شكل الi10

[hatem_hkf]

والله عربية اكتر من محترمة هي عربية من احسن العربيات الي ركبتها

[زينة الله]

أهم حاجة انها مريحاك و مش عاملة معاك مشاكل والحمد لله
حكاية الشكل دى فكرتنى بواحد قريبى كان عنده عربية آخر شياكة
غير مصاريفها الغالية ، كانت كل مشوار بمصيبة أو حادثة
أو خبطة ملهاش اى لازمة حتى وهى وافقة مكانها فى الباركنج
استعيذ بالله من الشيطان وأقرأ المعوذتين و نفسك تهدئ إن شاء الله

[John_Samy_1]

لو إنت مقتنع بعربيتك خلاص, العربية ديه زي العروسة إنت أكتر واحد فاهمها لو إنت شخصيا مش مقتنع (مش عشان كلام الناس عشان اقتناع داخلي) هنا بقى يبقى تفكر في الطلاق (اقصد البيع :d)
أنا ياما اتقالي ديه ضيقة, صغيرة, لما تبقي مدير لازم تغير, مش هتعرف تسافر بيها, .... كلام كتير. بس أنا بعشق عربيتي مهما قالولي ومش هاغير رأيي إلا لو تعبتني مش لو الناس قالولي هتتعبك. ابعد عن كلام الناس عشان تستريح أسهل حاجة إني أتكلم على عربية واقول وحشة دا بتاعتي أحلى.

[a_tantawy7]

مشكورين جميعا على الردود يا شباب

[ahgendy]

بصراحة من غير زعل

أنا مفكرتش فيها على الإطلاق غير إني أجيبها لمراتي

فيه عربيات هاتشباك كتير شيك ولذيذة وتنفع شبابي وعائلي
بس دي بالذات شكلها كده راكب معايا حريمي

[احمد الطيب]

ياباشا سيبك من اى كلام واى اوهام العربيه جميله جدا وانا لسه شاريها والحمد لله مبسوط منها

[sonybony]

عربيه جميله وعمليه

[S O P H O S]

الاي 10 تقدر بتعديل او اثنين تخلي العربية شبابي

[M_SALLAM]

بص يا باشا طالما العربية كويسة و مقضية الغرض و اعطالها بسيطة و الحمد لله يبقى خليك راكبها و هى عربية شبابى و بناتى و صغيرة و لذيذة فى نفس الوقت و على فكرة انا بحب شكلها و تصميمها جدا و عاوز اقولك حاجة بسيطة و هى كلما حسيت انك مش راضى عنها افتكر ان غيرك مش لاقى يركبها و احمد ربك على النعمة اللى عطهالك ..