بالصور الاكصدام الالنترا اتكسسر بسبب الغباء ز حسبي الله و نعم الوكيل

[dr_abooody]

امبارح كنت في حلوان
جي كدا الف في شارع عشان الف و ارجع تاني
المهم برجع بضهري و ظبط خلاص و الدنيا واسعة روحت مدي الاول و طالع و كاسر الدريكسيون على الاخر
المهم لقيت صوت خبطة من عند الاكصدام ناحية اليمين
روحت نازل لقيت حجر ابن ستين واحد حاطة في نص الشارع
انا مش فاهم اية الغباء دة
خلاص كل واحد فاكر ان الشارع ملكة حسبي الله و نعم الوكيل


انا صورتة على اساس لو حد يعرف بيتصلح ازاي دة و لا حلها اية
اللي انا شوفتة ان البلاستيك بتاع الاكصدام من جوة اتكسر دة المفروض المسمار بيتربط فية
هل هتحتاج واحد بتاع فيبر

و الحمد لله على كل شئ


و الصور موضحة عندكم

http://img816.imageshack.us/g/09062010717.jpg/

[alivara]

يا باشا دي خفيفة خالص و مش باينة ما تشغلش بالك و ياريتها تيجي على قد كده و ربنا يحفظهالك و يكفيك شرها

انا برضه حصللي نفس الكلام بس من ورا ناس منهم لله حاطين حجر اسمنت طوله حوالي متر و نص يعني على قد عرض العربية بالظبط فمش باين في المراية و انا راجع لورا فجأة لقيت العربية وقفت لما العجل خبط فيها نزلت لقيت الاكصدام الخلفي راكب فوق الحجر و طبعا اتجرح كله من تحت و كنت متضايق اوي بس بطنش لانه باين كان فيه طين متعلق في الاكصدام و خلاص و كمان الحادثة الاخيرة عودت الواحد على الحاجات الخفيفة دي

[kasten]

الحمد لله قدر ولطف
وياباشا متزعلش
انت فى ام الدنيا ........ مـــــــصــــــــــر

[م. عصام مهنى]

يا باشا متزعلش
قدر الله ما شاء فعل
العربية جديدة وكنت راكنها جنب الرصيف ونزلت اشترى حاجة من السوبر ماركت
ورجعت لاقيت واحد ربنا يسامحه واخد العربية من الجنب اليمين كله البابين اليمين فعصهم
تعمل ايه ................!!!؟
ومرة تانية وقف فى اشارة طلعت حرب تانى عربية على اليمين راح سواق عربية شيفرولية الدبابة داخل على الاشارة سريع وهوا اساسا ممنوع يدخل وسط البلد ،راح الباشا كسر عليا
وراح كسر لى المرايه الشمال وانا واقف فى حالى ونزل من العربية وقالى اجيب لك غيرها واهل الخير كتير واحد من الشارع شافنى بزعق قاللى يا استاذ أحمد ربنا اللى جت على قد كدة وانا باقول لسواق الدبابة قولى هامشى ازاى من غير المراية وكمان دى الشمال ،،،
ولسوء الحظ كان اليوم دى يوم الاحد يعنى مفيش ولا محل شغال ...............تعمل اية

الحمد لله

[د.محمود صلاح]

بسيطة لو روحت لواحد بتاع فبر هيظبطهالك

[akrameladl]

قول الحمد لله
انا اكصدام و فانوس
الحمد لله انها بتيجى فى الحاجات الصغيرة دى
بدل ماتيجى فى حاجة كبيرة

[Samir Elshahawy]

و لا يهمك فداك و اعتقد ممكن يتصلح مش مشكلة كبيرة
أنا عندي بقي حجر من اللي بتقول عليه و بالليل و انا بأركن جنب الرصيف و حك في العتب و طبقه .... شوف انت بقي

بجد حسبي الله و نعم الوكيل في كل مؤذي

[samihanwar]

احمد ربنا اللى هى جت على قد كده
ده فى حلوان بزات بتلاقى حاجات غريبه
ولا يهمك انت اعملها بايدك يعنى دخل الهوايه فى مكانها فى الأمشاط بتاعتها وهتلاقيها ركبت
العربيه دى حماله اسيه والله
عشان كده ياريت قبل ماتلف ولا ترجع ورا تأمن كويس على الحته اللى حتروحلها العربيه
عشان العالم المؤزيه دى اللى حطه صخور فى كل حته اصلى من حلوان وعارف الحوارات دى

[tefeamer]

ياباشا ما تزعلش انت لو بصيت على العربيات الزيرو اللى فى مصر هتلاقى 90% منها متخبط وده نتيجة الزحمه والشوارع اللى زى الزفت والاحجار والحديد اللى بيحطوها امام المحلات.
انا حصلى نفس الحكاية دى بالظبط انا معايا النترا 2008 ودخلت شارع ضيق مينفعش يمشى فيه الا عربية واحدة بجانب العربية اللى راكنة المهم دخلت الشارع لقيت واحد كابس عليا المهم قلت ارجع له واكبر دماغى المهم رجعت وكان فيه مكان فاضى بصف العربيات اللى راكنة رحت محضن على نفس الصف والعربية اللى قدامى عدت رحت اطلع تانى اتارى انا وقفت وحضنت امام ماسوة ومختش بالى طبعا بطلع بسرعة عادى لقيت صوت خبطه جامدة نزلت لقيت ماسورة وعليها حته مربعة دخلت فى الاكصدام وقطعته وطبقت الرفرف طبعا زغلت جدا واللى زعلنى اكثر ان المحل اللى قدام الماسورة مش شغال ومبيفتحش بقاله سنين اما دى محطوطه ليه طبعا علشان ازيه الناس لكن الحمد لله قدر وما شاء فعل والحمد لله انك سليم وتاكد ان دى حاجة فدا حاجة تانى . والحمد لله الذى لا يحمد على مكروه سواه

[mohamedbook]

مش باين خالص

[tefeamer]

مش باين خالص

يعنى ايه مش باين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[dr_abooody]

شكراا سا جماعة على الردود

بس دة اول خبطة و العربية لسة جديدة

اكيد هتعود على الحاجات دة

و الحمد لله على كل شئ و ربنا يستر طريقنا يا رب

[samihanwar]

دكتور عبودى هو انت من حلوان

[mohamedbook]

يعنى ايه مش باين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شرخ في الاكصدام من اسفل عادي جدا ممكن تحتك برصيف وهيحصل نفس الكلام
وبعدين ده فيبر مش صاج
هو عشان السيارة جديدة بعد كده هتتعود علي الحجات البسيطة ديه

[elassar2010]

الحمد الله انها مش باينة