مركز خدمة عملاء هيونداي ترحب باى شكوى من مالكي هيونداي

[dandoun]

بعد استلام النترا

استلمنت النترا فضى و كان بها 2 خربوش امامى و خلفى و شكلها كده واصل للصاج لان لون الصاج باين
و لم اعطى اى ملاحظات على هذى الخرابيش و اعتبرتها حاجة بسيطة جدا و مش مستحقة و استلمت دون اى ملاحظات
و لكن بعد حوالى 10 ايام من الاستلام
و بالصدفة قرأت انه الخربوش الصغير ده مع الوقت ممكن يوصل ل برومة فى العربية

لسه العربية ما عملتش 500 كم

ممكن حد يقوللى اذا كان فيه حل للموضوع ده

[dayun]

استلمنت النترا فضى و كان بها 2 خربوش امامى و خلفى و شكلها كده واصل للصاج لان لون الصاج باين
و لم اعطى اى ملاحظات على هذى الخرابيش و اعتبرتها حاجة بسيطة جدا و مش مستحقة و استلمت دون اى ملاحظات
و لكن بعد حوالى 10 ايام من الاستلام
و بالصدفة قرأت انه الخربوش الصغير ده مع الوقت ممكن يوصل ل برومة فى العربية

لسه العربية ما عملتش 500 كم

ممكن حد يقوللى اذا كان فيه حل للموضوع ده

هو المفروض انك لا تستلم السيارة و بها خرابيش و لكن بما ان حضرتك فى مصر فلتأخذ الامور ببساطة
و كبر دماغك علشان خلاص انت استلمت السيارة و الفاس وقعت فى الراس و وقعت فريسة للبرومة و لغبور و ما ادراك ما غبور
على فكرة انا حصلى اكتر من كدة و عربيتى كانت سليمة مافيهاش خربوش و خرجت من التوكيل بعد الصيانة الدورية الاولى و بها خرابيش و نقر فى الصاج و فانوس مخلوع و اقسم بالله انى بطلت اعمل الصيانة الدورية فى التوكيل حفاظا على السيارة و يا ريت تخلى بالك اكتر بعد الصيانة الدورية و متزعلش لانك مش عايش فى امريكا انت عايش فى مصر فاهم يعنى اية فى مصر !!!!!

[samy1000]

يا / استاذ عاطف انت مبتردش ليه على الاسئله

وتانى حاجه الموبيل مشغول على طول اعمل اه

[mtradwan]

انا عايز اتكلم شوية على النيواكسنت... هى من العربيات الكويسة فعلا انا لسه مستلم العربية من اسبوعين تقريبا .... ومن مميزاتها انا عالية عن الارض مريحة عفشتها انا شايف ان هى مش ناشفة اوى لكن فعلا كويسة ماتور تحفة استهلاكها فى البنزين 8لتر لكل 100كم (ده اكيد) صالونها واسع فعلا شكلها من جوه وبره جميل بس خامات التصنيع الداخلية متوسطة .. تكييفها تحفة.
انا لسه عامل صيانة الـ 1000 يوم الخميس اللى فات كانت التكلفة 270جم بالظبط تكلفة زيت10000 وفلتر زيت وظبعا المصنعية ببلاش فى صيانة ال1000 فقط واى حاجة موجودة فى العربية لازم تقولهم عليها انا كان عندى زرار السنترلوك الخلفى بيعلق تم اصلاحه وكان فيه حاجات تانية بسيطة وكله كان تمام ... هم عامة فى صيانة ال1000 بيعملوا مع الزيت والفلتر تربيط عفشة هواء الكاوتش- تكييف ....
انا شايف ان معاملتهم جميلة جدا الى حد ما (الصيانة كانت فى ابو رواش ولازم تحجز من قبلها)
انا اسف على الاطالة

[vernaviva]

ا/ عاطف عبد السميع يا ريت تجاوب على سؤال بارومة الفيرنا الفيفا و الصور نازلة و انا عارف انك قرات الموضوع و شوفت الصور يا ريت يكون عندك عندك رد ةعلشان رواد المنتدى يقراوه و على فكرة عبير بتاعة طنطا كسبتكم .................... شيل يا ابنى الكحك اللى احنا جايبينه للجهاز

[Ayman-Ahmed]

السلام عليكم ورحمة الله وبركاته:

عندى استفسار للاستاذ عاطف والاخوة الافاضل:

بقالى يومين بسمع صوت ونة فى الموتور.توجهت لمركز صيانة معتمد كشف على الموتور بالسماعة وقاللى لا انت تطلع فورا على مركز صيانة يبصولك على سير الكاتينة لانه قافش او ممكن يكون بلى الكاتينة.العربية نيو اكسنت ماشية 12500 كم.

رحت فرع قليوب: من اول مهندس الاستقبال اللى قابلنى لحد مدير المركز كلهم بياكدوا انه عادى عادى ومتقلقش امشى عليها كدة.طب والونة يا جماعة والسير المشدود والموتور لو قفش.لالالالالا يقفش ايه بس الموتور جاى متقفل كدة من كوريا وبيبقوا شادين السير عشان يريح مع ال60000كم وكدة كدة هيتغير.طب وانا مالى العربية فيها عيب كدة,طب تعالى بكرة نبصلك على الموتور ونعملك الازم بس برده العربية مفيهاش حاجة.طب اسمع الكلام من ميكانيكى هنا.
جابوا ميكانيكى واول كلمة قالها لا عادى وبعدين قلتلوا لا انت الدوشة هنا مش مريحاك اسمع تانى ولما سمع بص للمهندس وقالوا دخلها الصيانة ونرخى السير شوية.

