حد يحللي المشكله دي

[shooda2020]

مساء الخير
اكيد انا عارف انكم زهقتو مني بس مش قادر استغني عنكم
المشكله بتاعتي اني معايا فيرنا 2009 و انتم عارفين التقفيل المحلي
في صوت رخم طالع من التابلوه من جنب الكاسيت ناحيه اليمين
انا عرفت السبب ان الحز الاسود الطالع من عند الساعه لحد حامل الاكواب مش لازق كويس مش ماسك اووي فيها
فمخلي العربيه تعمل مازيكا حصبالله
فنفسي اعرف انسب واحد اروحله يفك الحته دي و تتركب تاني
وبمانه شيكت علي كل المسامير و كلهم مربوطين كويس الهما عند حامل الاكواب
يا ريت ياجماعه ايه الحل
انا حاسس انها مش هاتتحل و لو رسيت اشتري البتاعه السوده دي اشتريها
لو هاتركب كويس مش زاي دي المفكوكه
و ايه الحل لما تتفك تتعمل ازاي تاني لما تتربط
شكرا يا جماعه

[m_mekkawy]

روح التوكيل خليهم يعملوها ع الضمان

[kh_talaat]

انا عرفت السبب ان الحز الاسود الطالع من عند الساعه لحد حامل الاكواب مش لازق كويس مش ماسك اووي فيها
فمخلي العربيه تعمل مازيكا حصبالله

هو حضرتك متأكد ان هو دة سبب الصوت ؟؟؟؟

لأن فيه عيب تاني مشهور في الفيرنا وبيعمل صوت زن من ناحية التابلوه

[shooda2020]

طب ايه هو العيب المشهور

[kh_talaat]

طب ايه هو العيب المشهور

العيب المشهور في الفيرنا هو عبارة عن زنه تحس انها جايه من تحت التابلوه وسبب الزنه دي هو ماسورتين داخل حوض السياره ، الماسورتين دول بيقوا مثبتين على الحوض من ناحيه تابلوه السيارة ونظرا لعدم وجود عازل في الفيرنا بين حوض السيارة والصالون فمع اهتزاز الماسورتين بتسمع صوت زن وتعتقد انه جاي من تابلوه السيارة

وحل المشكلة دي بسيط جدا وهو انك بتجيب قطعه من الأسفنج او القطن وتحشرها بين جسم الحوض والماسورة وده هيعمل عازل للصوت ، بس الموضوع محتاج منك تحط قطعه الأسفنج وتجرب العربية وهكذا لحد ما تتزبط معاك

ودي صورة لتوضيح مكان الماسورة (مع ملاحظة ان الصورة لسيارة اكسنت وليست فيرنا )



وفيه حل تاني وانك تنزل الحرفيين وتركب عازل للموتور وده هيفرق معاك كتير في سماعك لصوت الموتور وانت في الصالون لكن بصراحه معنديش معلومات بيركب عند مين وبكام

[shooda2020]

بس حصرتك الصوت لما بدوس علي الحته السوده الصوت بيروح الجنب الكاسيت

[kh_talaat]

بس حصرتك الصوت لما بدوس علي الحته السوده الصوت بيروح الجنب الكاسيت

خلاص يبقى انت مشكلتك ابسط وبدام عرفت سبب الزنه يبقى يا تزبطها بمعرفتك يا تقولهم عليها في التوكيل لو لسه في الضمان

[shooda2020]

ماهي المشكله اظبطها ازاي

[mshmshm3]

روح التوكيل وانت حددت المشكلة فين وهما هايظبطوها او ممكن تروح لاي حد متخصص في الصالون من الدخل

[shooda2020]

طب زاي مين بالظبط هل الكهربائي يفهم فيها