فيرنا باختصار تقفيل سئ سئ جدا

[shooda2020]

فيرنا باختصار تقفيل سئ سئ جدا
و انا ندمت اني اشتريت فيرنا مصري قال في حد عبيط يروح يشتري فيرنا مصري
يعني مصر كانت نافعه في حاجه اصلا
الموافق علي كده يرفع ايده
اسوأ حاجه التقفيل
جاتو نيلا غبور زفت ده قفلها قال طب كان ربط المسامير كويس التيت ده
اوووووووووووووووووووووووف

[al_manara]

للاسف انا ركبتها مع ناس اصحابي واكتر حاجة كانت بتضايق اوي اما تكون ماشي وقافل الزجاج تسمع صوت الهوا .
لاكن مثلا الالنترا ما شاء الله اول ما تفقل الزجاج تتعزل خالص عن برة ولا تسمع الهوا

كمان بحس ان فيها حاجات كتيرة مفككة من بعضها .

[shooda2020]

بس مش للدرجه دي لما تقفل الازاز مش هوا
هو ردائه الخامات المعمول بيها بتخليك تحس ان الحاجه هاتطلع من مكانها
هيا الحاجات دي مالهاش حل
؟؟؟؟؟
سوال و نفسي الاقي الرد
من حد عمل كده قفل الفيرنا بطريقه نضيفه

[caysersosaih]

بصراحه العربية فيها عيوب كتيره بس مش من حيث التقفيل بس
الموتور قوي علي عربية بوزن خفيف وعفشة المفروض تكون أكثر صلابة للتقليل من عدم الثبات علي السرعات العاليه

[vernaviva]

ادخلوا على موضوع الحكاية الثانية لبارومة الفيرنا فيفا و توكيل غبور و جهاز حماية المستهلك الموضوع مشروح على اجزاء و الصور نازلة كمان و اتفرجوا و اقرؤا المهازل

[M.Osman]

الحاجة الوحيدة اللي مدايقاني في التقفيل العزل
غير كدا مفيش مشاكل كبيرة

[m_mekkawy]

مع احترامى الشديد اللى يشترى العربية دى يستاهل اللى يجراله
العربيه دى لما تكون بره اخر موديل فيها 2005 واحنا لحد 2010 بنشتريها زيرو يبقى احنا اللى نستاهل
هما مش وراهم الا ان هما يجبلنا الأستامبات المرميه عندهم ويجوا يعملوا بيها خط انتاج ويبيعوا للغلابه
وبعدين هى فرقها كام يعنى عن النيو اكسنت 5 الاف
يبقى احنا اللى نستاهل
تعرف الكامرى ال2006 بتقل عن 2007 كام فى السعوديه مع انهم نفس الشكل عشان بيبدأ اللى فى العربيه يسمع صوت هوا بعد ال120 حوالى 10 الأف ريال :)

[ahmed2010]

يا جماعة بلاش مبالغة فى عيوب التقفيل المحلى ، أنا معايا العربية من 2008 وما شاء الله معنديش اى عيوب تقفيل ، المشكلة الوحيدة فى العربية دى هى عدم الثبات عشان وزن العربية خفيف ، غير كده العربية ممتازة واكبر دليل على نجاحها الانتشار الوهمى لها ومش معقولة كل الناس الى بتشتريها عبيطة وبترمى فلوسها ، خصوصا وان هناك عربيات كثيرة فى هذه الفئة وباسعار متقاربة جداً

[د.محمود صلاح]

ما تكرهش عربيتك وإلا هتعمل معاك فصول بايخة .. اللي بتقوله متوقع من عربية زي كده

[mohamed_mohsen]

الحاجة الوحيدة اللي مدايقاني في التقفيل العزل
غير كدا مفيش مشاكل كبيرة

+1

[sameh127]

انت دلوقت معاك العربية و عرفت عيوبها فتعامل مع العيوب وتلاشى الوقوع في مشكلة بسبب العيوب وده شئ جميل انك تعرف حدود العربية اللى راكبها وحاول تكتشف وتحدد المميزات الموجودة بالعربية و تستمتع بها وتتعايش معها وترضى بها،لأن مفيش حاجة كاملة في الدنيا لأنها من صنع الإنسان والكمال لله وحده.
و من خلال خبرتي فى عالم السيارات فلقيت ان كل العربيات اللى موجودة على وجه الأرض لازم تلاقى فيها حاجة ناقصة او مش حترضيك او تلاقى شئ مؤاخذ عليها، بدءا بأرخص سيارة ممكن تتخيلها و انتهاءا بأغلى عربية على وجه الارض.
ومش لازم تكون العربية الغالية بها كل شئ تتخيله اعلى فى الأداء من اخرى رخيصة او انها تشتمل على كل شئ موجود فى اي عربية اخرى.
بس الإختلاف بين البشر يتمثل فى الحاجة اللى كل واحد بيدور عليها وعايزها فى العربية اللى يتمناها او يمتلكها

يعني مثلا واحد عايز عربية صاجها جامد وواحد تاني عايز عربية تكييفها حكاية وواحد اخر بيدور على الصالون الواسع و اخر بيدور على الرفاهيات بالعربية وواحد بيدور على اتزان العربية وواحد بيدور على صغر حجم العربية و اخر بيدور على توافر قطع الغيار او رخص ثمن قطع الغيار و اخر بيدور على العربية اللى بتحافظ على ثمنها قدر الإمكان عند البيع واخر عايز عربية رخيصة الثمن وواحد عايز عربية اقتصادية فى الوقود وواحد عايز عربية موتورها جبار وواحد عايز عربية تستحمل المطبات وواحد عايز عربية يكون شكلها مميز ونادرة وواحد عايز عربية روحها خفيفة وعملية.

لولا اختلاف الأزواق لبارت السلع

[kasten]

تغور من وش غبور

[M.Osman]

بصراحة انا شايف مبالغة من الناس برضه

كل دا عشان اسمها تقفيل مصري

اقولكم...
في عربية تجميع دولة عربية.... روحوا اتفرجوا عليها و قولوا رأيكوا اية ...

[micromoud]

انا شايف ان الموضوع واخد زياده عن حقه العربيه شكلها حلو ومحترم وفيها كماليات وقطع غيارها رخيصه نسبيا واخر حاجه انها ينفع يركب فيها عائله بس العربيه موش عربيه سباق يعنى هى عربيه معموله لجوا البلد اخرك بيها 100 وعن كدا متزودش...

[amr.elsayed]

اقولكم...
في عربية تجميع دولة عربية.... روحوا اتفرجوا عليها و قولوا رأيكوا اية ...

ممكن اختيارات