شرخ في الزجاج الأمامي .. ارجو المساعدة

[alivara]

السلام عليكم
من حوالي 6 شهور عيل صغير ابن تيييييييييت خبط العربية بحجر و انا ماشي عمل نقطة كده في الزجاج الامامي و طالع منها شرخ صغير و بعدين استنين حوالي 5 ايام كده لقيت الشرخ كبر و بقى حوالي 30 سم فواحد قريبي خد العربية و لحم الشرخ عند واحد مشهور كده مش عارف اسمه الدكتور خالد باين او حاجة زي كده
المهم ان دلوقتي انا حاسس ان الشرخ بيكبر تاني و مش عارف اتصرف ازاي و اعمل ايه و خصوصا ان الشرخ ده في الجزء السفلي و باين من جوة العربية لو حد بص على اسفل الزجاج و خايف لوح الزجاج كله يتكسر و ده تمنه لواحده في التوكيل حوالي 3000 جنيه بعد ما سألتهم هناك و حرام اغير اللوح كله عشان الشرخ ده

ياريت الافادة سريعا

[Ayman-Ahmed]

السلام عليكم
من حوالي 6 شهور عيل صغير ابن تيييييييييت خبط العربية بحجر و انا ماشي عمل نقطة كده في الزجاج الامامي و طالع منها شرخ صغير و بعدين استنين حوالي 5 ايام كده لقيت الشرخ كبر و بقى حوالي 30 سم فواحد قريبي خد العربية و لحم الشرخ عند واحد مشهور كده مش عارف اسمه الدكتور خالد باين او حاجة زي كده

المهم ان دلوقتي انا حاسس ان الشرخ بيكبر تاني و مش عارف اتصرف ازاي و اعمل ايه و خصوصا ان الشرخ ده في الجزء السفلي و باين من جوة العربية لو حد بص على اسفل الزجاج و خايف لوح الزجاج كله يتكسر و ده تمنه لواحده في التوكيل حوالي 3000 جنيه بعد ما سألتهم هناك و حرام اغير اللوح كله عشان الشرخ ده

ياريت الافادة سريعا

ارجع للدكتور خالد بنفسك مع قريبك وهو ان شاء الله هيظبطهولك او يقولك ايه عيبه.ولو لا قدر الله مش هينفع هتلاقيه عند جريش ارخص بكتير من التوكيل وازاز نضيف.

[alivara]

يعني دكتور خالد ده مضمون يعني ؟
و انا عمري ما هغير لوح الزجاج كله عشان الشرخ ده بس عايز اعرف اقصى حاجة ممكن يأثر بيها على الزجاج لو كبر اكتر من كده

[Ayman-Ahmed]

يعني دكتور خالد ده مضمون يعني ؟
و انا عمري ما هغير لوح الزجاج كله عشان الشرخ ده بس عايز اعرف اقصى حاجة ممكن يأثر بيها على الزجاج لو كبر اكتر من كده

من كلام الناس فى المنتدى عنه,انه كويس وسمعت عنه برة من واحد صاحبى راح مع صاحبه عشان شرخ من المطبات وكان خايف يكبر اكتر ويوقع الازاز من مطبات تانى.

وبعدين هو مش قريبك راحله بالعربية.هو رايه ايه؟

[lolita]

دكتور خالد سىء جدا جدا و عن تجربة فى زجاج الفيرنا

[alivara]

طب و الحل يا جماعة اروح لمين و احل المشكلة دي ازاي ؟

و قريبي اللي راح بالعربية ده عشان هو اللي كان سايقها ساعتها قاللي ان فيه ضمان على اللحام ده بس مش عارف لمدة اد ايه
المشكلة اني عايز انهي المشكلة دي خالص عشان الشرخ باين و لو كبر عن كده هيعمل مشاكل و حرام بجد اغير لوح الزجاج كله

[HANGMAN]

دكتور خالد مدي ضمان مدي الحياة والشرخ عندي زي ماهو وبجد ناس فاهمة

[meller]

انا فية واحد صحبي راحله من فترة كبيرة وكان عنده نقرة كبير في الازاز وعملهاله ولحد دلوقتي زي الفل بجد وبدون مبالغه

[hdabawy]

ممكن تقولولنا فين الدكتور خالد ده علشان خدتلى نقرة من زلطة على الدائرى لسة امبارح وانا مروح

[alivara]

خلاص انا ان شاء الله هوديهاله تاني و يشوف الشرخ و كويس ان الضمان مدى الحياة

[Osama.shihata]

انا حبيت اشارك لانى لسا كنت عند محل د خالد بصلح شرخ فى الزجاج بتاع عربيتى البيرسونا
عنواهم حضرتك فى كلية البنات بجوار ابو شقرة وبجوار dhl
وناس محترمين ماشاء الله والشغل كان نتبجته اجمل وافضل مما توقعت
تحياتى لاخوانى اصحاب الهيونداى جميعاً

[alivara]

فيه فرع منه في طنطا اعتقد جنب مني هسأل عليه و اشوف النتيجة