التزوير فى العداد هل يمكن اكتشافة

[elgentel]

صباح الفل على الكل

قدامى عربية فيرنا 2006 عاملة 31000 كيلو بس حالتها من برة و من جوة تقول انها عاملة اكتر من كدة بكتير
فهل لو اخدتها التوكيل ممكن يكتشفو ان صاحبها صفر العداد
او ان اهلاك الماتور لا يناسب عدد الكيلو مترات
او اى حسب تانية تاكد او تنفى اللعب فى العداد
او لو حد عندة طريقة تانية يا ريت يقولى
لانى عاوز عربية مش ماشية كتير و خايف اتدبس

و هل فى التوكيل -فيرنا- بيكشفو على كل حاجة
موتور
عفشة
صاج
تكيف
كل حاجة ولا سلق بيض
يعنى الواحد لو دفع المبلغ المطلوب فى الكشف وقالو تمام يشيل و يطمن
ولا ارفعها فى بنزينة
انا بمشى بالمثل اللى بيقول ادى العيش لخبازة لو اكل نصة
بس المثل د من زمان دلوقى حتى لو اديت العيش لخبازة يطلع غبور و ياكله كله

ياريت خبراتكم فى الكام نقطة دول

[katz]

متابع باهتمام شديد لأهمية الموضوع

و حسب رأيي المتواضع هو ممكن الكشف فى الوكيل يكون مفيد فى حالة مثلا لو اكتشفوا انه عامل عندهم صيانة الاربعين الف مثلا او عمل صيانة ال30 الف من سنتبن دا بفرض انه ما كانش ممكن اكتشاف اللعب فى العداد من الاصل

[mshmshm3]

مش بالشكل من برة ممكن يكون صاحبها مش بيعرف يسوق كويس ومش بيخرج بيها كتير وصح زى ما قال katz لو كان بيعمل الصيانة في التوكيل ده هايثبت انه مش لاعب في العداد

[spiky1]

انا سمعت بس مش متاكد ان التوكيل يقدر يعرف من كارتة الكمبيوتر باى اسكانر
بس لو العربية مغيرة كارتة الكمبيوتر والعداد مع بعض او لو اصلا مفيهاش كمبيوتر يبقى الحل ايه

[A.Saad]

اللعب بيبان فى حالة الصالون اكتر من البودى
يعنى ما تلاقيش كتابة على الزراير ممسوحة او موكيت بايظ وتقول دى 30 ال كم
كمان
التوكيل لو كشفت على history العربية ممكن تعرف لو هوة كان بيعملها اصلا
وممكن تطلب منه دفتر الضمان

الاسكانر والشريحة فى بعض العربيات الغالية مش العادية