m.m
بينما المقاس ال 195/50/15 الفرق فى الابعاد بينة وبين الاصلى برضة
0.17% +1m.m
اذا المقاس ال15 اقرب لابعاد المقاس الاصلى بفرق واحد ميللى ولذلك يكون افضل فى الثبات من ال 14
ودة لينك الموقع اللى بيحسب الابعاد

http://www.tyresave.co.uk/tyresiz2.html

والف الف شكر لسعة صدرك

[ahmed alaa]

أنا اتشرف بان أكون من مالكى هيونداى جيتز و سعيد لمشاركتى فى هذا الموضوع .
عندى جيتز 2008 عاملة 12500 كيلو و بربط العفشة كل 5000 كيلو بس العفشة تحس انه محتاجة تتربط كل مشوار مش كل 5000 كيلو و العفشة ناشفة شوية لدرجة أنى قررت لفتره ابيع العربية و أنا عندى عربية دايو لانوس 2008 العفشة الخلفية زى الفل ما تسمعش حاجة خالص ز
و موضوع العفشة ده موجود من اول يوم استلمت فيه العربية و فى صيانة 5000 كيلو غيرلى (كوتش الدونجول) الصوت راح لفترة و رجع تانى مع العلم بانه ممكن تاخذ مطب وما تسمعش حاجة و ممكن تاخذ نفس المطب مرة ثانية و تسمع صوت كركبة و دب .
أسف على الاطالة........ أرجو الرد من البشمهندس عاطف

[Hyundai-CRM]

شوف ضغط العجل ... المشكلة دي لأننا أغلب سواقتنا للعربية و أحنا بمفردنا في العربية و لكن لما بتكون العربية فيها أكتر من راكب بتقل الدربكة شوية ... بس الجيتز يمكن من أقل العربيات اللي وصلتنا منها شكاوي زي كده ... أن وصل منها شكاوي أصلاً (بصراحة ماشاء الله علي العربية دي) و في الصيانة الجاية أن شاء الله خلينا نتقابل و نعمل تشك علي العفشة تاني ... ممكن تكون كاوتشة مشروخة أو ضعيفة ... بس انا مرجح قوي ضغط الكاوتش ... راجعه و قولي ... و لو الموضوع ده مضايقك ممكن تجيب العربية النهارده لو عاوز ...

تحياتي

[ahmed alaa]

1000 شكر لهتمام حضر تك و الرد السريع جدا أنا ممكن أحجز يوم 18\6 وبعد موافقة حضرتك ممكن نتقابل قبل ما أخش الصيانة
شكرا......

[Hyundai-CRM]

ده يشرفني جداً طبعاً ... بس ياريت تتصل علي موبيلي أو تكتب رقم موبيلك علشان نحجزلك ...

تحياتي

[ehibrahim]

الى المهندس / عاطف برجاء سرعة الرد

عندى سيارة i 10 موديل 2009 900 كم حتى الان وفيها مشكلة بالاطار ماركة هانكوك عبارة عن تفتيحات بالاطار ( عيب تصنيع ) بعد فحصها من اكثر من مركز خدمة اطارات وقد تحدثت مع سيادتكم هاتفيا وابلغتنى بالحضور الى الى ابو رواش وبالفعل توجهت الى هناك وتم تسجيل ذلك بامر الشغل المفتوح للسيارة ولكنهم لم يحلوا المشكلة واخبرونى بالتوجه الى توكيل هانكوك الذى بدوره اخبرنى انهم سوف يتصلوا بى عند حضور المهندس المختص والى الان لم يتحدث الى احد فماذا افعل علما بأن السيارة بالكامل بضمان غبور فضلا عن اننى حاليا اسير بدون اطار اضافى ( استبن ) ماذا افعل ؟؟؟؟
شكرا واسف للاطالة

[Hyundai-CRM]

الأطارات ضمانها من ضمان وكيلها ... هانكوك لازم يحلوا لك المشكلة و ده موبيل مدير مبيعاتهم (محمد شلبي) 0120000380 تابع معاهم و بلغني باللي حصل ...
تحياتي

[yramadan]

هستلم يوم الأربعاء النترا اوتوماتيك ان شاء الله لكن لا يوجد بها جهاز انذار
وانا اريد ان أركبه بسرعة خوفا على العربية من السرقة

فهل ينفع ان اذهب للتوكيل فى ابو رواش لذلك بعد استلام العربية ؟وهل انا محتاج لأى ورق أخده معايا أو أسأل الموزع عليه ام انهم فى التوكيل عارفين العربيات التى لم يركب لها الأنذار من رقم الشاسيه

[ahmed_salah]

طبعاً ده يغيظ .. كلمني و انا هاراجع معاك نوع الكاسيت و أشوفلك حل ليه بأذن الله

تحياتي

كنت في ابو رواش انهارده و كلمت حضرتك يا بشمهندس كذا مرة بس مقدرتش اوصل لحضرتك...

[Hyundai-CRM]

امس (الأحد) منت بالمستشفي ... و ماقدرتش أجي الشغل ... آسف ... غصب عني ... يا ريت تكون الأمور تمام

تحياتي

[Hyundai-CRM]

طبعا من رقم الشاصي بنعرف ... مستنيك في الصيانة

تحياتي

[KMFB]

ياباشمهندس انا عندى مشكلة فى اكسيل 1300 لما العربية بتبقى على السلنسيه بتطفى رحت عند بتاع كربرتير قلى عيب هوا و ظبطه و بعدين بعد اسبوعين رجع العيب ده عيب ايه بالظبط

[Nile_Storm]

سلامتك ياباشمنهدس مالك
الف سلامه

[Hyundai-CRM]

حاجة بسيطة ... الحمد لله ...

ما تقلقش

[yramadan]

طبعا من رقم الشاصي بنعرف ... مستنيك في الصيانة

تحياتي

شكرا على الأجابة بس هل هى الخاصة بتركيب حهاز الأنذار فقط برقم الشاسيه من غير جواب ولا حاجة

و سلامتك الف سلامة