جى مهندس تانى يقول لا منرخيش السير عشان عقبال ما يعمل ال60000كم يكون السير قلب.امشى عليها كدة ومتقلقش.

طب اسمع نيو اكسنت تانية.سمعنا ملقناش نفس الصوت.فكان رد مدير المركز خلاص هاتها بكرة الساعة 8 وربنا يسهل.

ولو البلى بايظ هيتغير فى الضمان.يرد الميكانيكى ليه يتغير طالما ممكن يتظبط.يعنى ايه يتظبط؟متقلقش بقى ده شغلنا.

ايه رايك بقى يا استاذ عاطف؟هو انا برده مش بعمل الصيانات عشان تبقى العربية بتاعتكوا من الاول للاخر ولا بعملها عشان لما تبوظ محدش يرضى يغير ولا حتى يعمل حاجة؟وكل تعليقاتهم عادى عادى.

[samy1000]

السلام عليكم

يا استاذ vernaviva

انا عايز اعرف موضوع عبير

[samy1000]

السلام عليكم ورحمة الله وبركاته

يا استاذ vernaviva

انا عايز اعرف موضوع عبير

[vernaviva]

اللى عاوز يعرف موضوع عبير يدخل على حكاية البارومة للفيرنا فيفا و توكيل غبور و جهاز حماية المستهلك الحكاية مشروحة على اجزاء و صور العربية نازلة بس مش كل الصور لان العربية عمالة تضرب صدا و بارومة

[bulbul]

عايز اعرف جدول صيانات الماتريكس في التوكيل مع الاسعار لو امكن

الإخوة الأعزاء/
عندما اشتريت سيارة هيونداى ميتريكس جديدة 2010 من الشركة المصرية للسيارات بالمنصورة والإستفسار على كتيب الصيانة الدورية للسيارة خلال فترة الضمان أخبرونى بأننى سأحصل عليه من مركز خدمة هيونداى فهل هذا الكلام صحيح ؟ وياليت أحد أعضاء المنتدى يكون عنده فكرة عن الإجراءات المتبعة عند إجراء الصيانة الدورية حيث أنه ليس لدى أى معلومات عن الفترات الزمنية أو حتى المسافة الكيلومترية المطلوبة أو حتى نوعية الصيانة فى كل مرة باختصار كيف يمكننى الإستفادة بضمان السيارة ؟ وماهى مراكز خدمة هيونداى بمدينتى المنصورة وطلخا؟ وهل هناك دفع اى فلوس عند اجراء الصيانة ؟
شاكرا لكم حسن تعاونكم سلفا!!!!

[bulbul]

يااساتذه عايز اعرف جدول صيانات الماتريكس في التوكيل مع الاسعار لو امكن مافيش حد يرد عليه فى موضوع الصيانه عند 5000
انا عندى هيونداى ماتريكس 2010 اتوماتيك وعاوز اعمل الصيانه تنصحونى بايه ياريت حد يرد عليه ولكم جزيل الشكر صاحب المشاركة السابقة أخوكم/ bulbul

[vernaviva]

يا جماعة اقراوا جريدة الدستور صفحة الشكاوى بتاع يوم 2010/7/31 صفحة 8 و شوفوا الموضوع بتاعى بعنوان ابنك دلق عليها بيبسى
و ان شاء الله على اخر الاسبوع حنصور مع القناة الفضائية كله تمام و الميعاد اتاخد و ان شاالله حنزيع الموضوع .............. الموضوع مرتبط بالحكاية الثانية لبارومة الفيرنا فيفا و توكيل غبور و جهاز حماية المستهلك ............ الصدا عمال يسرح فى العربية و ا. عاطف عبد السميع مش عاوز يقول الصدا ده سببه ايه

[Ayman-Ahmed]

يا جماعة اقراوا جريدة الدستور صفحة الشكاوى بتاع يوم 2010/7/31 صفحة 8 و شوفوا الموضوع بتاعى بعنوان ابنك دلق عليها بيبسى
و ان شاء الله على اخر الاسبوع حنصور مع القناة الفضائية كله تمام و الميعاد اتاخد و ان شاالله حنزيع الموضوع .............. الموضوع مرتبط بالحكاية الثانية لبارومة الفيرنا فيفا و توكيل غبور و جهاز حماية المستهلك ............ الصدا عمال يسرح فى العربية و ا. عاطف عبد السميع مش عاوز يقول الصدا ده سببه ايه

ربنا يوفقك الى ما يحبه ويرضاه ويا ريت تبقى تقولنا ميعاد الاذاعة.

[Ayman-Ahmed]

يااساتذه عايز اعرف جدول صيانات الماتريكس في التوكيل مع الاسعار لو امكن مافيش حد يرد عليه فى موضوع الصيانه عند 5000
انا عندى هيونداى ماتريكس 2010 اتوماتيك وعاوز اعمل الصيانه تنصحونى بايه ياريت حد يرد عليه ولكم جزيل الشكر صاحب المشاركة السابقة أخوكم/ bulbul

الف مبروك يا بلبل وربنا يباركلك ويباركلنا.

ده لينك فى ملف الصيانات الدورية ومصاريفها التقريبية قابلة للزيادة عشان لسة هتضيف الزيت والفلتر واحجز ميعاد الصيانة قبلها بيومين على الاقل على 16101

532130648.jpg - 4shared.com - photo sharing - download image

[wmostafa]

استاذ عاطف:
بالأمس كنت في أبو رواش لصيانة ال 10000وكان عاندي مشكلة ان الدركسيون في عوجه بسيطة وكنت عاوز أضبط زوايا .... لكن فوجئت ان جهاز الزوايا في أبو رواش عطلان ....
هل ممكن تفيد بحل سريع ... لو حتى مركز خدمة معتمد من غبور في الهرم ...