مشكله مع اكسنت 2002

[mnazme]

السلام عليكم ورحمة الله وبركاته
انا لسه شارى اكسنت 2002 1500 سى سى عندى مشكله مش عارف ايه حلها انا حطيت لها زيت موبيل ون والزيت بينقص بطريقة غريبة جدا تقريبا كل 10 ايام بينقص 1 كيلو والغريب ان هى مش بتطلع دخنه خالص رحت لاكتر من ميكانيكى وقالى تلاقيه بخر بس اكيد مش للدرجه دى وواحد تانى قالى موبيل ون خفيف ووحش طبعا اكيد الكلام مش صح ممكن حد يساعدنى ويقولى اعمل ايه ومتشكر ليكوا جدا

[mnazme]

ياريت حد يجاوبنى اعمل ايه

[kar!m]

بينقص بالكميه دى يبقى مستحيل يكون بخر ..ما دام مفيش دخنه يبقى بيقع من حته تانيه .. شوف الطبه كده ممكن تكون مفوته أو أى مكان تانى يكون بيوقع زيت.

[mnazme]

هو الموضوع مش مهم ولا ايه ؟؟

فين رجاله الهيونداى امال ؟؟

[mnazme]

للاسف مفيش زيت بيبقى تحت العربية وخليت الميكانيكى يتاكد من ان الطبه مقفوله كويس وكذلك رحت مركز خدمة موبيل وهما اللى مغيرينلى الزيت

[m_mekkawy]

خلى ميكانيكى محترم يشيك على كبس البساتم وع الشكمان من جوه فيه زيت ولا لا

[mnazme]

خلى ميكانيكى محترم يشيك على كبس البساتم وع الشكمان من جوه فيه زيت ولا لا

شكرا لاهتمامك والرد

ولكن انا اختبرت الشكمان ولما بحط ايدى جوا الشكمان مفيش اى زيت

[mnazme]

خلى ميكانيكى محترم يشيك على كبس البساتم وع الشكمان من جوه فيه زيت ولا لا

متشكر للاهتمام والرد

ولكنى اختبرت الشكمان ولا يوجد اثار اى زيت بالشكمان

[hobaz]

طيب خراطيم الزيت اخبارها ايه (اللي رايحة للكربيداتير) ده في حالة انها مش انجكشن....؟؟
ويمكن العامل بتاع الزيت مقفلش كويس حاول تشيك عليه تاني....؟؟

[بحري]

يعني نفهم من كده إن الموضوع تكرر بحيث إنك كلما زودت كيلو يرجع ينقص تاني كمان كيلو بعد عشرة أيام؟
أم أن ما حدث كان لمرة واحدة فقط

[mnazme]

يعني نفهم من كده إن الموضوع تكرر بحيث إنك كلما زودت كيلو يرجع ينقص تاني كمان كيلو بعد عشرة أيام؟
أم أن ما حدث كان لمرة واحدة فقط

لا بيحصل باستمرار
حد عنده حل لهذه المشكله يا رجاله الهيونداى ؟؟؟

[m_z80]

جرب تستعمل ريسورس

أنا تقريبا كانت عندى نفس المشكلة : كنت جايب اكسنت 99 مستعملة وكان محطوط فيها زيت موبيل 5000 وانا غيرته وحطيت موبيل ون .
وبعد اسبوعين لقيت الزيت بدأ ينقص ولما سألت فى الموضوع ده تبين إن موبيل ون بينضف الأجزاء الداخلية للموتور وبيشيل منها الكربون اللى موجود من قبل كدة وده بيسبب زيادة الخلوصات ويزود إستهلاك الزيت!
والحل : إشتريت زجاجتين (عبوة صغيرة حوالة 150 سم) لمادة تظاف على الزيت إسمها ريسورس
الزجاجة بحوالى 85 جنية من كارفور وحطيت الزجاجتين على الزيت الأولى بعد الدوران والتسخسن العادى والثانية بنفس الطريقة بس بعد مش 100 كم من الأولى .
النتيجة الزيت بطل بنقص وحالة الموتور إتحسنت (أو ده اللى أنا حاسس بيه) والشكمان بدأ يطلع بخار مياه وده دليل (على ما أعتقد) على إن الموتور حالته اتحسنت لأنه قبل كدة مكانش بيطل بخار مياه الصبح بدرى دى دلوقت
دى تجربتى الشخصية وأتمنى إنها تكون مفيدة

[mnazme]

أنا تقريبا كانت عندى نفس المشكلة : كنت جايب اكسنت 99 مستعملة وكان محطوط فيها زيت موبيل 5000 وانا غيرته وحطيت موبيل ون .
وبعد اسبوعين لقيت الزيت بدأ ينقص ولما سألت فى الموضوع ده تبين إن موبيل ون بينضف الأجزاء الداخلية للموتور وبيشيل منها الكربون اللى موجود من قبل كدة وده بيسبب زيادة الخلوصات ويزود إستهلاك الزيت!
والحل : إشتريت زجاجتين (عبوة صغيرة حوالة 150 سم) لمادة تظاف على الزيت إسمها ريسورس
الزجاجة بحوالى 85 جنية من كارفور وحطيت الزجاجتين على الزيت الأولى بعد الدوران والتسخسن العادى والثانية بنفس الطريقة بس بعد مش 100 كم من الأولى .
النتيجة الزيت بطل بنقص وحالة الموتور إتحسنت (أو ده اللى أنا حاسس بيه) والشكمان بدأ يطلع بخار مياه وده دليل (على ما أعتقد) على إن الموتور حالته اتحسنت لأنه قبل كدة مكانش بيطل بخار مياه الصبح بدرى دى دلوقت
دى تجربتى الشخصية وأتمنى إنها تكون مفيدة

شكرا للرد ولكن انا عملت حاجه تانيه مكنتش لسه قرأت ردك
انا عرفت فين المشكله المشكله ان احنا الجو بتاعنا حر والاكسنت على حسب الكتالوج بتقول ان احنا الاحسن نستعمل زيت 20w50 وزيت موبيل ون اللى انا حطه 5w30 وده موجود فى الكتالوج فى الصفحة 132 . لو انا فاهم غلط ممكن حد يصلحلى المعلومه بعد اذنكم

[amirshan]

[كلامك صح الأحسن يكون الزيت 20w50 زي ما الكاتالوج بيقول]

[caysersosaih]

الزيوت التخليقية زي موبيل وان يتحط في الموديلات الجديد الي المواتير لسه ماعداش عليها اكتر من 5 سنين
طيب المواتير الي عدي عليها اكتر من 5 سنين بتزيد نسبة الخلوص في الموتور وده بسرب زيت غير ان موبيل وان بيتبخر بسرعه
الحل ارجع حط زيت معدني 20w50 ويفضل شيل (الاصفر)
وخلي بالك في ناس كتير حصلت معاهم نفس الحركه وبعد شوية جوان التاكيهات بيضرب والموتور يعرق زيت