مفاجاة فى معرض أوتوماك

[som3aa]

غبور عارض السوناتا الجديدة و المفاجاة لما سالت انها هتتجمع فى مصر
اللى عارضها فيها سقف بانوراما و smart key

اما بالنسبة للملاحظة:
كل عربيات غبور مقفولة و مفيش غير شخص واحد بس واقف فى الجناح بيشرف بس مش اكتر و كانوا لسه بيجهزوا فى كل حاجة و بيلمعوا العربيات و لا كان المعرض بدا و بيقولوا هيبقوا موجودين ابتدا من الخميس!!!
و نفس الكلام فى جناح مازدا كان لسه بيتبنى!!!!
كل عربيات هيونداى لونها فضى ماعدا الجينيسيس coupe لونها أحمر

[Hosam_Optrawy]

هايجمعها فى مصر :( استر يارب

عموما كدا سعرها مش هايعدى ال 200 ودا شئ كويس

[som3aa]

غبور و لعب العيال مع الاطفال اللى مشغلهم عنده
انهردة رحت معرض اوتوماك تانى قالولى السوناتا مش هتتجمع و بتيجى 2000cc مستوردة ب 340 و لا 360 مش فاكر.
المهم قولتله انتوا قولتولى امبارح هتتجمع و بعدين طالما قولتوا انها مش هتتجمع يبقى كدا اكيد هتتجمع قريب بعدين لو مش هتتجمع شال الشكل القديم ليه من الاعلان و منزلوش فى المعرض؟ قالوا ممكن تتجمع احنا لسه منعرفش!!!!

ايه شغل العيال بتاعهم دا ؟

عموما معنى انها اتشالت من الاعلان و مجبهاش المعرض (القديمة) يبقى اكيييد هيوقفوا انتاجها و غالبا هيجمع الجديدة فعلا.

[mody07775000]

وال i20 مفيش اخبار عن اسعارها ايه والكماليات والموتور 1400 ولا 1600 كل التفاصيل يعني يا ريت الي يعرف يقلنا وشكرا

[yehia]

مش عارف .... قاطع بيا الشكل القديم

مع اني عارف طبعا ان الجديدة حاجة تانية خالص .. إنما العشرة بقى متهونش

[sherif_zewail]

اى 20 مانوال ب85الف جنيه
انا سألت عليها النهاردة فى المعرض

[ASSASSIN]

وال i20 مفيش اخبار عن اسعارها ايه والكماليات والموتور 1400 ولا 1600 كل التفاصيل يعني يا ريت الي يعرف يقلنا وشكرا

1400 cc manual 84.000 le
1400cc auto 92.000 le
MADE IN INDIA

[ash257]

الأسعار دي كدة غالية ده بنفس سعر الاكسنت سبورت ال1600 كدة غبور هايموتها الله ينتقم منه
بس هي أحلى بكتير المهم بقى كماليتها أيه لو أحلى من الاكسنت ممكن السعر يعادل شوية

[hassanstar]

فى تفاصيل اكتر فى ملحق السيارات بتاع جريدة الاهرام بتاعة انهاردة الجمعة

[mody07775000]

يا ترى ايه كماليات العربيه و بتولد كام حصان بالظبط؟؟؟؟

[عصام غنايم]

طيب الناس اللى راحت مفيش اخبار عن الانترا الجديده

[esslynx]

غبور و لعب العيال مع الاطفال اللى مشغلهم عنده
انهردة رحت معرض اوتوماك تانى قالولى السوناتا مش هتتجمع و بتيجى 2000cc مستوردة ب 340 و لا 360 مش فاكر.
المهم قولتله انتوا قولتولى امبارح هتتجمع و بعدين طالما قولتوا انها مش هتتجمع يبقى كدا اكيد هتتجمع قريب بعدين لو مش هتتجمع شال الشكل القديم ليه من الاعلان و منزلوش فى المعرض؟ قالوا ممكن تتجمع احنا لسه منعرفش!!!!

ايه شغل العيال بتاعهم دا ؟

عموما معنى انها اتشالت من الاعلان و مجبهاش المعرض (القديمة) يبقى اكيييد هيوقفوا انتاجها و غالبا هيجمع الجديدة فعلا.

340 ولا 360 ؟؟؟؟ يا جدعان المرسيدس c180 ب 320 الف حد عايز؟؟؟

[ash257]

يا ترى ايه كماليات العربيه و بتولد كام حصان بالظبط؟؟؟؟

+11111111111111
يا ريت يا جماعة الناس اللي سألت على العربية تعرفنا أخبارها أيه وأخبار كمالياتها وهي أحسن ولا ماتريكس الفرق تقريبا بسيط

[ash257]

جاتلي أخبار حالا عن i20
اللي هاتنزل مصر هي 1400 فقط مانيوال واتو
مانيوال 85000 واتو 92000
طبعا عم غبور هاينفضها لا نفس الكاسيت ولا الايرباج ولا الجنوط ولا المالتي فانكشن ولا المرايات الكهرباء ولا حتى النواكل اللي موجود في التابلوة اللي ميديها شكل حلو
كدة شكرا الله يرحمها

[som3aa]

340 ولا 360 ؟؟؟؟ يا جدعان المرسيدس c180 ب 320 الف حد عايز؟؟؟

الc180 موتورها 1600cc و جمركها + الضريبة حوالى 62% اما السوناتا موتورها 2000cc و جمركها + الضريبة فوق ال200% علشان كدا الفرق دا , الc180 تمنها 310 ,
على فكرة انا فى رايى غبور هيجمع السوناتا الجديدة قريبا جدا للاسباب دى
1- شال صورة السوناتا القديمة من الاعلان و مجبهاش فى المعرض خالص (يعنى معنى كدا انها هتتوقف)
2-جاب السوناتا الجديدة و عرضها ب 340 و لا 360 مش فاكر و دا نفس اللى عمله مع السوناتا القديمة قبل ما يجمعها مباشرة جاب العربية مستوردة و سعرها ب 250 ال2000cc الفاضية و نزل كذا اعلان كتب فيهم السعر 250 الف و بعدها باسبوعين جمعها و كتب السعر 150 الف علشان الناس تجرى تشترى.
3-الشخص المسئول عن العربيات يوم الأربعاء بليل قالى انها هتتجمع فى مصر (بالرغم ان يوم الخميس نفوا الكلام دا).

لو اتجمعت فى مصر جمركها بيقل ل 55% و بالتالى سعرها مش هيزيد عن 200 الف او اكتر شوية بسيطة لل2000cc